அமெரிக்க அதிபர் தேர்தல்: குடியரசுக் கட்சி வேட்பாளராக மிட் ரோம்னி தேர்வு

**ரா.ரமேஷ்குமார்** · 23/01/2011

வாஷிங்டன், மே. 30 -

வரும் நவம்பர் மாதம்
நடக்கவுள்ள அமெரிக்க அதிபர் தேர்தலில் ஜனநாயகக் கட்சி சார்பில் தற்போதைய
அதிபர் பராக் ஒபாமா போட்டியிடுகிறார். குடியரசுக் கட்சி சார்பில் அமெரிக்க
அதிபர் பதவிக்கு போட்டியிடும் வேட்பாளருக்கான தேர்தல் நடைபெற்று வந்தது

அமெரிக்க அதிபர் தேர்தல்: குடியரசுக் கட்சி வேட்பாளராக மிட் ரோம்னி தேர்வு 760049c5-6fa1-4366-b063-040d931672e8_S_secvpf

இத்தேர்தலில் மாசாசூசெட்ஸ் மாகாண முன்னாள் கவர்னர் மிட் ரோம்னி,
பென்சில்வேனிய முன்னாள் செனட்டர் சான்டோரம், முன்னாள் சபாநாயகர் கின்கிரீச்
உள்ளிட்டோர் அதிபருக்கான வேட்பாளர் போட்டியிட்டனர்.

அமெரிக்காவில் உள்ள ஒவ்வொரு மாகாணங்களிலும் மிட் ரோம்னிதான் குடியரசுக் கட்சி சார்பாக
அதிபர் தேர்தலில் போட்டியிட வேண்டும் என்று அக்கட்சியின் உறுப்பினர்கள்
அவருக்கு ஆதரவாக வாக்களித்தனர்.

அதன்படி டெக்ஸாஸ் மாகாணத்தில் நடந்த குடியரசுக் கட்சி வேட்பாளர் தேர்தலில் மிட் ரோம்னி
வென்றதன் மூலம் அதிபருக்கான வேட்பாளர் ஆகிறார் என்பது உறுதியானது.

அமெரிக்க வரலாற்றில் மோர்மோன் கிறிஸ்தவப் பிரிவிலிருந்து அதிபர் வேட்பாளராகின்ற
முதல் நபர் மிட் ரோம்னிதான். வரும் ஆகஸ்ட் மாதம் புளோரிடாவில் நடக்கவுள்ள
குடியரசுக் கட்சி மாநாட்டில், இக்கட்சியின் வேட்பாளராக மிட் ரோம்னி
அதிகாரபூர்வமாக அறிவிக்கப்படவுள்ளார்.

குடியரசுக் கட்சி சார்பில் அதிபராக வேட்பாளராக நிற்பதற்காக போட்டியிட்ட நான்கு பேரில்
மற்றவர்கள் அனைவரையும் விட மிகப் பெரும்பான்மையான ஆதரவை மிட் ரோம்னி
பெற்றுள்ளார்.

1144 உறுப்பினர்களின் ஆதரவு கிடைப்பவரே அதிபர் வேட்பாளராக முடியும் என்ற நிலையில் 1183 உறுப்பினர்களின்
ஆதரவை ரோம்னி பெற்றிருக்கிறார் என்பது குறிப்பிடத்தக்கது.

-மாலை மலர்