தினம் ஒரு குறள் யாப்போம் வாருங்கள் !!

பிஜிராமன் wrote:
அருமை ஐயா.....

மலையை புரட்டலாம் மக்கள் மனதில்
அலையா உறுதியிருந் தால்

என்பதை அழகாய் எடுத்துரைக்கிறது இந்த குறளும் படமும் நன்றிகள்......

வை.பாலாஜி wrote:குறளும் , படமும் அருமை வாழ்த்துக்கள் அய்யா

இரா.பகவதி wrote:அய்யா அருமையாக உள்ளது

Dr.சுந்தரராஜ் தயாளன் wrote:

குறள் வெண்பா : ௦௪௧(041)

காலச் சுழற்சியில் காட்சிகள் மாறியதே
ஞாலத்தின் நாடகமாம் இஃது

கா/லச் – சுழற்/சியில் - காட்/சிகள் - மா/றிய/தே
ஞா/லத்/தின் - நா/டக/மாம் - இஃ/து

நேர்/நேர் – நிரை/நிரை – நேர்/நிரை – நேர்/நிரை/நேர்
நேர்/நேர்/நேர் – நேர்/நிரை/நேர் – நேர்/நேர்(நேர்பு)

தேமா – கருவிளம் – கூவிளம் – கூவிளங்காய்
தேமாங்காய் – கூவிளங்காய் – காசு

எதுகை : காலச்; ஞாலத்தின்

மோனை : காலச் – காட்சிகள்; ஞாலத்தின் – நாடகமாம்

ஈற்றுச்சீர் : இஃது > நேர்பு -> காசு

இப்படம் கூகுள் தளத்தில் "படங்கள்" பக்கத்தில் இருந்து எடுக்கப்பட்டது. கூகுளுக்கு நன்றி.
உலகத்தில் மிகப்பெரிய இந்து கோவில் கம்போடியாவில் உள்ள "அங்கோர்வாட்" என்பதாகும். ஆயிரம் வருடங்களுக்கு முன்பு மிகவும் பிரபலமாக இருந்தது. திரைகடல் ஓடி திரவியம் தேடிய நம் தமிழர்களின் பங்களிப்பும் இதில் இருந்தது. காலப்போக்கில் இந்நகரம் கைவிடப்பட்டு காடுகளால் சூழப்பட்டு வெளிஉலகுக்கு தெரியாமல் மறைந்து போய் விட்டது. கடந்த நூறு வருடங்களுக்கு முன்பு ஒரு பிரஞ்சுகாரர் இதை கண்டுபிடித்து வெளி உலகுக்கு அறிவித்தார். காடுகள் அழிக்கப்பட்டு பாதுகாக்கப்பட்டது. முன்பு இந்து கோவிலாக இருந்தது தற்போது புத்தமததினரால் ஆக்கிரமிப்பு செய்யப்பட்டுள்ளது. ஆட்சி மாற்றம், உள்நாட்டு சண்டை என்பனவற்றால் அழியத்துவங்கியது. சிலைத் திருடர்கள் சிலைகளைத் திருடுவதும், பெரிய சிலைகலாக இருந்தால் தலையை மட்டும் வெட்டிச் சென்று வெளி நாட்டினருக்கு (வெள்ளையருக்கு) விற்று பணம் பார்த்தல் தொடருகிறது. தற்போது UNESCO வின் பொறுப்பில் உள்ளதால் சற்று நல்ல முறையில் பராமரிக்கப் பட்டு வருகிறது. நீங்கள் பார்ப்பது கோவிலின் ஒரு மூலையில் உள்ள ஒரு மிகச் சிறிய பகுதியாகும். முழு கோவிலும் பார்க்க பிரமிப்பு அடைவீர்கள். அங்கோர்வாட் என்று கூகுள் செய்து பாருங்கள்.

சந்திரகி wrote:குறளுக்கு படமா?? படத்திற்கு குறளா?? இரண்டுமே அருமை ஐயா.