தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**Dr.சுந்தரராஜ் தயாளன்** · 03/09/2011

சதாசிவம் wrote:அழகிய குறள் வெண்பா தந்தமைக்கு நன்றி அய்யா,

இன்றைய காலத்தில் எழுதும் குறளும் திருக்குறளுடன் ஒப்பீடு செய்யலாம் என்பது என் தாழ்மையான கருத்து. திருவள்ளுவர் வேறு புத்தகம் எழுதவில்லை, தன்னுடைய வாழ்நாளில் முழு நேரம் செலவு செய்து அவர் நமக்கு அருளியது 1330 குறள்கள். நாமும் முழுநேரமும் இவ்வேலையைச் செய்தால் புதிய திருக்குறளும் எழுதலாம், பாரதியின் புதிய ஆத்திசூடி போல்.

உண்டு உலைத்தோர் ஒருபுறம் ஊணினை
உண்ணா திளைத்தோரும் உண்டு

உணவினை உண்டு உண்டு தன்னிடமும் உள்ள பணத்தை, ஆரோக்கியத்தை அழித்தவர் ஒரு புறம், மறு புறம் பணம் இல்லாமல், உணவினை உண்ணாமல் இளைத்து போனவர்களும் உண்டு.

மிகவும் நன்றி....தம்பி சதாசிவம்....உங்களின் கருத்தை நான் ஏற்றுக்கொள்கிறேன். எனது சிறு விளக்கம் பின்பு நான் உங்களுக்கு தனி மடலில் எழுதுகிறேன். மகிழ்ச்சி

**Dr.சுந்தரராஜ் தயாளன்** · 03/09/2011

மகா பிரபு wrote:
Dr.சுந்தரராஜ் தயாளன் wrote:
மிகவும் நன்றி மகாபிரபு...கொஞ்சம் முயற்சி செய்தால் போதும்...நீங்களும் அழகிய குறள்களை நம் ஈகரைக்குத் தரலாம். அந்த கவித்துவம் உங்களிடம் இருப்பதைக் காண்கிறேன் பிரபு. வாழ்த்துகள்.
தங்களின் வாழ்த்துக்கு நன்றி ஐயா.

இயற்றுகிறேன் இனிய குறளை தங்களின்
இதமான வழிகாட்ட லோடு.

அருமை மகாபிரபு....nanri மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : ௦௬௮ (068)

தினம் ஒரு குறள் யாப்போம் வாருங்கள் !! - Page 47 Castesystem

சாதியிலே கீல்மேலாம் சாத்தியமா? பாதகரால்
பாதியிலே பாகுபட்ட கேடு
----- சதாசிவம், மலேசியா

சா/தியி/லே கீல்/மே/லாம் சாத்/திய/மா பா/தக/ரால்
பா/தியி/லே பா/குபட்/ட கே/டு

நேர்/நிரை/நேர் – நேர்/நேர்/நேர் – நேர்/நிரை/நேர் – நேர்/நிரை/நேர்
நேர்/நிரை/நேர் – நேர்/நிரை/நேர் – நேர்/பு

கூவிளங்காய் – தேமாங்காய் - கூவிளங்காய் – கூவிளங்காய்
கூவிளங்காய் – கூவிளங்காய் – காசு

1.வெண்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.வெண்சீர் வெண்டளை 5.வெண்சீர் வெண்டளை 6.வெண்சீர் வெண்டளை

எதுகை : சாதியிலே; பாதியிலே

மோனை : சாதியிலே – சாத்தியமா; பாதியிலே – பாகுபட்ட

ஈற்றுச்சீர் : கேடு > நேர்பு -> நாள், மலர், காசு, பிறப்பு
இப்படம் கூகுள் ":படங்கள்" பகுதியில் இருந்து எடுக்கப்பட்டது. கூகுளுக்கு நன்றிகள் உரித்தாகுக.
மகிழ்ச்சி

இந்த அழகிய குறளைத் தந்த தம்பி சதாசிவம் அவர்களுக்கு என் பாராட்டுகள். மகிழ்ச்சி

விநாயகாசெந்தில் · 09/05/2012

அருமை ஐயா, விரும்பினேன் உங்கள் பதிவை மகிழ்ச்சி

**Dr.சுந்தரராஜ் தயாளன்** · 03/09/2011

விநாயகாசெந்தில் wrote: அருமை ஐயா, விரும்பினேன் உங்கள் பதிவை

மிகவும் நன்று...விநாயகாசெந்தில் அவர்களே...தொடர்ந்து வாருங்கள்...உங்களின் கருத்துக்களை பகிருங்கள்...நன்றி மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : ௦௬௯ (069)

தினம் ஒரு குறள் யாப்போம் வாருங்கள் !! - Page 47 Thannappikkai

ஒருகால் ஒருகைதான் ஒட்டியுழைக் கின்றார்
பெருந்தன்னம் பிக்கையிவர் பேர்

ஒரு/கால் - ஒரு/கைதான் - ஒட்/டியு/ழைக் - கின்/றார்
பெருந்/தன்/னம் - பிக்/கையி/வர் - பேர்

