தினம் ஒரு குறள் யாப்போம் வாருங்கள் !!

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

கேசவன் wrote:
உண்ணுவது எல்லாம் உணவல்ல மாமிசத்தை
உண்ணா உணவே உணவு
அருமை அய்யா ஆனால் இங்கு மாமிசம் என்பதற்கு பதிலாக வேறு எதாவது சொல் உபயோகிக்கலாமா

சரி கேசவா, இது எங்கனே...நோக்கு:

உண்ணுவது எல்லாம் உணவல்ல பல்லிறைச்சி
உண்ணா உணவே உணவு

பல்லிறைச்சி....என்றால் பல்லி இறைச்சி என்று புரிந்துகொள்வீர் கேசவா என்று எனக்குத் தெரியும். மகிழ்ச்சி

ஆயினும் இது பலவகையான இறைச்சி என்று பொருள் படும். இது சரியா புன்னகை

. தில்லி நாக அவர்களுக்கு மடல் அனுப்பி விடுவோமா? தனிமடல் அனுப்பினால் பதில் எழுதவில்லையே அவர்? சோகம்

குறள் வெண்பா : 008

தீதுதரும் பீடிசிகார் தீயகுடி சேர்த்துவிடும்
போது வரும்நிம் மதி

தீ துத ரும் - பீ டிசி கார் - தீ யகு டி - சேர்த் துவி டும்
நேர் நிரை நேர் - நேர் நிரை நேர் - நேர் நிரை நேர் - நேர் நிரை நேர்
கூவிளங்காய் - கூவிளங்காய் - கூவிளங்காய் - கூவிளங்காய்

போ து - வரும் நிம் - மதி
நேர் நேர் - நிரை நேர் - நிரை
தேமா - புளிமா - மலர்

by **பிஜிராமன்** Thu Jun 07, 2012 8:50 am

மிகவும் நல்ல முயற்சி தம்பி இராமன். ஆயினும் நீங்கள் ஊண் என்பதை இறைச்சி/மாமிசம் எனக் கொண்டு இந்த வெண்பாவை மாற்றியுள்ளீர்கள். ஊண் என்றால் பொதுவாக உணவு என்றுதானே பொருள்படுகிறது? தமிழ் அகராதியின் துணை கொண்டு பார்க்கவேண்டும். ஊண் என்றால் இறைச்சி அல்லது மாமிசம் என்று பொருளாகாது என்று கருதுகிறேன்

அப்படியே ஆகட்டும் ஐயா,....திருக்குறளில்

தன்னூன் பெருக்கற்குத் தான்பிறிது ஊனுண்பான்
எங்ஙனம் ஆளும் அருள்.

தன் உடம்பைப் பெருக்கச் செய்வதற்காகத் தான் மற்றோர் உயிரின் உடம்பைத் தின்கின்றவன் எவ்வாறு அருளுடையவனாக இருக்க முடியும்.

இந்த குரலில் ஊன் என்பது பிற உயிரின் உடலை தானே ஐயா குறிக்கிறது....இதை வைத்து தான் ஊன் என்பதை எழுதினேன் ஐயா...

உண்ணுவது எல்லாம் உணவல்ல பல்லிறைச்சி
உண்ணா உணவே உணவு

இதுவும் அருமையாகவே உள்ளது ஐயா.....

இன்னொரு சொல்லை வைத்து எழுதினால்,

உண்ணுவது எல்லாம் உணவல்ல மற்றுயிரை
உண்ணா உணவே உணவு

இப்படியும் எழுதலாம் இல்லையா ஐயா..... புன்னகை

by **கோவிந்தராஜ்** Thu Jun 07, 2012 9:18 am

Dr.சுந்தரராஜ் தயாளன் wrote:
கோவிந்தராஜ் wrote:இங்குள்ள குறலெல்லாம் பிணிபோக்கும் தம்
உட்குறலாய் கொண்டாலே தான்
- கோவி
பிழை சுட்டவும் !
பின்பு சுட்டுகிறேன் தம்பி கோவிந்தராசு. நீங்கள் முதலில் 'கவிதைகள்' பக்கத்தில் உள்ள "மரபுப் பா பயிலரங்கம்'' என்ற தமிழநம்பி என்பவரின் அருமையான திரியை தினமும் பார்த்து, படித்து அதில் கொடுக்கப்பட்டிருக்கும் செய்முறைகளை கொஞ்சம் கொஞ்சமாக செய்யுமாறு கேட்டுக்கொள்கிறேன்.

