தத்துவத்தை உயிர்ப்பிக்க!

**Aathira** · **Aathira** Sun Aug 19, 2012 9:50 am

எழும் ஓசையால்
சூழும் மாசினால்
சூறாவளியாய்ச் சூழ்ந்து வரும்
அழிவுகளைச்
சமன்செய்து கொள்ள முடியாது
கையற்று சுழலும்
பூமியாய் நான்
எரிமலையை
இதயத்துள்
கொந்தளித்துக் கொண்டு!

உயிரை மூடிய
ஒற்றை அங்கியும்
ஓசோனால்
கிழிபட்டுக்கொண்டிருக்கும்
அபாயத்தைத் தடுக்க முடியாத
வானமாய் நீ

சேர்க்க முடியாத
இதயப் பிளவை
விழிநூலால்
தைத்துக்கொண்டு!

இந்த உலகுக்கும்
நம் உறவுக்கும்
பதில் சொல்லவேண்டிய
வி(ம)தியோ
வான மங்கைகளின்
நாட்டியத்தில்
களித்துக்கொண்டு
சொர்க்கத்தில்....
பேராசையில் மூழ்கி

கடைசி மூச்சுவரை
வாழ்ந்து விடுவதுதான்
வாழ்க்கைத் தத்துவம்!

அந்த நொடிவரை
காதலுடன்
வாழ்ந்து விடுவோம்
வானமும் பூமியுமாய்

இந்த
உலகத்துடன் சேர்ந்து
தத்துவத்தை உயிர்ப்பிக்க!

அசுரன் · அசுரன் Sun Aug 19, 2012 12:46 pm

வாழ்வை மகிழ்வுடன் கழிக்க அருமையான வழி.. கடைசி மூச்சு உள்ளவரை மகிழ்ச்சியாக இருப்பது தான்.. அற்புதம்... சூறாவளி சூப்பர்

**Aathira** · **Aathira** Sun Aug 19, 2012 1:41 pm

அசுரன் wrote:வாழ்வை மகிழ்வுடன் கழிக்க அருமையான வழி.. கடைசி மூச்சு உள்ளவரை மகிழ்ச்சியாக இருப்பது தான்.. அற்புதம்... சூறாவளி சூப்பர்

ஹலோ நான் மகிழ்ச்சியாய் என்று சொன்னேனா... வாழ்ந்து தொலைக்கலாம் என்றுதான் சொல்லி இருக்கேன்.

சூறாவளியாய்க் கருத்து சொன்னமைக்கும் சுட்டிக்காடியமைக்கும் நன்றி.

குட்டியோடு போட்டோ அழகாக உள்ளது.

அசுரன் · அசுரன் Sun Aug 19, 2012 1:55 pm

Aathira wrote:
அசுரன் wrote:வாழ்வை மகிழ்வுடன் கழிக்க அருமையான வழி.. கடைசி மூச்சு உள்ளவரை மகிழ்ச்சியாக இருப்பது தான்.. அற்புதம்... சூறாவளி சூப்பர்
ஹலோ நான் மகிழ்ச்சியாய் என்று சொன்னேனா... வாழ்ந்து தொலைக்கலாம் என்றுதான் சொல்லி இருக்கேன்.

சூறாவளியாய்க் கருத்து சொன்னமைக்கும் சுட்டிக்காடியமைக்கும் நன்றி.

குட்டியோடு போட்டோ அழகாக உள்ளது.

ஓ அப்படியா? சரி சரி.. எது எப்படியோ வாழ்ந்து தானே தொலைக்கவேன்டியிருக்கு என்ன கொடுமை சார் இது