தினம் ஒரு குறள் யாப்போம் வாருங்கள் !!

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

பிஜிராமன் wrote:
படங்களால் பாவமிந்த பையன்கள் பண்ணும்
மடமைகள் மாறினால் நன்று
நல்ல கருவை ஏந்திய குறள் ஐயா.....எனக்கு தெரிந்தே நிறையா பசங்க இப்டி எழுதிருக்காங்க, அதுக்கும் நம் ஆசிரியர்கள் மதிப்பெண் போட்ட கதையும் உண்டு ஐயா.
இதை முதலில் படிக்கும் போது,

சிரிப்புதான் முன்வருது சிந்தனைபின் நிற்க
தரித்திரம் தான்சினிமா இங்கு
நன்றிகள் ஐயா, தொடருங்கள்

மிகவும் நன்றி தம்பி இராமன். நல்ல குறள்கள். தொடர்ந்து எழுதுங்கள். பின்னுட்டத்தில் குறள்களை குறைத்துக் கொண்டு , இங்கு பதிவதற்காக நல்ல குறள்களை தாருங்கள். மகிழ்ச்சி

[quote="சதாசிவம்"]அருமையான குறளும் அதற்கு படமும் பதிந்தமைக்கு நன்றி அய்யா,
உழவில் முதலில் ஓட்டும் ஏரின் வழியில், பின்னால் வரும் ஏர்கள் செல்லும். அதுபோல் பிள்ளைக்கு திருப்புகழும், தேவாரமும், தாலாட்டுப் பாடி சோறு ஊட்டிய பெற்றோர், இன்று சினிமாப் பாடல் பாடி சோறு ஊட்டுகிறார்கள். ஆசிரியரும் "கல்யாணம் கட்டிக்கிட்டு ஓடிப்போலாமா" என்பதை போல் உள்ள பாடல்களை ரிங்டோன் வைத்துள்ளார்கள். அவர்களின் வழியில் வந்தவர்கள் இப்படித் தான் இருப்பார்கள்.
முன்னேரு வந்தவழி பின்னேரு போகுமாம்
சொன்னோர் வழியின் பலன்
முன்னேரு வந்தவழி பின்னேரு போகுமாம்
சொன்னோர் மொழியின் பலன்
மிகவும் நன்றி தம்பி சதாசிவம். வாருங்கள் தொடர்ந்து, பாருங்கள் இத்திரியை, தாருங்கள் நற்குறள்கள், சேருங்கள் தமிழ்ப்பெருமை. நன்றி. மகிழ்ச்சி

[quote="அருண்"]

பிஜிராமன் wrote:
மிக அருமை அய்யா! பொருளுடன் பொருள் சேர்த்தால் தான் அதை பொருளாக உணர முடியும் அதே போல் தான் இதுவும் இசை யுடன் கலந்த வார்த்தையில் உச்சரித்தால் தான் இசையாக உணர முடியும்.!
குறளின் விளக்கம் சூப்பர்.!

மிகவும் நன்றி அருண் அவர்களே, தொடர்ந்து வாருங்கள். மகிழ்ச்சி

சந்திரகி wrote:நயம்பட கருத்தை நறுக்குதெரித்தாற்போல் இரு வரிகளில் சொல்லும் விதம் வெகு அழகு ஐயா.
ரசித்தேன் உங்கள் குறளை.

அதுதானே குறளின் பெருமை சந்திரகி அவர்களே. இங்கும் நான் ஒரு குறையை உணர்கிறேன். அதாவது படம் இல்லாமல், வெறும் குறளை மட்டும் படித்துப்பார்த்தால் அவைகளின் பொருள் விளங்காது. ஒரு சில குறள்களைத் தவிர. அதைக் குறித்துத்தான் நான் யோசித்துக்கொண்டு உள்ளேன். படத்தைப் பார்த்து அதற்கு தகுந்தாற்போல் குறள் எழுதுவதால் இவ்வாறு இருக்கும் என்பதே உண்மை. என்ன செய்யலாம் என்று யோசியுங்கள். புன்னகை

தமிழ்நேசன்1981 wrote:
அகரம் அமுதனின் நண்பர் நீங்கள் என்பதில் எனக்கு மிக்க மகிழ்ச்சி. அவரின் அருமையான குறள்கள், வெண்பாக்கள் எனக்கு மிகவும் பிடிக்கும். அதை ஈகரை நண்பர்களும் படித்து ரசிக்க வேண்டும் என்பதுதான் எனது அவா.. மேலும் அகரம் அமுதனும் நானும் ஓர் ஊர்க்காரர்கள். நெருங்கிய நண்பரும் கூட..
கவனப்படுத்தியமைக்கு நன்றி. . நானும் எழுத முயற்சிக்கிறேன்.

மிகவும் நன்று தமிழ்நேசன்...எழுதுங்கள். இந்தத் திரியில் உங்களின் குறளைப் பதியுங்கள். அகரம் அமுதனும் தாங்களும் ஒரு ஊர்க்கார்கள் என்பது குறித்து மிகவும் மகிழ்ச்சி.

நீங்கள் நிச்சயம் நல்ல குறள்களைத் தருவீர்கள் என்பது திண்ணம். காரணம் ஒரே ஊரின் மண் வாசனைதான் மகிழ்ச்சி

தினம் ஒரு குறள் யாப்போம் வாருங்கள் !! - Page 31 Ammamummy

குறள் வெண்பா : ௦௪௫ (045)

மம்மியைநீ ஹைமம்மி மைலவ்யூ என்றாலும்
அம்மாவின் நல்அன்பே அன்பு

மம்/மியை/நீ - ஹை/மம்/மி – மை/லவ்/யூ - என்/றா/லும்
அம்/மா/வின் - நல்/அன்/பே - அன்/பு

நேர்/நிரை/நேர் - நேர்/நேர்/நேர் - நேர்/நேர்/நேர் - நேர்/நேர்/நேர்
நேர்/நேர்/நேர் - நேர்/நேர்/நேர் – நேர்/பு

கூவிளங்காய் – தேமாங்காய் – தேமாங்காய் – தேமாங்காய்
தேமாங்காய் – தேமாங்காய் – காசு

எதுகை : மம்மியைநீ; அம்மாவின்

மோனை ; மம்மியைநீ – மைலவ்யூ; அம்மாவின் – அன்பு

ஈற்றுச்சீர் : அன்பு > நேர்பு -> நாள், மலர், காசு, பிறப்பு
படத்துக்காக வேண்டி சில ஆங்கிலச் சொற்களை சேர்க்க வேண்டியதாகி விட்டது. ஆயினும் அசை தளை கெடவில்லை. இக்குறள் சொல்லும் கருத்தையே நாம் முக்கியமாக எடுத்துக்கொள்ள வேண்டும்.
படம் முகநூலில் இருந்து எடுக்கப்பட்டது. முகநூலுக்கும் முதலில் பதிவிட்டவருக்கும் என் நன்றி.
மகிழ்ச்சி

by சதாசிவம் Sun Jul 15, 2012 11:36 am

பாடம் புகட்டும் படம் அய்யா, ஆங்கிலம் வந்திங்கு நம்மை மாற்றிவிட்டது. பிள்ளைகள் மனம் ஏங்குவதைப் பற்றியும் கவலைப்படாமல் தன் இஷ்டமாய் நடக்கும் அம்மாக்கள், மன்னிக்கவும் மம்மீக்கள் - இறந்த மனம் உடையவர்கள் இவர்கள் ஆதலால் தான் எகிப்திய மம்மீ

ஆங்கிலம் வந்திங்கு அம்மாவை மாற்றியாச்சு
ஏங்கியே தொங்குது பிஞ்சு

தினம் ஒரு குறள் யாப்போம் வாருங்கள் !! - Page 31 1245199642-mother%20of%20the%20yearWEBSITE

தினம் ஒரு குறள் யாப்போம் வாருங்கள் !! - Page 31 1245199642-mother%20of%20the%20yearWEBSITE

by **அருண்** Sun Jul 15, 2012 2:24 pm

உண்மைதான் அய்யா! ஆங்கிலம் வந்தாலும் பொருளும் கருத்தும் தான் முக்கியம்.!
தாயின் அன்பு என்றுமே வற்றிபோகாது.!

குறளின் விளக்கமும் படமும் அருமை அய்யா! மகிழ்ச்சி

by இரா.பகவதி Sun Jul 15, 2012 7:25 pm

தயாளன் அய்யா மற்றும் சதாசிவம் அய்யா உங்கள் இருவரின் இன்றைய குறளும் அருமை சூப்பருங்க

by **பிஜிராமன்** Sun Jul 15, 2012 8:41 pm

Dr.சுந்தரராஜ் தயாளன் wrote:

குறள் வெண்பா : ௦௪௫ (045)

மம்மியைநீ ஹைமம்மி மைலவ்யூ என்றாலும்
அம்மாவின் நல்அன்பே அன்பு

மம்/மியை/நீ - ஹை/மம்/மி – மை/லவ்/யூ - என்/றா/லும்
அம்/மா/வின் - நல்/அன்/பே - அன்/பு

நேர்/நிரை/நேர் - நேர்/நேர்/நேர் - நேர்/நேர்/நேர் - நேர்/நேர்/நேர்
நேர்/நேர்/நேர் - நேர்/நேர்/நேர் – நேர்/பு

கூவிளங்காய் – தேமாங்காய் – தேமாங்காய் – தேமாங்காய்
தேமாங்காய் – தேமாங்காய் – காசு

எதுகை : மம்மியைநீ; அம்மாவின்

மோனை ; மம்மியைநீ – மைலவ்யூ; அம்மாவின் – அன்பு

ஈற்றுச்சீர் : அன்பு > நேர்பு -> நாள், மலர், காசு, பிறப்பு
படத்துக்காக வேண்டி சில ஆங்கிலச் சொற்களை சேர்க்க வேண்டியதாகி விட்டது. ஆயினும் அசை தளை கெடவில்லை. இக்குறள் சொல்லும் கருத்தையே நாம் முக்கியமாக எடுத்துக்கொள்ள வேண்டும்.
படம் முகநூலில் இருந்து எடுக்கப்பட்டது. முகநூலுக்கும் முதலில் பதிவிட்டவருக்கும் என் நன்றி.

அருமையான கருத்து ஐயா...மம்மி என்று அழைத்தால் தான் மதிப்பு என இன்றைய பெற்றோர்கள் நினைத்துக்கொண்டு இது போன்ற அழைக்க பிள்ளையை பழக்குகின்றனர்.

அம்மாவை மம்மியாய் ஆக்கும் மழலைகள்
டம்மியாக தாயிடம் காண்

மகிழ்ச்சி