நன்றிகள் அண்ணா அப்படியே செய்கிறேன் !

by **நாகசுந்தரம்** Thu Jun 07, 2012 10:50 am

Dr.சுந்தரராஜ் தயாளன் wrote:
naka wrote:ஈகரை உறவுகளுக்கு வணக்கம். தவறை சுட்டிக்காட்டி திருத்தியதற்கு மிகவும்
நன்றி. மேலும் கற்க ஆவலாக உள்ளேன். தமிழ் கற்றோர் மத்தியில் உள்ளதற்கு
இதுவே பயன்.
நண்பன் நாக சுந்தரம்.
மிகவும் நன்று நாக சுந்தரம் அவர்களே...உங்களின் சிலேடைக் கவிதைகளைப் படித்தபின்பு, குறிப்பாக 'சிலேடையில் ஈகரை' கவிதையைப் படித்தபின்பு எனக்குத் தோன்றியது இது. நான்கு அளவடிகள் கச்சிதமாய் அமைத்து, எதுகை மோனை தவறாமல் சிறப்பாக கலிவிருத்தமாக எழுதி எங்களை களிப்படையச் செய்தீர். உங்களுக்கு வெண்பா எழுத வராது என்பது எனக்கு சற்று சந்தேகத்தை உருவாக்குகிறது. உண்மை யிலேயே உங்களுக்கு குறள் வெண்பா/வெண்பா எழுத வராதா? சரி போகட்டும்...நான் அனுப்பிய தனி மடலைப் படித்தீர்களா?

அன்புள்ள தயாளன் ஐயா அவர்களுக்கு ! உங்களின் ஆலோசனைக்கு நன்றி. கண்டிப்பாக படிக்கிறேன். தனி மடலுக்கு பதில் எழுத முடியாத வகையில் பின்வரும் error வருகிறது.

You haven't reached the post limit for sending private messages.

பள்ளியில் தமிழை ஆர்வத்துடன் பயின்றதுதான். தனியாக இலக்கணம் படிக்கவில்லை. செந்தமிழும் நாப்பழக்கம் என்ற வகையில் எழுதி வருகிறேன். தங்களின் ஊக்கத்திற்கு நன்றி. ஈகரையின் மூலம் பயின்று நன்றாக எழுத முயற்சிக்கிறேன்.

நண்பன் நாக சுந்தரம்.

பிஜிராமன் wrote:
மிகவும் நல்ல முயற்சி தம்பி இராமன். ஆயினும் நீங்கள் ஊண் என்பதை இறைச்சி/மாமிசம் எனக் கொண்டு இந்த வெண்பாவை மாற்றியுள்ளீர்கள். ஊண் என்றால் பொதுவாக உணவு என்றுதானே பொருள்படுகிறது? தமிழ் அகராதியின் துணை கொண்டு பார்க்கவேண்டும். ஊண் என்றால் இறைச்சி அல்லது மாமிசம் என்று பொருளாகாது என்று கருதுகிறேன்

அப்படியே ஆகட்டும் ஐயா,....திருக்குறளில்

தன்னூன் பெருக்கற்குத் தான்பிறிது ஊனுண்பான்
எங்ஙனம் ஆளும் அருள்.
தன் உடம்பைப் பெருக்கச் செய்வதற்காகத் தான் மற்றோர் உயிரின் உடம்பைத் தின்கின்றவன் எவ்வாறு அருளுடையவனாக இருக்க முடியும்.
இந்த குரலில் ஊன் என்பது பிற உயிரின் உடலை தானே ஐயா குறிக்கிறது....இதை வைத்து தான் ஊன் என்பதை எழுதினேன் ஐயா...

உண்ணுவது எல்லாம் உணவல்ல பல்லிறைச்சி
உண்ணா உணவே உணவு
இதுவும் அருமையாகவே உள்ளது ஐயா.....
இன்னொரு சொல்லை வைத்து எழுதினால்,
உண்ணுவது எல்லாம் உணவல்ல மற்றுயிரை
உண்ணா உணவே உணவு
இப்படியும் எழுதலாம் இல்லையா ஐயா.....