நிரை/நேர் – நிரை/நிரை – நேர்/நிரை/நேர் – நேர்/நேர்
நிரை/நேர்/நேர் –நேர்/நிரை/நேர் – நேர்

புளிமா – கருவிளம் – கூவிளங்காய் – தேமா
புளிமாங்காய் – கூவிளங்காய் – நாள்

1.இயற்ச்சீர் வெண்டளை 2.இயற்ச்சீர் வெண்டளை 3.வெண்சீர் வெண்டளை
4.இயற்ச்சீர் வெண்டளை 5.வெண்சீர் வெண்டளை 6.வெண்சீர் வெண்டளை

எதுகை : ஒருகால்; பெருந்தன்னம்

மோனை : ஒருகால் – ஒருகைதான் – ஒட்டியுழைக்; பெருந்தன்னம் - பிக்கையிவர் – பேர்

ஈற்றுச்சீர் : பேர் > நேர் -> நாள், மலர், காசு, பிறப்பு

இப்படம் முகநூலில் இருந்து எடுக்கப்பட்டுள்ளது. முகநூலுக்கும், முதலில் பதிவிட்டவருக்கும் என் நன்றிகளை உரித்தாக்குகிறேன்

மகிழ்ச்சி

**நாகசுந்தரம்** · 27/12/2011

அன்புள்ள ஐயா, கண்ணீர் விட வைத்தது உங்கள் பதிவும் படமும்.

அருமையாய் அமைந்தது அவருக்கு இரண்டு கை கால்களும்
இருக்கையில் அமர்ந்து செல்கிறார் இதயம் அவருக்கு உளதோ
ஒருகை தன்னுடன் உழைக்கிறான் உண்மையாய் உங்கள் உணர்வுடன்
பெருமையும் போயிற்று பார்ப்பவர் மனமும் நோகுது மேதினியோரே

**Dr.சுந்தரராஜ் தயாளன்** · 03/09/2011

நாகசுந்தரம் wrote:அன்புள்ள ஐயா, கண்ணீர் விட வைத்தது உங்கள் பதிவும் படமும்.
அருமையாய் அமைந்தது அவருக்கு இரண்டு கை கால்களும்
இருக்கையில் அமர்ந்து செல்கிறார் இதயம் அவருக்கு உளதோ
ஒருகை தன்னுடன் உழைக்கிறான் உண்மையாய் உங்கள் உணர்வுடன்
பெருமையும் போயிற்று பார்ப்பவர் மனமும் நோகுது மேதினியோரே

மிகவும் நன்றி நாகசுந்தரம் அவர்களே...உங்களுக்கு தனிமடல் அனுப்பியுள்ளேன்...பாருங்கள்...பதில் தாருங்கள் மகிழ்ச்சி

**Dr.சுந்தரராஜ் தயாளன்** · 03/09/2011

தினம் ஒரு குறள் யாப்போம் வாருங்கள் !! - Page 47 Kootturavu

குறள் வெண்பா : ௦௭௦(070)

ஒற்றுமையாய் நாமிருந்தால் ஊருலகே உம்மிடத்தில்
கற்றுக்கொள் என்னும் குரங்கு

ஒற்/றுமை/யாய் நா/மிருந்/தால் ஊ/ருல/கே உம்/மிடத்/தில்
கற்/றுக்/கொள் என்/னும் குரங்/கு

நேர்/நிரை/நேர் – நேர்/நிரை/நேர் – நேர்/நிரை/நேர் – நேர்/நிரை/நேர்
நேர்/நேர்/நேர் – நேர்/நேர் – நிரை/பு

கூவிளங்காய் – கூவிளங்காய் – கூவிளங்காய் – கூவிளங்காய்
தேமாங்காய் – தேமா – பிறப்பு

1.வெண்சீர் வெண்டளை 2.வெண்சீர் வெண்டளை 3.வெண்சீர் வெண்டளை
4.வெண்சீர் வெண்டளை 5.வெண்சீர் வெண்டளை 6.இயற்ச்சீர் வெண்டளை

எதுகை : ஒற்றுமையாய்; கற்றுக்கொள்

மோனை : ஒற்றுமையாய் – ஊருலகே – உம்மிடத்தில்

ஈற்றுச்சீர் : குரங்கு > நிரைபு -> நாள், மலர், காசு, பிறப்பு
இப்படம் முகநூலில் இருந்து எடுக்கப்பட்டுள்ளது. முகநூலுக்கும், முதலில் பதிவிட்டவருக்கும் ஏன் நன்றிகளை உரித்தாக்குகிறேன்

மகிழ்ச்சி

**பிஜிராமன்** · **பிஜிராமன்** Thu Aug 09, 2012 8:42 pm

அருமையான குறள்கள் ஐயா....... மகிழ்ச்சி

தொடர்ந்து தாருங்கள் ஐயா.......தங்களை தொடர முடியாமைக்கு வருந்துகிறேன்.......ஐயா......

ஒற்றுமை ஒன்றுதான் ஒட்டனும் உன்னிடம்
மற்றதை வெட்டுதல் மாண்பு

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக