தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**Dr.சுந்தரராஜ் தயாளன்** · 03/09/2011

Dr.சுந்தரராஜ் தயாளன் wrote:
சந்திரகி wrote:குறளுக்கு படமா?? படத்திற்கு குறளா?? இரண்டுமே அருமை ஐயா.
மிகவும் நன்றி சந்திரகி அவர்களே...இரண்டும் சற்று சிரமமான காரியம் தான் என்றே தோன்றுகிறது. ஆயினும், ஒரு படத்தை பார்த்துக்கொண்டு அதற்கு தகுந்த குறள் எழுதுவதே சிறந்தது.
நீங்கள் தினமும் வருவது குறித்து மகிழ்ச்சி

**Dr.சுந்தரராஜ் தயாளன்** · 03/09/2011

பிஜிராமன் wrote:
சுழற்சியில் சிக்கி சுழலும் இயற்கை
அழற்சியில் அல்லாடும் நாம்

அருமை ஐயா....பொக்கிசத்தின் படம் பதிந்து குறள் வரைந்தமைக்கு, நன்றிகள்

குறள் அருமை இராமன்...ஒன்று அனுப்பி வையுங்களேன், உங்களின் குறள் பதிந்து நாளாகிறது. புன்னகை

**Dr.சுந்தரராஜ் தயாளன்** · 03/09/2011

அருண் wrote:மிகவும் அருமை ஐயா! குறளுக்கு ஏற்ற படம். காலச் சுழற்சி இந்த படத்தின்
நன்கு அறிய படுகிறது.!

மிகவும் உண்மை அருண்...தங்களின் வருகை என்னை மகிழ்ச்சியில் ஆழ்த்தியது...தொடர்ந்து வாருங்கள்

**Dr.சுந்தரராஜ் தயாளன்** · 03/09/2011

https://www.youtube.com/watch?v=rYY1HAOYgKY

குறள் வெண்பா : ௦௪௨(042)

அசையும் தளையும் அழகாய் அமைத்தால்
இசையாய் இசையும் கவி
----- சதாசிவம், மலேசியா

அசை/யும் - தளை/யும் - அழ/காய் - அமைத்/தால்
இசை/யாய் - இசை/யும் - கவி

நிரை/நேர் – நிரை/நேர் – நிரை/நேர் – நிரை/நேர்
நிரை/நேர் – நிரை/நேர் – நிரை

புளிமா – புளிமா – புளிமா – புளிமா
புளிமா – புளிமா – மலர்

எதுகை : அசையும்; இசையாய்

மோனை : அசையும் – அழகாய் – அமைத்தால்; இசையாய் – இசையும்

ஈற்றுச்சீர் : கவி > நிரை -> நாள், மலர், காசு, பிறப்பு
மிகவும் அழகிய ஒரு வெண்பா தந்ததற்காக தம்பி சாதாசிவத்துக்கு என் பாராட்டுக்கள். மோனை சிறப்புற அமைய வேண்டும் என்பதால் சிறு மாற்றங்கள் செய்து (தம்பியைக் கேட்காமலேயே) இங்கு பதிகிறேன். நேற்றைய பின்னுட்டத்தில் "குறளுக்கு படமா, படத்துக்கு குறளா" என்ற ஒரு கேள்வியை சந்திரகி அவர்கள் எழுப்பினார். இந்தக்குறள் அசையையும் இசையையும் குறித்து இருப்பதால் இதற்கு ஒரு படம் தேர்வு செய்வது மிகவும் சிரமமாகப் போய்விட்டது. ஆகவே இந்தக்குறளுக்கு ஒரு பாடலை தேர்வு செய்ய தீர்மானித்தேன். புரட்சிக் கவிஞர் பாரதிதாசன் அவர்களின் ஒரு பாடல் நினைவுக்கு வந்தது. "துன்பம் நேர்கையில் யாழ் எடுத்து நீ ...." என்ற அந்தப்பாடல் இந்தக் குறளுக்கு மிகவும் பொருத்தமாக இருக்கும் என்பதால் அதையும் இங்கு பதிகிறேன். நன்றி YouTube . சுதாவின் குரல் மிகவும் அபாரமாய் இருக்கிறது. எல்லோரும் கவனிக்க வேண்டியது, அந்தப் பாடலில் உள்ள எதுகையும் மோனையும் எவ்வாறு இசைக்கு இயைந்து வருகிறது என்பதே. என்னைப் பொறுத்தவரை அப்பாடலில் எதுகையை விட மோனை மிகவும் சிறப்புற அமைந்துள்ளது. சிலர் எதுகை இருந்தால் போதும், மோனை இல்லாவிட்டாலும் பரவாயில்லை என்று சொல்வர். மோனையின் சிறப்பை இப்பாடல் உள்ளங்கை நெல்லிக்கனி ஆக்குகிறது. அதோடு, திருக்குறளின் சிறப்பையும் இப்பாடல் உணர்த்துகிறது. எனவேதான் தம்பி சதாசிவத்தின் இந்த குறளிலும் மோனையில் மாற்றங்கள் செய்தேன். இசையையும், இசையோடு இயைந்த குரலையும், குறளையும் கேட்டு மகிழுங்கள்.
மகிழ்ச்சி

சந்திரகி · சந்திரகி Thu Jul 12, 2012 9:00 am

Dr.சுந்தரராஜ் தயாளன் wrote:அசையும் தளையும் அழகாய் அமைத்தால்
இசையாய் இசையும் கவி

இசையாய் இசையும் கவி.... இசைந்தேன் ஐயா. அருமை அருமை.

என் எழுத்து ஆர்வத்தை மேலும் மேலும் தூண்டுகிறது தங்கள் வரிகள்.

இரா.பகவதி · இரா.பகவதி Thu Jul 12, 2012 9:51 am

ஐயா அருமையாக உள்ளது

**நாகசுந்தரம்** · 27/12/2011

அசையும் தளையும் அழகாய் அமைத்தால்
இசையாய் இசையும் கவி

ஐயா குறள் மிகவும் நன்றாக உள்ளது. இலக்கணம் படித்து பிழையின்றி எழுத முயற்சித்து வருகிறேன். ௧௦௦ பதிவுகள் கடந்ததும் தங்களுக்கு அனுப்புகிறேன். நன்றி.

**பிஜிராமன்** · **பிஜிராமன்** Thu Jul 12, 2012 9:29 pm

Dr.சுந்தரராஜ் தயாளன் wrote:https://www.youtube.com/watch?v=rYY1HAOYgKY

குறள் வெண்பா : ௦௪௨(042)

