சிவா தம்பதியினருக்கு கவி வாழ்த்து

**kirikasan** · **kirikasan** Sat May 26, 2012 11:52 am

ஈகரை இணையத்தள நிறுவனர் சிவகுமார் - கார்த்திகா தம்பதியினரின் மணவாழ்வுக்கு கவிமாலை சூட்டுகின்றேன்

திருமண வாழ்த்துக்கள்

கனவாக இதுநாளும் காணின்பங்கள்
கைகிட்டும் மணவாழ்வில் கரம்கோர்த்தவர்
மனம்மீது உல்லாச அலைமேவிட
மதுகொள்ள இளம்தும்பி மலர்தேடிடும்
தினங்காலை இளஞ்சூர்யன் எழும்வேளையில்
தோன்றும்நற் புதிதான விடிகாலைபோல்
தனதன்பு வாழ்வில் புத்துணர்வோங்கிட
தலைவர் ஈ கரைநிறுவர் தமை வாழ்த்தினேன்

மனமோ மெய் யுணர்வோடு திறன் பேசிடும்
மகிழ்வான முகமன்பை தினம் காட்டிடும்
கனமோ நல்லுளம் கொள்ளப் பஞ்சாகியும்
கருணை கொள்விழி நேர்மை உரம்காட்டியும்
தனமோ பொன்நதியாகி பிரவாகமும்
தவறாது இளமைமுன் னணி கொண்டிட
குணமாம்சி வாஉள்ளம் கவர் கார்த்திகா
கூடியோர் புதுவாழ்வு தளைத் தோங்கட்டும்

வழியான தொருவாழ்க்கை நடைபாதையில்
வரும்வண்ணக் கனவான நிறைவேறவும்
விழிகூடி ஒருபாதை விரைந்தேகிட
விருப்போடு இணையுமிவ் விருபூங்குயில்
மொழிகாதல் நிதம்பேசி துணைகாணவும்
முழுவாழ்வும் மகிழ்வொன்றே மனம்கொள்ளவும்
களிகூடிச் சுவையோ கற்கண் டென்பதாய்
காணவே கவிகொண்டு வாழ்த்துகின்றேன்

இளங்காதல் நெஞ்சங்கள் இசைபாடியும்
இல்லாத சொந்தங்கள் புதிதாகவும்-
மழலைகள் மனம்போல பலகாணவும்
மாந்தர்கள் வியந்தே தம் விழிபூக்கவும்
பழகுமெப் பொழுதும் நற்பொறுமை கொண்டே
பரிவாக தன்தேவை பெரிதாமென
உளமெண்ணா, துணையின்பம் தனதின்பமாய்
உற்றுஇல் லறம் காண வாழ்த்து கின்றேன்

-அன்புடன் கிரிகாசன்