தமிழகத்தில் விரைவில் மின்வெட்டு தீரும்

by **ராஜா** Sat May 26, 2012 10:33 am

First topic message reminder :

தமிழகத்தில் மொத்த மின்சார உற்பத்தியில் 3-ல் ஒரு பங்கு காற்றாலை மூலம் கிடைத்தது
விரைவில் மின்வெட்டு தீரும்

உலகில் எங்கும் இல்லாத அளவுக்கு, தமிழகத்தில் மொத்த மின்சார உற்பத்தியில் 3-ல் ஒரு பங்கு காற்றாலை மூலம் கிடைத்தது. இதனால், தமிழகத்தில் விரைவில் மின்வெட்டு தீரும் என்று எதிர்பார்க்கப்படுகிறது.

காற்றாலை மின் உற்பத்தி

தமிழகத்தில் மின்சார தேவை அதிகரித்ததை தொடர்ந்து, கடந்த சில மாதங்களாக மின்வெட்டு நிலவிவருகிறது. இந்த நிலையில், கடந்த மாதம் காற்றின் வேகம் அதிகரித்ததை தொடர்ந்து, காற்றாலை மூலம் கிடைக்கும் மின்சார உற்பத்தி அதிகரிக்க தொடங்கியது. இதனால், சென்னை தவிர தமிழக கிராமங்களில் மின் வெட்டு நேரம் படிப்படியாக குறையத் தொடங்கியது.

இதனால், கோடை வெயிலில் அவதிப்பட்ட பொதுமக்கள் மகிழ்ச்சி அடையத் தொடங்கினார்கள். இந்த நிலையில், கடந்த 15 நாட்களாக காற்றின் வேகம் குறையத் தொடங்கியது. இதனால், காற்றாலை மின்உற்பத்தியும் 20 சதவீதமாக குறைந்தது.

3-ல் ஒரு பங்கு உற்பத்தி

இதற்கிடையே கடந்த வாரம் மீண்டும் காற்றின் வேகம் அதிகரிக்க தொடங்கியது. காற்றாலை மின் உற்பத்தியும் 2,500 மெகாவாட் அளவுக்கு உயரத் தொடங்கியது. நேற்று காலை 8 மணியுடன் நிறைவடைந்த ஒரு நாளில் காற்றாலை மூலம் மின் உற்பத்தி 3,248 மெகா வாட்டாக அதிகரித்தது. அதாவது, தமிழகத்தில் உற்பத்தியாகும் மொத்த மின் உற்பத்தியில் 3-ல் ஒரு பங்கு காற்றாலை மூலம் கிடைத்தது. காற்றாலை மூலம் மின் உற்பத்தி இந்த அளவுக்கு அதிகமாக கிடைப்பது இதுவே முதல் முறையாகும். அதே நேரத்தில், நுகர்வோர்களால் 72.002 மில்லியன் ïனிட் மின்சாரம் பயன்படுத்தப்பட்டுள்ளது.

இதுகுறித்து, இந்திய காற்றாலை சங்க தலைவர் கே.கஸ்தூரி ரங்கையன் கூறியதாவது:-

33 சதவீதம் மின் உற்பத்தி

தமிழகத்தில் 25-ந் தேதி காலை 8 மணி நிலவரப்படி, காற்றாலை மூலம் 33 சதவீத மின் உற்பத்தி கிடைத்துள்ளது. இதை ஒரு உலக சாதனை என்றே சொல்ல வேண்டும். எந்த ஒரு நாட்டிலும் காற்றாலை மூலம் இந்த அளவுக்கு மின் உற்பத்தி செய்தது கிடையாது.

வரும் ஜுன், ஜுலை மாதங்களில் காற்றின் வேகம் மேலும் அதிகரிக்கும் என்று எதிர்பார்க்கப்படுகிறது. அதனால், காற்றாலை மின் உற்பத்தி மேலும் உயர வாய்ப்பு உள்ளது. எனவே, காற்றாலை மின்சார உற்பத்தியை சரியாக பயன்படுத்திய மின்வாரிய என்ஜினீயர்களுக்கு எனது பாராட்டுதல்களை தெரிவித்துக்கொள்கிறேன். முதல்-அமைச்சர் ஜெயலலிதாவுக்கும் நன்றி தெரிவிக்கிறேன்.

இவ்வாறு அவர் கூறினார்.

கூடங்குளம் அணுமின் நிலையத்திலும் விரைவில் மின் உற்பத்தி தொடங்கப்பட இருப்பதால் தமிழ்நாட்டில் மின்வெட்டு குறையும் என்று எதிர்பார்க்கப்படுகிறது.

by ஹர்ஷித் Sat May 26, 2012 1:12 pm

இரா.பகவதி wrote:
நீங்கள் கேட்பது கேள்வியா?பதிலா?

மன்னிக்கவும் வார்த்தைகளில் குழப்பி விட்டேன் கேள்வி தான்

இதே வேலையாப்போச்சு.

by இரா.பகவதி Sat May 26, 2012 1:17 pm

இதே வேலையாப்போச்சு.

என்ன பண்ணுறது உங்ககிட்டலாம் தமிழ் கத்துகிட்டா இப்படி தான் ஆகும் சிரி சிரி

by ஹர்ஷித் Sat May 26, 2012 1:19 pm

இரா.பகவதி wrote:
இதே வேலையாப்போச்சு.

என்ன பண்ணுறது உங்ககிட்டலாம் தமிழ் கத்துகிட்டா இப்படி தான் ஆகும்

by Guest Sat May 26, 2012 1:44 pm

விரைவில் பா ம க ஆட்சி மலரும்

by யினியவன் Sat May 26, 2012 1:53 pm

புரட்சி wrote:விரைவில் பா ம க ஆட்சி மலரும்

மருத்துவர் அய்யாகிட்ட சொல்லுங்க புரட்சி - அவரு கீழ்பாக்கம் ஆஸ்பத்திரில அட்மிட் ஆயிருக்காராம்.

by Guest Sat May 26, 2012 5:27 pm

யினியவன் wrote:
புரட்சி wrote:விரைவில் பா ம க ஆட்சி மலரும்
மருத்துவர் அய்யாகிட்ட சொல்லுங்க புரட்சி - அவரு கீழ்பாக்கம் ஆஸ்பத்திரில அட்மிட் ஆயிருக்காராம்.