குட்கா, பான்மசாலாவுக்கு கேரளாவில் தடை உடனடியாக அமலுக்கு வருவதாக முதல்-மந்திரி அறிவிப்பு

**ராஜா** · **ராஜா** Sat May 26, 2012 10:46 am

குட்கா, பான்மசாலாவுக்கு கேரளாவில் தடை
உடனடியாக அமலுக்கு வருவதாக முதல்-மந்திரி அறிவிப்பு

திருவனந்தபுரம், மே.26-

கேரளாவில், குட்கா, பான்மசாலா பொருட்களுக்கு உடனடியாக தடை அமலுக்கு வருவதாக முதல்-மந்திரி உம்மன் சாண்டி கூறியுள்ளார்.

உம்மன் சாண்டி

கேரள மாநில முதல்-மந்திரி உம்மன் சாண்டி, திருவனந்தபுரத்தில் நிருபர்களுக்கு பேட்டி அளித்தார். அப்போது அவர் கூறியதாவது:-

புகையிலை, நிகோட்டின் ஆகிய பொருட்கள் அடங்கிய குட்கா மற்றும் பான்மசாலா பொருட்களை பயன்படுத்துவதால், வாய் புற்றுநோய் தாக்குதலுக்கு ஆளானவர்கள் எண்ணிக்கை கேரளாவில் அதிகரித்து வருகிறது. எனவே, குட்கா மற்றும் பான்மசாலா பொருட்கள் மீது நாடு முழுவதும் தடை விதிக்குமாறு பிரதமர் மன்மோகன்சிங்குக்கு கடிதம் எழுதினேன்.

அதற்கு மத்திய அரசு எழுதிய பதில் கடிதத்தில், மாநில அரசே இந்த தடையை விதிக்க அதிகாரம் இருப்பதாக கூறி இருந்தது.

கடும் நடவடிக்கை

அதன்படி, கேரளாவில், குட்கா, பான்மசாலா ஆகிய பொருட்கள் தயாரிப்பதற்கும், விற்பதற்கும் தடை விதிக்கப்படுகிறது. இந்த தடை உடனடியாக அமலுக்கு வருகிறது. உணவு பாதுகாப்பு மற்றும் தர ஒழுங்குமுறை சட்டம்-2011-ன் கீழ் இந்த தடை விதிக்கப்படுகிறது. இதுதொடர்பாக உணவு பாதுகாப்பு (கேரளா) ஆணையர் கடந்த 22-ந் தேதி அறிவிக்கை வெளியிட்டுள்ளார்.

இந்த தடையை கேரள அரசு உறுதியாக அமல்படுத்தும். தடையை மீறுவோர் மீது கடும் நடவடிக்கை எடுக்கப்படும்.

இவ்வாறு உம்மன் சாண்டி கூறினார்.

அறிவிப்பு கூறுவது என்ன?

எந்த பெயரில் சந்தையில் விற்கப்படும் குட்கா மற்றும் பான்மசாலா பொருட்களாக இருந்தாலும், அவற்றை விற்பது, சேமித்து வைப்பது, வினியோகிப்பது, விற்பது ஆகியவற்றுக்கு தடை விதிக்கப்படுவதாக உணவு பாதுகாப்பு ஆணையர் வெளியிட்ட அறிவிக்கையில் கூறப்பட்டுள்ளது.

குட்கா, பான்மசாலா பொருட்களுக்கு மத்தியபிரதேச அரசு ஏற்கனவே தடை விதித்துள்ளது. அதையடுத்து, இப்பொருட்களுக்கு தடை விதிக்கும் இரண்டாவது மாநிலம் கேரளா ஆகும்.

**ராஜா** · **ராஜா** Sat May 26, 2012 10:47 am

குட்கா, பான்மசாலா பொருட்களுக்கு மத்தியபிரதேச அரசு ஏற்கனவே தடை விதித்துள்ளது. அதையடுத்து, இப்பொருட்களுக்கு தடை விதிக்கும் இரண்டாவது மாநிலம் கேரளா ஆகும்.

இதுபோல தில்லாக சட்டம் இயற்ற நம் மாநில அரசுக்கு தைரியம் உள்ளதா ??

ஹர்ஷித் · ஹர்ஷித் Sat May 26, 2012 10:50 am

ராஜா wrote:
குட்கா, பான்மசாலா பொருட்களுக்கு மத்தியபிரதேச அரசு ஏற்கனவே தடை விதித்துள்ளது. அதையடுத்து, இப்பொருட்களுக்கு தடை விதிக்கும் இரண்டாவது மாநிலம் கேரளா ஆகும்.
இதுபோல தில்லாக சட்டம் இயற்ற நம் மாநில அரசுக்கு தைரியம் உள்ளதா ??

மோதல் இத செய்யணும் அண்ணா,இங்க இந்த சேர் ஆட்டோகாரணங்க இத போட்டுட்டு பண்ணுற அட்டுழியம் இருக்கே., என்ன கொடுமை சார் இது

அசுரன் · அசுரன் Sat May 26, 2012 10:55 am

குட்கா பான் மசாலாவை தங்கள் மாநிலத்தில் தயாரிப்போருக்கும் அதை சப்ளை செய்யும் முகவர்களுக்கும் குண்டர் சட்டம் போட்டாலே போதும்.. அப்பாவி வியாபாரிகள் அதை வாங்கி விற்கிறார்கள். அவர்களிடம் அரசாங்கம் கெடுபிடி காட்டும். காமெடிப்பா

யினியவன் · யினியவன் Sat May 26, 2012 1:57 pm

ராஜா wrote:இதுபோல தில்லாக சட்டம் இயற்ற நம் மாநில அரசுக்கு தைரியம் உள்ளதா ??

சட்டம் இயற்றும் கலெக்டர உடனே பதவி நீக்கம் இல்லேன்னா துறை மாற்ற நம் அரசுக்கு தில்லு இருக்குன்னே.

Sponsored content · Sponsored content

குட்கா, பான்மசாலாவுக்கு கேரளாவில் தடை உடனடியாக அமலுக்கு வருவதாக முதல்-மந்திரி அறிவிப்பு

குட்கா, பான்மசாலாவுக்கு கேரளாவில் தடை உடனடியாக அமலுக்கு வருவதாக முதல்-மந்திரி அறிவிப்பு

Re: குட்கா, பான்மசாலாவுக்கு கேரளாவில் தடை உடனடியாக அமலுக்கு வருவதாக முதல்-மந்திரி அறிவிப்பு

Re: குட்கா, பான்மசாலாவுக்கு கேரளாவில் தடை உடனடியாக அமலுக்கு வருவதாக முதல்-மந்திரி அறிவிப்பு

Re: குட்கா, பான்மசாலாவுக்கு கேரளாவில் தடை உடனடியாக அமலுக்கு வருவதாக முதல்-மந்திரி அறிவிப்பு

Re: குட்கா, பான்மசாலாவுக்கு கேரளாவில் தடை உடனடியாக அமலுக்கு வருவதாக முதல்-மந்திரி அறிவிப்பு

Re: குட்கா, பான்மசாலாவுக்கு கேரளாவில் தடை உடனடியாக அமலுக்கு வருவதாக முதல்-மந்திரி அறிவிப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக