கூட்டத்தில் 'ஆள் தெரியாமல்' வேறு பெண்ணுக்கு தாலி கட்டிய மாப்பிள்ளை!

by இரா.பகவதி Thu May 24, 2012 2:16 pm

First topic message reminder :

சிவகங்கையில் நேற்று ஒரு பெரிய கூத்து நடந்து விட்டது. அதாவது அங்குள்ள சிவன் கோவிலில் நடந்த ஒரு திருமணத்தின்போது கூட்ட நெரிசலால் தனது மணப்பெண் யார் என்று தெரியாமல் அருகில் நின்றிருந்த இன்னொரு மணப்பெண்ணுக்குத் தாலி கட்டி விட்டார் மாப்பிள்ளை.

வைகாசி மாதம் என்றாலே தமிழகத்தில் திருமணங்கள் தடபுடலாக நடப்பது வழக்கம். நேற்றும் முகூர்த்த நாள். இதனால் சிவகங்கையில் ஏகப்பட்ட திருமணங்கள் அலைமோதியபடி இருந்தன. அங்குள்ள சிவன் கோவிலில் நேற்று 30க்கும் மேற்பட்ட ஜோடிகளுக்குத் திருமணம் நடந்தது.

ஒவ்வொரு ஜோடிக்கும் ரசீது கொடுத்து, திருமணத்தைப் பதிவு செய்து முறைப்படி நடத்தினர்.

அப்போது இரு ஜோடி மணமக்கள் அருகருகே அமர்ந்திருந்தனர். கூட்டம் கட்டி ஏறிக் கொண்டிருந்தது. தாலி கட்டும் நேரத்தில் பெரும் குழப்பமாகி விட்டது. ஒரு மாப்பிள்ளை, தனது மணமகளுக்குக் கட்டுவதற்குப் பதில், அருகில் இருந்த இன்னொரு மணமகளுக்குத் தாலி கட்டி விட்டார். இதனால் இரு தரப்பு உறவினர்களுக்கும் இடையே கடும் மோதலாகி விட்டது. சூடான வாதங்கள் பாய்ந்தன.

இந்த நிலையில் தாலி கட்டப்பட்ட மணப்பெண் எழுந்து, தெரிந்தோ தெரியாமலோ எனது கழுத்தில் தாலி கட்டி விட்டார். இதை பிரிப்பது சரியாக முறையாக இருக்காது. இவருடனேயே வாழ்ந்து விடுகிறேன், எங்களைப் பிரித்து விடாதீர்கள் என்று கோரிக்கை விடுத்தார்.

இதையடுத்து வேறு வழியில்லாமல் நான்கு குடும்பத்தினரும் அமைதியடைந்தனர். அதன் ஜோடி மாறிப் போன பெண்ணுக்கும், மாப்பிள்ளைக்கும் திருமணம் செய்து வைத்து அழைத்துச் சென்றனர்.

mukanuul

by **பார்த்திபன்** Thu May 24, 2012 5:29 pm

இது ஏதோ பிளான் பண்ணி நடந்த மாதிரித் தெரியுதே! யார் கழுத்துல கட்டினாலும் சிக்கினது சிக்குனதுதான்! இனி தப்பிக்கவே முடியாது! சோகம்

by **Manik** Thu May 24, 2012 5:38 pm

எங்களுக்குலாம் மண்டபத்துல வச்சுதான் கல்யாணம் நடக்கும்........... மணப்பெண்ணை தவிர மத்த பொன்னுங்கள்ளாம் தள்ளியே நிப்பாங்க

என்ன கொடுமை சார் இது அழுகை

by மகா பிரபு Thu May 24, 2012 5:58 pm

இந்த இடத்தில் நான் இருந்து இருந்தால் அந்த மணப்பெண்ணுக்கு நான் வாழ்வு கொடுத்து இருப்பேன்...

--

இதில் ஏதோ ஒரு திட்டம் முன்பே தயாரிக்கப்பட்டது போல் தெரிகிறது புன்னகை

by முரளிராஜா Thu May 24, 2012 10:59 pm

Manik wrote:எங்களுக்குலாம் மண்டபத்துல வச்சுதான் கல்யாணம் நடக்கும்........... மணப்பெண்ணை தவிர மத்த பொன்னுங்கள்ளாம் தள்ளியே நிப்பாங்க

என்ன கொடுமை சார் இது

பின்ன, ஊரில் உள்ள பொண்ணுக்கெல்லாம் உன்னை பத்தி தெரியுமில்ல ஒன்னும் புரியல