மிகவும் நன்று தம்பி. அந்தக்குறளில்
உண்ணுவது எல்லாம் உணவல்ல ஊணினை
உண்ணா உணவே உணவு
என்று இருந்ததால் நான் ஊண் என்று எடுத்துக்கொண்டு அவ்வாறு எழுதினேன். "ஊனினை" என்று இருந்தால் நான் ஊன் என்று புரிந்திருப்பேன். ஊன் vs ஊண் ...இது தான் குழப்பத்திற்கு காரணம் புன்னகை

உண்ணுவது எல்லாம் உணவல்ல மற்றுயிரை
உண்ணா உணவே உணவு - இதுவும் மிகவும் அருமை. அவ்வாறே நீங்கள் முதலில் மாற்றிய குறளில் ''ஊனினை'' என்று மாற்றம் செய்து வைத்துக்கொள்ளலாம். மிகவும் பொருத்தமாக இருக்கும். சரியா தம்பி இராமன்? மகிழ்ச்சி

by **உமா** Thu Jun 07, 2012 5:15 pm

தினமும் படித்து வருகிறேன். அன்பு மலர்

naka wrote:
Dr.சுந்தரராஜ் தயாளன் wrote:
naka wrote:ஈகரை உறவுகளுக்கு வணக்கம். தவறை சுட்டிக்காட்டி திருத்தியதற்கு மிகவும்
நன்றி. மேலும் கற்க ஆவலாக உள்ளேன். தமிழ் கற்றோர் மத்தியில் உள்ளதற்கு
இதுவே பயன்.
நண்பன் நாக சுந்தரம்.
மிகவும் நன்று நாக சுந்தரம் அவர்களே...உங்களின் சிலேடைக் கவிதைகளைப் படித்தபின்பு, குறிப்பாக 'சிலேடையில் ஈகரை' கவிதையைப் படித்தபின்பு எனக்குத் தோன்றியது இது. நான்கு அளவடிகள் கச்சிதமாய் அமைத்து, எதுகை மோனை தவறாமல் சிறப்பாக கலிவிருத்தமாக எழுதி எங்களை களிப்படையச் செய்தீர். உங்களுக்கு வெண்பா எழுத வராது என்பது எனக்கு சற்று சந்தேகத்தை உருவாக்குகிறது. உண்மை யிலேயே உங்களுக்கு குறள் வெண்பா/வெண்பா எழுத வராதா? சரி போகட்டும்...நான் அனுப்பிய தனி மடலைப் படித்தீர்களா?

அன்புள்ள தயாளன் ஐயா அவர்களுக்கு ! உங்களின் ஆலோசனைக்கு நன்றி. கண்டிப்பாக படிக்கிறேன். தனி மடலுக்கு பதில் எழுத முடியாத வகையில் பின்வரும் error வருகிறது.

You haven't reached the post limit for sending private messages.

பள்ளியில் தமிழை ஆர்வத்துடன் பயின்றதுதான். தனியாக இலக்கணம் படிக்கவில்லை. செந்தமிழும் நாப்பழக்கம் என்ற வகையில் எழுதி வருகிறேன். தங்களின் ஊக்கத்திற்கு நன்றி. ஈகரையின் மூலம் பயின்று நன்றாக எழுத முயற்சிக்கிறேன்.
நண்பன் நாக சுந்தரம்.

நன்று நாக அவர்களே, விரைவில் நூறு பதிவுகளைப் பதியுங்கள், அதன்பின் நீங்கள் தனி மடல் அனுப்ப தகுதி யுடையவர் ஆவீர்கள். தங்களின் ஆர்வத்தை நான் மிகவும் பாராட்டுகிறேன். எங்களால் முடிந்த உதவியை செய்ய நாங்கள் தயாராக இருக்கிறோம் எப்போதும். தொடர்ந்து இத் திரியை கவனித்து வாருங்கள். மரபுப் பா யாயிலரங்கம் என்ற திரியையும் மறவாமல் தினமும் படியுங்கள். ஓரிரு மாதங்களின் நீங்கள் வெண்பாவில் நல்ல தேர்ச்சி பெற்றுவிடுவீர்கள் என்பது திண்ணம். மகிழ்ச்சி

தம்பி கோவிந்தராசுவுக்கு என் வாழ்த்துக்கள். தொடர்ந்து நான் சொல்லிய பாடங்களைப் படியுங்கள். விரைவில் நீங்களும் எங்களைப்போல் மரபில் சிறப்பாக எழுதுவீர்கள் என்பது திண்ணம். மகிழ்ச்சி

உமா wrote:தினமும் படித்து வருகிறேன்.

தங்கை உமா அவர்களுக்கு என் பாராட்டுக்கள். தினமும் நீங்கள் இங்கு வந்து குறள்களைப் படிப்பது குறித்து மட்டற்ற மகிழ்ச்சி. தொடர்ந்து வாருங்கள் என அன்புடன் வரவேற்கிறோம்