தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**Dr.சுந்தரராஜ் தயாளன்** · 03/09/2011

தினம் ஒரு குறள் யாப்போம் வாருங்கள் !! - Page 25 Tholkapiyamnannool

குறள் வெண்பா : ௦௩௭ (037)

யாப்பதை நன்றாக யாத்திடவே நாம்தொடர்ந்து
யாப்பதே என்றும் சிறப்பு
----- சதாசிவம், மலேசியா

யாப்/பதை - நன்/றா/க - யாத்/திட/வே - நாம்/தொடர்ந்/து
யாப்/பதே - என்/றும் - சிறப்/பு

நேர்/நிரை – நேர்/நேர்/நேர் – நேர்/நிரை/நேர் –நேர்/நிரை/நேர்
நேர்/நிரை – நேர்/நேர் –நிரை/நேர்(நிரைபு)

கூவிளம் – தேமாங்காய் – கூவிளங்காய் – கூவிளங்காய்
கூவிளம் – தேமா – பிறப்பு

எதுகை : யாப்பதை; யாப்பதே

மோனை : யாப்பதை – யாத்திடவே; யாப்பதே – என்றும்

ஈற்றுச்சீர் : சிறப்பு > நிரைபு -> நாள், மலர், காசு, பிறப்பு

மிக அருமையான, அழகான குறள் வெண்பாவை இயற்றிய எனது அருமைத் தம்பி சதாசிவம் அவர்களுக்கு என் இதயம் கனிந்த வாழ்த்துகள். சித்திரமும் கைப் பழக்கம் என்று சும்மாவா சொன்னார்கள். உண்மைதான். தவறுகள் வந்துவிட்டதே என்று துவண்டுபோய்விடாமல் தொடர்ந்து எழுதிவர தவறுகள் தானாக மறையும் பாருங்கள்.
தொடர்ந்து வாருங்கள் தம்பி சதாசிவம் அவர்களே...நல்ல குறள் வெண்பாக்கள் தாருங்கள். மகிழ்ச்சி

bavanvijayaraja · bavanvijayaraja Sat Jul 07, 2012 4:46 pm

நாளும் ஒருகுறள் நாட்டிடும் ஈகரைக்கு
ஆளும் தமிழே அணி.

bavanvijayaraja · bavanvijayaraja Sat Jul 07, 2012 4:55 pm

தமிழைக் காக்கும் தயாளன் முயற்சிக்கு
உமியன்றோ மாமலையும் உள்

**Dr.சுந்தரராஜ் தயாளன்** · 03/09/2011

நமது உறவு, ஈகரைக்கு புதியவர் பவன்விஜயராஜா அவர்கள் நமது இந்தத் திரியை வாழ்த்தி என்னைப் பாராட்டி ஒரு அழகிய வெண்பாவை எழுதியுள்ளார். அவருக்கு நன்றி. ஆயினும் அவர் இந்தத் திரியிலேயே பதியாமல் புதிதாக ஒரு திரியை தொடங்கிவிட்டார். தலைப்பும் கிட்டத்தட்ட ஒரே மாதிரி உள்ளது. இதனால் மற்ற நம் உறவுகள் குழப்பம் அடைய வாய்ப்புள்ளது. அவரின் திரியை இந்தத் திரியுடன் இணைத்து விடுவது நல்லது என்று தோன்றுகிறது.
பவன் அவர்களே, நீங்கள் விரைவாக நூறு பதிவுகள் கடந்துவிடுங்கள். அப்போது எங்களுடன் தனிமடலில் கருத்துக்களை பரிமாற்ற முடியும். உங்களின் குறள்களை எனக்கு தனி மடலில் அனுப்பி வைத்தால் அதை இந்தத்திரியிலேயே உங்களின் பெயரில் பதிவு செய்யப்படும். இதற்காக தனித்தனி திரிகள் துவங்க வேண்டாம் என்று கேட்டுக்கொள்கிறேன். நன்றி மகிழ்ச்சி

**Dr.சுந்தரராஜ் தயாளன்** · 03/09/2011

தினம் ஒரு குறள் யாப்போம் வாருங்கள் !! - Page 25 Childmarriage

குறள் வெண்பா : ௦௩௮ (038)

மணமக்க ளாமிவர்கள் வானரர்கைப் பூவாய்
பிணம்போன்ற பிஞ்சுகளாம் பெண்

மணமக்க – ளாமிவர்கள் – வானரர்கைப் - பூவாய்
பிணம்போன்ற – பிஞ்சுகளாம் - பெண்

மண/மக்/க – ளா/மிவர்/கள் – வா/னரர்/கைப் – பூ/வாய்
பிணம்/போன்/ற – பிஞ்/சுக/ளாம் - பெண்