அசையும் தளையும் அழகாய் அமைத்தால்
இசையாய் இசையும் கவி
----- சதாசிவம், மலேசியா

அசை/யும் - தளை/யும் - அழ/காய் - அமைத்/தால்
இசை/யாய் - இசை/யும் - கவி

நிரை/நேர் – நிரை/நேர் – நிரை/நேர் – நிரை/நேர்
நிரை/நேர் – நிரை/நேர் – நிரை

புளிமா – புளிமா – புளிமா – புளிமா
புளிமா – புளிமா – மலர்

எதுகை : அசையும்; இசையாய்

மோனை : அசையும் – அழகாய் – அமைத்தால்; இசையாய் – இசையும்

ஈற்றுச்சீர் : கவி > நிரை -> நாள், மலர், காசு, பிறப்பு
மிகவும் அழகிய ஒரு வெண்பா தந்ததற்காக தம்பி சாதாசிவத்துக்கு என் பாராட்டுக்கள். மோனை சிறப்புற அமைய வேண்டும் என்பதால் சிறு மாற்றங்கள் செய்து (தம்பியைக் கேட்காமலேயே) இங்கு பதிகிறேன். நேற்றைய பின்னுட்டத்தில் "குறளுக்கு படமா, படத்துக்கு குறளா" என்ற ஒரு கேள்வியை சந்திரகி அவர்கள் எழுப்பினார். இந்தக்குறள் அசையையும் இசையையும் குறித்து இருப்பதால் இதற்கு ஒரு படம் தேர்வு செய்வது மிகவும் சிரமமாகப் போய்விட்டது. ஆகவே இந்தக்குறளுக்கு ஒரு பாடலை தேர்வு செய்ய தீர்மானித்தேன். புரட்சிக் கவிஞர் பாரதிதாசன் அவர்களின் ஒரு பாடல் நினைவுக்கு வந்தது. "துன்பம் நேர்கையில் யாழ் எடுத்து நீ ...." என்ற அந்தப்பாடல் இந்தக் குறளுக்கு மிகவும் பொருத்தமாக இருக்கும் என்பதால் அதையும் இங்கு பதிகிறேன். நன்றி YouTube . சுதாவின் குரல் மிகவும் அபாரமாய் இருக்கிறது. எல்லோரும் கவனிக்க வேண்டியது, அந்தப் பாடலில் உள்ள எதுகையும் மோனையும் எவ்வாறு இசைக்கு இயைந்து வருகிறது என்பதே. என்னைப் பொறுத்தவரை அப்பாடலில் எதுகையை விட மோனை மிகவும் சிறப்புற அமைந்துள்ளது. சிலர் எதுகை இருந்தால் போதும், மோனை இல்லாவிட்டாலும் பரவாயில்லை என்று சொல்வர். மோனையின் சிறப்பை இப்பாடல் உள்ளங்கை நெல்லிக்கனி ஆக்குகிறது. அதோடு, திருக்குறளின் சிறப்பையும் இப்பாடல் உணர்த்துகிறது. எனவேதான் தம்பி சதாசிவத்தின் இந்த குறளிலும் மோனையில் மாற்றங்கள் செய்தேன். இசையையும், இசையோடு இயைந்த குரலையும், குறளையும் கேட்டு மகிழுங்கள்.

பாட்டினைத் தேர்ந்து பகிர்ந்து கவிவளர்க்கும்
நாட்டம் நலம்பயக்கும் நன்கு

ஐயா, எத்தனை கவிதைகளை படித்திருந்தால், இந்த குறளுக்கு என்று பொருத்தமான பாரதிதாசனார் பாடலை தாங்கள் கண்டு பகிர்ந்திருப்பீர்கள். அருமை ஐயா...தங்களின் இந்த செயல் வியப்பூட்டுகிறது, நம் தமிழைப் போலவே.

மோனையது வெண்பாவில் முக்கியமாய் நிற்கணும்
யானைக்கு தந்தத்தைப் போல்

என்று அழகாய் அழுத்தமாய் கூறிவிட்டீர்கள்

நன்றிகள் ஐயா மகிழ்ச்சி

**Dr.சுந்தரராஜ் தயாளன்** · 03/09/2011

சந்திரகி wrote:
Dr.சுந்தரராஜ் தயாளன் wrote:அசையும் தளையும் அழகாய் அமைத்தால்
இசையாய் இசையும் கவி

இசையாய் இசையும் கவி.... இசைந்தேன் ஐயா. அருமை அருமை.
என் எழுத்து ஆர்வத்தை மேலும் மேலும் தூண்டுகிறது தங்கள் வரிகள்.

மிகவும் நன்றி...சந்திரகி அவர்களே....தொடர்ந்து வாருங்கள்...தமிழ் மழையில் நனையுங்கள்...தமிழ்த் தேன் பருகுங்கள்...தமிழிசையில் மூழ்கிஎழுங்கள்...வாழ்த்துகள். மகிழ்ச்சி

**Dr.சுந்தரராஜ் தயாளன்** · 03/09/2011

இரா.பகவதி wrote:ஐயா அருமையாக உள்ளது

நன்றி...தம்பி பகவதி மகிழ்ச்சி

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக