பெண்மைக்கு எப்போதும் சிறகுகள் இல்லை.

by **rameshnaga** Sun May 27, 2012 2:37 pm

பெண்மைச் சிறகுகளுக்கு...
எப்போதும் வானம் இல்லை.
அறிவதற்குத்தான் ஆயிற்று...
வெகு காலம் எனக்கு.

எனக்கு சிறகுகள் முளைத்தது
என்வீட்டில்தான்.
அப்பாவிடமிருந்துதான் அறிந்தேன்...
கார்ல் மார்க்சின் மூலதனத்தின் சிறகுகள்.

அண்ணன் எப்போதும் பேசுவான்...
சேகுவேராவின் விடுதலைச் சிறகுகள் பற்றி.

ஆசிரியரிடமிருந்து...
ஐன்ஸ்டீன், பெரியார்...எல்லாமும்.

எனது பெண்மையின் மேல்...
ஏராளமான சிறகுகள்.

எப்போதும்...
என் காலுக்குக் கீழே...
என் வானம் பார்த்தேன்.

ஒரு..அதீதமான ...
அன்புடன் வளர்க்கப்பட்டு...
தங்கக் கூண்டுக்குள்...
தத்தித் தத்தி நடந்தேன்.

மூன்று முடிச்சோடு..வெளியேறி..
வேறொரு கூட்டினுள்
வாழத் துவங்கினேன்.

இப்போது வானம்...
எனது கூட்டிற்குள்.

என் குழந்தைகள்....
வளர்ந்த பின்தான் அறிகிறேன்..

எனது வானம் எனக்கு
எப்போதும்..
அந்நியமாய் இருக்கும் நிலையை.

by யினியவன் Sun May 27, 2012 2:49 pm

நல்ல கருத்து ரமேஷ்.

சிறகடிப்பதே சிறைபடத் தான் என்று பெண்கள் ஏன்
சிறுவட்ட சிறைக்குள் சிறை படுகிறார்களோ தெரியவில்லை.

by **rameshnaga** Sun May 27, 2012 2:56 pm

ரொம்பவும் நன்றி! யினியவன்.

by முரளிராஜா Mon May 28, 2012 9:45 am

அருமை நாகா சூப்பருங்க

by **rameshnaga** Mon May 28, 2012 11:03 am

ரொம்பவும் நன்றி! முரளிராஜா.

by balakarthik Mon May 28, 2012 11:18 am

ஒரு..அதீதமான ...
அன்புடன் வளர்க்கப்பட்டு...
தங்கக் கூண்டுக்குள்...
தத்தித் தத்தி நடந்தேன்.

மூன்று முடிச்சோடு..வெளியேறி..
வேறொரு கூட்டினுள்
வாழத் துவங்கினேன்.

எனது வானம் எனக்கு
எப்போதும்..
அந்நியமாய் இருக்கும் நிலையை.

எனக்கு தெரிந்தவரை பெண்களின் சிறகுகளை முடக்குவது பெண்களேத்தான் சூப்பருங்க