நிரை/நேர்/நேர் – நேர்/நிரை/நேர் – நேர்/நிரை/நேர் – நேர்/நேர்
நிரை/நேர்/நேர் – நேர்/நிரை/நேர் – நேர்

புளிமாங்காய் – கூவிளங்காய் – கூவிளங்காய் – தேமா
புளிமாங்காய் – கூவிளங்காய் – நாள்

எதுகை : மணமக்க; பிணம்போன்ற

மோனை : மணமக்க – வானரர்கைப்; பிணம்போன்ற – பிஞ்சுகளாம் – பெண்

ஈற்றுச்சீர் : பெண் > நேர் -> நாள், மலர்,காசு, பிறப்பு
மகிழ்ச்சி

இரா.பகவதி · இரா.பகவதி Sun Jul 08, 2012 3:32 pm

வெண்பா அருமை சூப்பருங்க

இது போன்ற அவலங்கள் நம் ஊர் களிலும் நடக்கின்றன அய்யா சோகம்

**Dr.சுந்தரராஜ் தயாளன்** · 03/09/2011

இரா.பகவதி wrote:வெண்பா அருமை இது போன்ற அவலங்கள் நம் ஊர் களிலும் நடக்கின்றன அய்யா

வருகைக்கு நன்றி பகவதி மகிழ்ச்சி

...உண்மைதான் இந்த அவலங்கள் நமது நாட்டிலும் நடக்கின்றன. குறிப்பாக ராஜஸ்தான் மாநிலத்தில், இன்னும் பல இடங்களில் இத்தகைய முறைகேடு தொடர்கிறது. சோகம்

**Dr.சுந்தரராஜ் தயாளன்** · 03/09/2011

தினம் ஒரு குறள் யாப்போம் வாருங்கள் !! - Page 25 Honeye

குறள் வெண்பா : ௦௩௯(039)

புதுக்கவிதை பூவிதழின் புன்னகையாம் என்றும்
மதுரம் மரபுப்பா தான்
----- சதாசிவம், மலேசியா

புதுக்/கவி/தை – பூ/வித/ழின் – புன்/னகை/யாம் – என்/றும்
மது/ரம் – மர/புப்/பா – தான்

நிரை/நிரை/நேர் – நேர்/நிரை/நேர் – நேர்/நிரை/நேர் – நேர்/நேர்
நிரை/நேர் – நிரை/நேர்/நேர் – நேர்

கருவிளங்காய் – கூவிளங்காய் – கூவிளங்காய் – தேமா
புளிமா – புளிமாங்காய் – நாள்

எதுகை : புதுக்கவிதை; மதுரம்

மோனை : புதுக்கவிதை – பூவிதழின் – புன்னகையாம்; மதுரம் - ,மரபுப்பா

ஈற்றுச்சீர் : தான் > நேர் -> நாள், மலர், காசு, பிறப்பு
அழகிய குறள் வெண்பாவைத் தந்துள்ள தம்பி சதாசிவம் அவர்களுக்கு என் பாராட்டுக்கள். மரபுப்பா மதுரமே அதில் எந்த ஒரு மாற்றுக்கருத்துக்கும் இடமில்லை. மிகவும் நன்று. மகிழ்ச்சி

இரா.பகவதி · இரா.பகவதி Mon Jul 09, 2012 8:34 am

ஐயா மதுரம் என்பதன் சரியான பொருள் என்ன

புதுக்கவிதை பூவிதழின் புன்னகையாம் என்றும்
மதுரம் மரபுப்பா தான்

**ராஜா** · **ராஜா** Mon Jul 09, 2012 2:31 pm

bavanvijayaraja wrote:நாளும் ஒருகுறள் நாட்டிடும் ஈகரைக்கு
ஆளும் தமிழே அணி.

bavanvijayaraja wrote:தமிழைக் காக்கும் தயாளன் முயற்சிக்கு
உமியன்றோ மாமலையும் உள்

உங்களது இரண்டு குரள்களும் இங்கு இணைக்கபட்டுள்ளது பவன் , இந்த திரியில் மறுமொழியிட என்பதை கிளிக் செய்து உங்களின் புதிய குறள் வெண்பாக்களை இங்கு பதிவிடலாம்

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

நாளும் ஒருகுறள் யாப்போம்

தினம் ஒரு திருக்குறள் யாப்போம்

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக