தினம் ஒரு குறள் யாப்போம் வாருங்கள் !!

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

தினம் ஒரு குறள் யாப்போம் வாருங்கள் !! - Page 49 Kulanthai

குறள் வெண்பா : ௦௭௨(072)

தோல்வியை கண்டே துவளாதே தோல்வியின்பின்
வேல்கொண்டே நின்றவடி வேல்

தோல்/வியை - கண்/டே - துவ/ளா/தே – தோல்/வியின்/பின்
வேல்/கொண்/டே - நின்/றவ/டி - வேல்

நேர்/நிரை – நேர்/நேர் – நிரை/நேர்/நேர் – நேர்/நிரை/நேர்
நேர்/நேர்/நேர் – நேர்/நிரை/நேர் – நேர்

கூவிளம் – தேமா – புளிமாங்காய் – கூவிளங்காய்
தேமாங்காய் – கூவிளங்காய் – நாள்

1. இயற்ச்சீர் வெண்டளை 2. இயற்ச்சீர் வெண்டளை 3. வெண்சீர் வெண்டளை
4. வெண்சீர் வெண்டளை 5. வெண்சீர் வெண்டளை 6. வெண்சீர் வெண்டளை

எதுகை : தோல்வியை; வேல்கொண்டே

மோனை : தோல்வியை – துவளாதே – தோல்வியின்பின்; வேல்கொண்டே – வேல்

ஈற்றுச்சீர் : வேல் > நேர் -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டுள்ளது. முகநூலுக்கும், முதலில் பதிவிட்டவருக்கும் என் நன்றிகளை உரித்தாக்குகிறேன்.

மகிழ்ச்சி

by **அருண்** Sat Aug 11, 2012 2:07 pm

மிக அருமையான படத்திற்கு ஏற்ற குறள் விளக்கம் அய்யா.!
தோல்வி கண்டு துவளாமல் வெற்றியை நோக்கி நாம் ,முன்னேற வேண்டும்.! அருமையிருக்கு

by விநாயகாசெந்தில் Sat Aug 11, 2012 6:06 pm

அருண் wrote:மிக அருமையான படத்திற்கு ஏற்ற குறள் விளக்கம் அய்யா.!
தோல்வி கண்டு துவளாமல் வெற்றியை நோக்கி நாம் ,முன்னேற வேண்டும்.!

மிகவும் நன்று அருண்...தொடர்ந்து வாருங்கள்...உங்களின் கருத்துக்களை பகிருங்கள் ...நன்றி மகிழ்ச்சி

விநாயகாசெந்தில் wrote:

மிகவும் நன்றி...ஓரிரு வார்த்தைகளில் உங்களின் கருத்துக்களை பகிர்ந்தால் மிகவும் நன்றாக இருக்கும்...தொடர்ந்து வாருங்கள் மகிழ்ச்சி

தினம் ஒரு குறள் யாப்போம் வாருங்கள் !! - Page 49 Helmetw

குறள் வெண்பா : ௦௭௩ (073)
அணிவோம் தலைக்கவசம் அவ்வாறே என்றும்
பணிவோம்நாம் சாலைவிதி பார்த்து
----- சதாசிவம், மலேசியா

அணி/வோம் - தலைக்/கவ/சம் - அவ்/வா/றே - என்/றும்
பணி/வோம்/நாம் - சா/லைவி/தி - பார்த்/து

நிரை/நேர் – நிரை/நிரை/நேர் – நேர்/நேர்/நேர் – நேர்/நேர்
நிரை/நேர்/நேர் – நேர்/நிரை/நேர் – நேர்/பு

புளிமா – கருவிளங்காய் – தேமாங்காய் – தேமா
புளிமாங்காய் – கூவிளங்காய் – காசு

1. இயற்ச்சீர் வெண்டளை 2. வெண்சீர் வெண்டளை 3. வெண்சீர் வெண்டளை
4. இயற்ச்சீர் வெண்டளை 5. வெண்சீர் வெண்டளை 6. வெண்சீர் வெண்டளை

எதுகை : அணிவோம்: பணிவோம்நாம்

மோனை : அணிவோம் – அவ்வாறே; பணிவோம்நாம் – பார்த்து

ஈற்றுச்சீர் : பார்த்து > நேர்பு -> நாள், மலர், காசு, பிறப்பு

இப்படம் கூகுள் “படங்கள்” பகுதியில் இருந்து எடுக்கப்பட்டுள்ளது. கூகுளுக்கும் முதலில் பதிவிட்டவருக்கும் ஏன் நன்றிகளை உரித்தாக்குகிறேன்

இந்த அழகிய குறளை யாத்த தம்பி சாதாசிவம் அவர்களுக்கு என் பாராட்டுக்கள். தலைக்கவசத்தின் அவசியம் இப்போது உலகெங்கிலும் அங்கீகரிக்கப்பட்டு வருகிறது. பெங்களூர்ரில் கூட தலைக்கவசம் அணியவில்லை என்றால் ரூ. நூறு அந்த இடத்திலேயே அபராதமாக கட்டவேண்டி உள்ளது. இன்னும் நம் தமிழ் நாட்டில் இது நடைமுறைக்கு வரவில்லை என்று தோன்றுகிறது சோகம்

by இரா.பகவதி Sun Aug 12, 2012 9:37 am

ஐயா பயனுள்ள பாதுகாப்பு குறித்த கருத்தை வெண்பா முலம விளக்கியமைக்கு நன்றி சூப்பருங்க

by **அருண்** Sun Aug 12, 2012 2:03 pm

விழிப்புணர்வு குறளை வெண்பாக்களால் விளக்கிய விதம் அருமை அய்யா.!
குறளை உருவாக்கிய சதாசிவம் அய்யாவிற்கும் நன்றிகள்.! மகிழ்ச்சி

தமிழ் நாட்டிலும் உள்ளது அய்யா தலைக்கவசம் அணியாவிடில் அபராதம் வசூலிக்கிறார்கள்.

by அசுரன் Sun Aug 12, 2012 2:10 pm

தலைக்கவசத்தின் மகத்துவம் குறித்த அழகிய குறளை இயற்றியமைக்கு பாராட்டுகள் ஐய்யா!.... எதுகையும் 'ணி' மோனையும் 'அ' 'ப' நான் பத்தாம் வகுப்பு படித்தது... நேர் நேர் தேமா.. நிரை நேர் புளிமா... என.. பழைய நினைவுகள் கிளறியமைக்கு நன்றிகள்...