தினம் ஒரு குறள் யாப்போம் வாருங்கள் !!

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

அருண் wrote:சாமி பேர சொல்லிவிட்டு இவர்கள் செய்யும் கூத்துக்கு அளவில்லை.!
நல்ல குறளுக்கு .நன்றி அய்யா.!

உண்மைதான் அருண்...மிகவும் நன்றி மகிழ்ச்சி

மகா பிரபு wrote:இப்பொழுதெல்லாம் கோவில் வாசலில் வரிசையில் நிற்பவர்களை விட , டாஸ்மாக் கடையில் வரிசையில் நிற்பவர்களே அதிகம். அருமை ஐயா.

மிகவும் உண்மை மகா பிறப்பு...நன்றி மகிழ்ச்சி

முரளிராஜா wrote:எளிமையாக இருப்பினும் உங்கள் பொருள் விளக்கம் அருமையாக படிக்க தூண்டும் வகையில் இருக்குமே என்ற எண்ணத்தில் கேட்டேன் அய்யா

நிச்சயமாக ....முரளி....கொஞ்சம் பொறுங்கள்...எனது அலுவலக வேலைப் பளுவில் இருந்து ஒய்வு கிடைத்ததும் ஆரம்பித்துவிடுகிறேன். மகிழ்ச்சி

தினம் ஒரு குறள் யாப்போம் வாருங்கள் !! - Page 64 Kuppaiporukki

குறள் வெண்பா : ௦௯௬ (096)

பள்ளிக்குப் போகின்றான் பைதனைத் தோளிலிட்டே
பள்ளியோ குப்பைமடு பார்

பள்/ளிக்/குப் - போ/கின்/றான் - பை/தனைத் - தோ/ளிலிட்/டே
பள்/ளியோ - குப்/பைம/டு - பார்

நேர்/நேர்/நேர் – நேர்/நேர்/நேர் – நேர்/நிரை – நேர்/நிரை/நேர்
நேர்/நிரை – நேர்/நிரை/நேர் – நேர்

தேமாங்காய் –1- தேமாங்காய் –2- கூவிளம் –3- கூவிளங்காய் -4-
கூவிளம் –5- கூவிளங்காய் –6- நாள்

1.வெண்சீர் வெண்டளை 2.வெண்சீர் வெண்டளை 3.இயற்ச்சீர் வெண்டளை
4.வெண்சீர் வெண்டளை 5.இயற்ச்சீர் வெண்டளை 6.வெண்சீர் வெண்டளை

எதுகை : பள்ளிக்குப்; பள்ளியோ

மோனை : பள்ளிக்குப் – பைதனைத்; பள்ளியோ – பார்

ஈற்றுச்சீர் : பார் > நேர் -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக

சோகம்

by மகா பிரபு Fri Sep 07, 2012 6:30 pm

தினமொரு தித்திக்கும் கருத்தாய் வெற்றிநடைப்
போடுகிறது பயனுள்ள இத்திரி..

by சதாசிவம் Fri Sep 07, 2012 9:37 pm

அய்யா அழகிய குறள் வெண்பா,

உணவு, மற்றும் கல்வி சரிவர கிடைக்காத குழந்தைகள் மிகுந்த ஆப்பிரிக்க நாடுகளுக்கு அடுத்த நிலையில் இந்தியா உள்ளது.

மிகவும் வருத்தம் தரும் செய்தி,

மகா பிரபு wrote:தினமொரு தித்திக்கும் கருத்தாய் வெற்றிநடைப்
போடுகிறது பயனுள்ள இத்திரி..

நன்று....மகா பிரபு மகிழ்ச்சி

சதாசிவம் wrote:அய்யா அழகிய குறள் வெண்பா,
உணவு, மற்றும் கல்வி சரிவர கிடைக்காத குழந்தைகள் மிகுந்த ஆப்பிரிக்க நாடுகளுக்கு அடுத்த நிலையில் இந்தியா உள்ளது.
மிகவும் வருத்தம் தரும் செய்தி,

மிகவும் உண்மை தம்பி சதாசிவம்....என்ன செய்வது? சோகம்

தினம் ஒரு குறள் யாப்போம் வாருங்கள் !! - Page 64 Saathichchuvar

குறள் வெண்பா : ௦௯௭ (௦௯௭)

கல்லறைக் காட்டினிலே கல்சுவரைக் கண்டீரோ
பொல்லாத ஜாதிவெறி போ

கல்/லறைக் - காட்/டினி/லே - கல்/சுவ/ரைக் - கண்/டீ/ரோ
பொல்/லா/த - ஜா/திவெ/றி - போ

நேர்/நிரை – நேர்/நிரை/நேர் – நேர்/நிரை/நேர் – நேர்/நேர்/நேர்
நேர்/நேர்/நேர் – நேர்/நிரை/நேர் – நேர்

கூவிளம் –1- கூவிளங்காய் –2- கூவிளங்காய் –3- தேமாங்காய் -4-
தேமாங்காய் –5- கூவிளங்காய் –6- நாள்

1.இயற்ச்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.வெண்சீர் வெண்டளை 5.வெண்சீர் வெண்டளை 6.வெண்சீர் வெண்டளை

எதுகை : கல்லறைக்; பொல்லாத

மோனை : கல்லறைக் – காட்டினிலே – கல்சுவரைக் – கண்டீரோ;
பொல்லாத – போ

ஈற்றுச்சீர் : போ > நேர் -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக.
சோகம்

தினம் ஒரு குறள் யாப்போம் வாருங்கள் !! - Page 64 Realguts

குறள் வெண்பா: ௦௯௮ (098)

ஆனாலும் கொஞ்சம் அதிகமாய் தோன்றுதுபார்
ஏனிந்த தைரியமோ என்று

ஆ/னா/லும் – கொஞ்/சம் – அதி/கமாய் – தோன்/றுது/பார்
ஏ/னிந்/த – தை/ரிய/மோ – என்/று

நேர்/நேர்/நேர் – நேர்/நேர் – நிரை/நிரை – நேர்/நிரை/நேர்
நேர்/நேர்/நேர் – நேர்/நிரை/நேர் – நேர்/பு

தேமாங்காய் –1- தேமா –2- கருவிளம் –3- கூவிளங்காய் -4-
தேமாங்காய் –5- கூவிளங்காய் –6- காசு

1.வெண்சீர் வெண்டளை 2.இயற்ச்சீர் வெண்டளை 3.இயற்ச்சீர் வெண்டளை
4.வெண்சீர் வெண்டளை 5.வெண்சீர் வெண்டளை 6.வெண்சீர் வெண்டளை

எதுகை : ஆனாலும்; ஏனிந்த

மோனை : ஆனாலும் – அதிகமாய்; ஏனிந்த – என்று

ஈற்றுச்சீர் : என்று > நேர்பு -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டது. முகநூலுக்கும், முதலில் பதிவிட்டவருக்கும் என் நன்றிகள் உரித்தாகுக.
மகிழ்ச்சி