நானும் பிராணாயாம தூக்கமும் !!!!

by balakarthik Wed May 30, 2012 12:33 pm

முன்குறிப்பு :- ஆறு மணி நேரம் தூங்குகிறவன் ஆம்பிளை, ஏழு மணி நேரம் தூங்கினா பொம்பளை எட்டு மணி நேரம் தூங்கினா முட்டாள் என்று என் முன்னோர்கள் சொல்லக் கேட்டிருக்கிறேன்.

எட்டு மணி நேரம் தூங்குகிறவன் எப்படி முட்டாளாவான் என்று அடிக்கடி யோசிப்பேன்.

எட்டு மணி நேரத் தூக்கம் என்பது சராசரி வாழும் வயதுப் பிரகாரம் இருபத்தி மூன்று வருஷம். வாழ்க்கையில் இருபத்தி மூன்று வருஷங்களை தூங்கி கழித்தால் எத்தனையோ வாய்ப்புகளை நழுவ விட்டு விடுவோம் என்கிற அர்த்தத்தில் இருக்கலாம்.

ஆனால் தூக்கத்தின் விஞ்ஞானத்தைக் கொண்டு பார்த்தால் வேறு விதமான அர்த்தங்களைச் சொல்லலாம்.

தூங்குகிறவர்கள் எப்படி சுவாசிக்கிறார்கள் என்று கவனித்திருக்கிறீர்களா? நீண்ட உள்ளிழுப்பு, சிறிது இடைவெளி, அப்புறம் நீண்ட வெளிவிடுதல். ஒவ்வொரு சைக்கிளும் இருபத்தைந்து செகண்டாவது எடுக்கும். இப்படிப்பட்ட சுவாசம் என்ன நன்மையைத் தருகிறது? காற்றில் இருக்கும் பிராண வாயுவை முழுசாக உடம்பு எடுத்துக் கொள்கிறது. மூளையின் செல்கள் ரீஜெனரெட் ஆக இந்த பிராணவாயு உதவுகிறது.

இது மாதிரித் தூக்கம் நாலு மணி நேரம் தூங்கினால் போதும்.ஆனால் ஏன் எட்டு மணி நேரம் தூங்கினாலும் அலாரத்தை ஸ்நூஸ் செய்து விட்டு புரண்டு படுத்து தூங்குகிறோம்?

இரண்டு காரணங்கள்.

ஒன்று, பகலை விட இரவு நேரங்களில் பிராணவாயு குறைவாக இருக்கிறது. ஏனென்றால் தாவரங்கள் இரவில் பிராண வாயுவை உள்ளிழுத்து கரியமில வாயுவை வெளியிடுகின்றன.

இரண்டாவது, கொசுவுக்கு பயந்து எல்லா ஜன்னல்களையும் இறுக்கமாக மூடி விட்டுத் தூங்குகிறோம். அறையில் இருக்கிற பிராண வாயு இரண்டு மணி நேரத்தில் காலியாகி அதற்கப்புறம் கரியமில வாயுவைத்தான் சுவாசிக்கிறோம். (மகாபிரபு உள்ளிட்டோர்கள் தவறிருந்தால் மன்னிக்கவும் நாம பாட்டணியில கொஞ்சம் வீக்கு)

விடிகாலை நேரத்தில் ஓசோன் அதிகமாக இருப்பதால் ராத்திரி கிடைக்காத பிராணவாயு விடிகாலையில் அதிகமாகக் கிடைக்கிறது. அதனால் சுகமாகத் தூக்கம் வருகிறது.

சரி, அப்படியானால் எல்லாரும் எட்டுமணி நேரம் தூங்கத்தான் வேண்டுமா என்று கேட்டால் என் பதில் அவசியமில்லை.

தூக்கத்தில் சுவாசிக்கிற அதே ரிதம் பிராணாயாமத்தில் உண்டு.

நான் பிராணாயாமம் கற்றுக் கொண்ட புதிதில் ஆழமில்லாத தூக்கமும், ரொம்ப அதிகாலை எழுந்து விடுகிற பழக்கமும் இருந்தது. ஆனாலும் நாள் முழுக்க புத்துணர்ச்சியோடு இருக்க முடிந்தது. அது அப்போ

பின்குறிப்பு:- பிராணாயாமத்தின் சிறப்பை எடுத்துச் சொல்கிற போதெல்லாம்,“அதெல்லாம் மூட நம்பிக்கைங்க” என்று அதையும் மூட நம்பிக்கையில் சேர்த்து விடுகிற நண்பர்கள் எனக்கு இருக்கிறார்கள்.நீங்கள் எப்படி? தூக்கம்

by அசுரன் Wed May 30, 2012 12:44 pm

காலை தூக்கம் சுகமானது,.. ஆனால் அதற்கு காரணம் இது தானா? அற்புதம். சரி பிராணாயாமம் எப்ப சொல்லித்தர போறீங்க... மகிழ்ச்சி

by balakarthik Wed May 30, 2012 12:49 pm

அசுரன் wrote:காலை தூக்கம் சுகமானது,.. ஆனால் அதற்கு காரணம் இது தானா? அற்புதம். சரி பிராணாயாமம் எப்ப சொல்லித்தர போறீங்க...

அதெல்லாம் விட்டு நாலு வருஷமாச்சு மஸ்கட் வந்ததுலேர்ந்தே செய்யுறது இல்லே

by அசுரன் Wed May 30, 2012 12:51 pm

balakarthik wrote:
அசுரன் wrote:காலை தூக்கம் சுகமானது,.. ஆனால் அதற்கு காரணம் இது தானா? அற்புதம். சரி பிராணாயாமம் எப்ப சொல்லித்தர போறீங்க...

அதெல்லாம் விட்டு நாலு வருஷமாச்சு மஸ்கட் வந்ததுலேர்ந்தே செய்யுறது இல்லே

அடடா... ஆனா நைட்டு லேட்டா தூங்குவீங்களே? சரியா?

by ஹர்ஷித் Wed May 30, 2012 12:53 pm

நான் 10 மணிநேரம் தூங்கினாலும் விடியற்காலை துக்காத்திர்க்காக பலமுறை சூடான தேநீரை பலமுறை இழந்துள்ளேன். அழுகை

by balakarthik Wed May 30, 2012 12:54 pm

அசுரன் wrote:அடடா... ஆனா நைட்டு லேட்டா தூங்குவீங்களே? சரியா?

லேட்டஸ்ட் படம் பார்த்துட்டு லேட்டா தூங்கினா தப்பில்லே - லேட்டு லேனாமுனா சங்கம் ஓமன் கிளை

by **பிளேடு பக்கிரி** Wed May 30, 2012 1:14 pm

இங்க உள்ள சூடுக்கு ஏசி போட்டுட்டு புல்லா அடைச்சு மூடிட்டு படுக்கிறோம்..
பிராணவாயு எங்க இருந்து வாங்குறது சோகம்

by யினியவன் Wed May 30, 2012 1:59 pm

நாங்க பண்ற தொழில் ரொம்ப ரகசியமானது - மூச்சு விடக் கூடாது. என்ன பண்றது பாலா?

by முரளிராஜா Wed May 30, 2012 2:16 pm

balakarthik wrote:

நான் பிராணாயாமம் கற்றுக் கொண்ட புதிதில் ஆழமில்லாத தூக்கமும், ரொம்ப அதிகாலை எழுந்து விடுகிற பழக்கமும் இருந்தது. ஆனாலும் நாள் முழுக்க புத்துணர்ச்சியோடு இருக்க முடிந்தது

ஆம் உண்மைதான் பாலா நானும் என் தாய் உள்ளவரை பிராணயாமத்தை ஒழுங்காக கடைபிடித்தவன்