தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**Dr.சுந்தரராஜ் தயாளன்** · 03/09/2011

குறள் வெண்பா : 009

உண்ணுவது எல்லாம் உணவல்ல மற்றுயிரை
உண்ணா உணவே உணவு
------ நாக சுந்தரம் (நாக), புது தில்லி.

உண் ணுவ து - எல் லாம் - உண வல் ல - மற் றுயி ரை
நேர் நிரை நேர் - நேர் நேர் - நிரை நேர் நேர் - நேர் நிரை நேர்
கூவிளங்காய் - தேமா - புளிமாங்காய் - கூவிளங்காய்

உண் ணா - உண வே - உண வு
நேர் நேர் - நிரை நேர் - நிரைபு
தேமா - புளிமா - பிறப்பு

இன்றைய குறள் வெண்பாவை எழுதியவர் திரு. நாக சுந்தரம் (நாக) அவர்கள். இது எனது நாற்பதடி வெண்பா என்ற கவிதைக்கு பின்னுட்டமாக எழுதப்பட்டது. நண்பர் கேசவன் அவர்கள் விருப்பத்திற்கிணங்க சிறு மாற்றமுடன் பிழைகள் களைந்து இது இங்கு பதியப்படுகிறது. இதை சரி செய்து வெண்பா இலக்கணத்திற்குள் கொண்டுவந்தது நம் தம்பி இராமன் அவர்கள். நண்பர் நாக சுந்தரம் அவர்களுக்கும் தம்பி இராமனுக்கும் என் பாராட்டுக்கள். அவ்வாறே தம்பி கேசவனின் ஆர்வத்தைப் பாராட்டுகிறேன்.
மகிழ்ச்சி

**பிஜிராமன்** · **பிஜிராமன்** Fri Jun 08, 2012 9:16 pm

மிகவும் நன்று தம்பி. அந்தக்குறளில்
உண்ணுவது எல்லாம் உணவல்ல ஊணினை
உண்ணா உணவே உணவு
என்று இருந்ததால் நான் ஊண் என்று எடுத்துக்கொண்டு அவ்வாறு எழுதினேன். "ஊனினை" என்று இருந்தால் நான் ஊன் என்று புரிந்திருப்பேன். ஊன் vs ஊண் ...இது தான் குழப்பத்திற்கு காரணம் புன்னகை

உண்ணுவது எல்லாம் உணவல்ல மற்றுயிரை
உண்ணா உணவே உணவு - இதுவும் மிகவும் அருமை. அவ்வாறே நீங்கள் முதலில் மாற்றிய குறளில் ''ஊனினை'' என்று மாற்றம் செய்து வைத்துக்கொள்ளலாம். மிகவும் பொருத்தமாக இருக்கும். சரியா தம்பி இராமன்?

சிறு எழுத்துபிழையால் வந்தது.....இருந்தாலும் ஆரோக்கியமான முடிவுகளே கிடைத்துள்ளதால் மகிழ்கிறேன் ஐயா..... மகிழ்ச்சி

**பிஜிராமன்** · **பிஜிராமன்** Fri Jun 08, 2012 9:20 pm

உண்ணுவது எல்லாம் உணவல்ல மற்றுயிரை
உண்ணா உணவே உணவு
------ நாக சுந்தரம் (நாக), புது தில்லி.

உண் ணுவ து - எல் லாம் - உண வல் ல - மற் றுயி ரை
நேர் நிரை நேர் - நேர் நேர் - நிரை நேர் நேர் - நேர் நிரை நேர்
கூவிளங்காய் - தேமா - புளிமாங்காய் - கூவிளங்காய்

உண் ணா - உண வே - உண வு
நேர் நேர் - நிரை நேர் - நிரைபு
தேமா - புளிமா - பிறப்பு

பற்பல வர்ணத்தால் பக்குவமாய் கூறிட
சிற்பமாய் செய்வோம் குறள்

தொடருங்கள் ஐயா தொடர்கிறோம்

**Dr.சுந்தரராஜ் தயாளன்** · 03/09/2011

[quote="பிஜிராமன்"]

பற்பல வர்ணத்தால் பக்குவமாய் கூறிட
சிற்பமாய் செய்வோம் குறள்

தொடருங்கள் ஐயா தொடர்கிறோம்

மிகவும் நன்றி தம்பி iraaman மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : 010

செய்வோம்நாம் வாருங்கள் செந்தமிழில் வெண்பாவை
நெய்வோம்நாம் நேர்த்தியுடன் பாட்டு

----- சுந்தரராஜ் தயாளன்.

செய்/வோம்/நாம் - வா/ருங்/கள் - செந்/தமி/ழில் - வெண்/பா/வை
நெய்/வோம்/நாம் - நேர்த்/தியு/டன் - பாட்டு

நேர்/நேர்/நேர் - நேர்/நேர்/நேர் - நேர்/நிரை/நேர் - நேர்/நேர்/நேர்
நேர்/நேர்/நேர் - நேர்/நிரை/நேர் – நேர்பு

தேமாங்காய் – தேமாங்காய் – கூவிளங்காய் – தேமாங்காய்
தேமாங்காய் – கூவிளங்காய் – காசு

எதுகை : செய்வோம்நாம், நெய்வோம்நாம்
மோனை : செய்வோம்நாம், செந்தமிழில்; நெய்வோம்நாம், நேர்த்தியுடன்
மகிழ்ச்சி

**நாகசுந்தரம்** · 27/12/2011

திரு ஐயா, இன்னொரு குறள் முயன்றுள்ளேன் தங்களின் திரியில். குற்றம் நீக்கி குறள் அமைத்திடுவீர்கள் என நம்புகிறேன்.

நமக்கென்ன வந்ததென நகர்ந்திடும் நினைவகற்றின்
நமக்குள்ளே நமைந்திடுமே நலம்

நமக்/கென்/ன - வந்த/தென நகர்ந்/திடு/ம் நினை/வகற்/றின்
நேர்/நிரை/நேர் - நேர்/நேர் நிரை/நேர்/நேர் நேர்/நிரை/நேர்
கூவிளங்காய் - தேமா –புளிமாங்காய் - கூவிளங்காய்

நமக்/குள்ளே நமைந்/திடுமே நலம்
நேர்/நேர் நிரை/நேர் நிரைபு
தேமா - புளிமா - பிறப்பு

எதுகை - நமக்கென்ன , நமக்குள்ளே
மோனை - நமக்கென்ன, நகர்ந்திடும், நமக்குள்ளே, நமைந்திடுமே.

இரா.பகவதி · இரா.பகவதி Sat Jun 09, 2012 8:39 pm

குறள் வெண்பா : 010

செய்வோம்நாம் வாருங்கள் செந்தமிழில் வெண்பாவை
நெய்வோம்நாம் நேர்த்தியுடன் பாட்டு

----- சுந்தரராஜ் தயாளன்.

செய்/வோம்/நாம் - வா/ருங்/கள் - செந்/தமி/ழில் - வெண்/பா/வை
நெய்/வோம்/நாம் - நேர்த்/தியு/டன் - பாட்டு

நேர்/நேர்/நேர் - நேர்/நேர்/நேர் - நேர்/நிரை/நேர் - நேர்/நேர்/நேர்
நேர்/நேர்/நேர் - நேர்/நிரை/நேர் – நேர்பு

தேமாங்காய் – தேமாங்காய் – கூவிளங்காய் – தேமாங்காய்
தேமாங்காய் – கூவிளங்காய் – காசு

எதுகை : செய்வோம்நாம், நெய்வோம்நாம்
மோனை : செய்வோம்நாம், செந்தமிழில்; நெய்வோம்நாம், நேர்த்தியுடன்

அய்யா அருமையாக சீர் பிரித்து விளக்கியுள்ளீர்கள் மகிழ்ச்சி

, எப்படி நேர்பு , காசு என்பதை சொல்லுவது, மேலும் எதுகை மோனை கூட மறந்துவிட்டது அய்யா சோகம்

இரா.பகவதி · இரா.பகவதி Sat Jun 09, 2012 9:03 pm

அய்யா முதல் எழுத்து ஒன்று போல் இருந்தால் எதுகை இரண்டாம் எழுத்து ஒன்று போல் இருன்டால் மோனை , இதில் குறில் நெடில் கிடையாதா அய்யா

**பிஜிராமன்** · **பிஜிராமன்** Sat Jun 09, 2012 9:35 pm

இரா.பகவதி wrote:அய்யா முதல் எழுத்து ஒன்று போல் இருந்தால் எதுகை இரண்டாம் எழுத்து ஒன்று போல் இருன்டால் மோனை , இதில் குறில் நெடில் கிடையாதா அய்யா

பகவதி, முதல் எழுத்து ஒன்றி வந்தால் - மோனை
இரண்டாம் எழுத்து ஒன்றி வந்தால் - எதுகை

குறில் நெடில் நிச்சயம் உண்டு (எதுகைக்கு)

ஆடு என நெடிலில் வந்தால் காடு என்று நெடிலில் அடுத்த சீர் இருந்தால் தான் "டு" என்பது இங்கு எதுகை ஆகும். காடு என்பதற்கு பதிலாக "எடு" என சீர் குறிலில் துவங்கினால் எதுகை ஆகாது.

மோனைக்கு இது போன்று நெடில் குறில் கிடையாது. அன்பு ஆண்மை இவ்விரண்டு சீர்களில் அ விற்கு ஆ மோனை தான்.

**பிஜிராமன்** · **பிஜிராமன்** Sat Jun 09, 2012 9:44 pm

செய்வோம்நாம் வாருங்கள் செந்தமிழில் வெண்பாவை
நெய்வோம்நாம் நேர்த்தியுடன் பாட்டு

Dr.சுந்தரராஜ் தயாளன் wrote:குறள் வெண்பா : 010

செய்வோம்நாம் வாருங்கள் செந்தமிழில் வெண்பாவை
நெய்வோம்நாம் நேர்த்தியுடன் பாட்டு

----- சுந்தரராஜ் தயாளன்.

செய்/வோம்/நாம் - வா/ருங்/கள் - செந்/தமி/ழில் - வெண்/பா/வை
நெய்/வோம்/நாம் - நேர்த்/தியு/டன் - பாட்டு

நேர்/நேர்/நேர் - நேர்/நேர்/நேர் - நேர்/நிரை/நேர் - நேர்/நேர்/நேர்
நேர்/நேர்/நேர் - நேர்/நிரை/நேர் – நேர்பு

தேமாங்காய் – தேமாங்காய் – கூவிளங்காய் – தேமாங்காய்
தேமாங்காய் – கூவிளங்காய் – காசு

எதுகை : செய்வோம்நாம், நெய்வோம்நாம்
மோனை : செய்வோம்நாம், செந்தமிழில்; நெய்வோம்நாம், நேர்த்தியுடன்

செய்திடவே வந்திருக்கோம் செய்திகளை நீர்தரவே
கொய்திடுவோம் நற்கனியை பார்

ஐயா, அருமையான ஒரு அழைப்பு வெண்பா........

அனைவரும் வந்திங்கு அன்புடன் சேர்ந்து
நனைவார்கள் நற்குறளால் தான்

நன்றிகள் ஐயா தொடருங்கள் மகிழ்ச்சி

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக