சிவா...இது ஈகரை உறவுகளின் அவா...

**ரா.ரா3275** · **ரா.ரா3275** Wed May 23, 2012 12:04 am

First topic message reminder :

உறவுகளே...

வணக்கம்...

ஈகரையில் முதன் முதலாக இணைந்த நாள் முதல் சிவாவை கண்ணுற்று வருகிறேன்...
தளம் நடத்துவதில்-தலைமைப் பண்பில்-தக்கார் தகவிலர் யார் எனத் தீர்மானிப்பதில்-
தகுதிநிறை உறவுகளைத் தாராளமாய்த் தூக்கிப் பிடிப்பதில்-தமிழ் மீதும் தமிழன் மீதும்
சற்றும் தாழாத இருதயப் பாசத்தில்-இருக்கும் தமிழ்த் தளங்களில் எல்லாம் இல்லாத ஓர் இருதய உறவை
ஈகரை உறவுகளிடையே ஏற்படுத்துவதில் என எதிலும் இன்முகத்துடனும் எப்போதும்
புதுமை விரும்பியாய்த் தன்னைப் புடம் போட்டுக்கொள்ளும் புத்திசாலிப் பிள்ளை சிவா...

சிலவேளைகளில் தனக்கெதிராகவே விமர்சனம் வீசப்பட்டாலும் தன்மீது தவறிருப்பின் தயங்காமல்
வருத்தம் தெரிவிக்கும் தக்காருக்கானத் தக்கவோர் குணம் கொண்ட குணக் குன்றம்...நன்றி சிவா...

இந்த சிவாவிற்கு இன்று (23 -05 -2012 ) திருமணம்...அதுவும் சொந்த ஊரான ஈகரையில்...
நம் தளத்திற்கானப் பெயர்க் காரணத்தையும் தன திருமணம் மூலம் உறவுகளிடையே
போட்டுடைத்து இதிலும் தாய்மண் பாசத்தை தழைக்கச் செய்யும் தமிழ் உரம் தந்திருக்கிறார்..
அருமை சிவா...ஊர்ப் பெயர் மூலம் உலகத் தமிழர்களுக்காய் ஓர் உறவுப் பாலம் கட்டியது...
இன்னுமொரு இதய நன்றி...

இப்படி ஒரு மாப்பிள்ளையை மணாளனாக்கிக் கொள்ளும் பாக்கியம் வாய்த்தது சகோதரி ஒருவருக்கு...
அவர் நம் உறவுகளுக்கு அறிவிக்கப்பட்ட-அறிமுகப்படுத்தப்பட்ட செல்வி.கார்த்திகா அவர்கள்தான்...
(இனி சிவாவின் கார்த்திகா...)

இவர்களுக்குத் திருமணம்...
இனிப்பு மழை நம் எல்லோரின் செல்களுக்குள்ளும் செவிகளுக்குள்ளும்...
சந்தோசம் கொடிகட்டிச் சதிராடும் சத்திய வாசலில்!

கனவுகளில் கலந்து கரைந்து
உணர்வுகளில் இணைந்து உறைந்து
ரத்தத்தில் பூப்பூக்கச் செய்யும்
வெளிப்படை ரகசிய சுகமே
திருமண பந்தம்...

ஒத்தையா ரெட்டையா ஆட்டம் போல்
இது ஓர் நித்திய உணர்வுகளின் உறவுகளின் ஆட்டம்...
இதில் எப்போதும் தப்பேதும் நேராமல்
தாளகதி தப்பாமல் நடை நடந்து
முப்போதும் மகிழ்வுடன் வாழ
சத்தியக் கிழவர்கள்
சக்தியைக் கொடுக்கும் சாதுர்யச் சூத்திரங்களை
தரணி எங்கும் தவழ விட்டிருக்கிறார்கள்...

தொட்டுத் தூக்கி அவற்றைத் தோளில் உட்கார வைத்து
தொடங்கினால் போதும்...
திருமணப் பயணம்
திரும்பிய திசையெல்லாம் பூமழையேத் தூவும்...

நண்பர் சிவா-சகோதரி கார்த்திகா இருவரும்
சத்தியமாய் இச்சூத்திரத்தை
நித்தியமாய்க் கைவரப் பெற்று
நிஜமான சந்தோஷம்
நெஞ்சு முழுக்க
நிரம்பித் ததும்பி
நீடூழி வாழட்டும் இறைவா...
நீ எப்போதும்
அவர்களின் அருகிலேயே
அடுத்தூறும் நிழலாய்த் தொடர்ந்து
அகமகிழச் செய்வாய் அணுஅணுவாய்...

வாழ்க வளமுடன் சிவகுமார்-கார்த்திகா தம்பதியினர்...

[You must be registered and logged in to see this image.]

நன்றி...

**ரா.ரா3275** · **ரா.ரா3275** Wed May 23, 2012 8:12 am

சார்லஸ் mc wrote:நன்றாக உள்ளது திரு.ராரா அவா்களே [You must be registered and logged in to see this image.]

நன்றி திரு.சார்லஸ் அவர்களே...

முரளிராஜா · முரளிராஜா Wed May 23, 2012 8:27 am

வாழ்த்துபா அருமை ரா ரா சூப்பருங்க

**கேசவன்** · **கேசவன்** Wed May 23, 2012 9:44 am

அருமை அருமை அருமை

Guest · Guest Wed May 23, 2012 9:58 am

ஆக நான் ஆவலுடன் எதிர்பார்த்த தருணம் வந்தே விட்டது ,...
ஏன் அண்ணே முன்பே சொல்லவில்லை ... திருமணத்திற்கு வந்து இருப்பேன் ...

வாழ்க பல்லாண்டு இருவரும் ...

மகா பிரபு · மகா பிரபு Wed May 23, 2012 11:07 am

இந்த சிவாவிற்கு இன்று (23 -05 -2012 ) திருமணம்...அதுவும் சொந்த ஊரான ஈகரையில்...
நம் தளத்திற்கானப் பெயர்க் காரணத்தையும் தன திருமணம் மூலம் உறவுகளிடையே
போட்டுடைத்து

தங்கள் உணர்வுகளை வாழ்த்துக்களாக பகிர்ந்தமைக்கு நன்றி ராரா.

ஈகரை என்பது அண்ணனின் ஊர் என்று முன்னரே அண்ணன் சொல்லிவிட்டார். நீங்கள் புதியவர் என்பதால் உங்களுக்கு தெரியவில்லை.

நன்றி ராரா அண்ணா.

பாலாஜி · பாலாஜி Wed May 23, 2012 11:22 am

அருமை ரா .ரா

வாழ்த்து மிக அருமை . ஈகரை என்பது அவர் ஊரின் பெயர் என்பது பழைய
உறுபினர்கள் அனைவருக்கும் தெரியும் என்று நினைக்கின்றேன்

தளத்தின் பெயர் மாற்றிவிடலாம என்று சிவா அவர்கள் கோரிக்கை வைத்தார்கள் . அவரின்
கோரிக்கையை யாரும் ஏற்றுகொள்ளவில்லை ..

**ராஜா** · **ராஜா** Wed May 23, 2012 11:43 am

வாழ்த்து மிக அருமை ராஜசேகரன் , சூப்பருங்க

வை.பாலாஜி wrote:ஈகரை என்பது அவரின் ஊர் பெயர் . தளத்தின் பெயர் மாற்றிவிடலாம என்று சிவா அவர்கள் கோரிக்கை வைத்தார்கள் . அவரின் கோரிக்கையை யாரும் ஏற்றுகொள்ளவில்லை ..

ஆமாம்

யினியவன் · யினியவன் Wed May 23, 2012 11:45 am

ராஜா wrote:வாழ்த்து மிக அருமை ராஜசேகரன் ,
வை.பாலாஜி wrote:ஈகரை என்பது அவரின் ஊர் பெயர் . தளத்தின் பெயர் மாற்றிவிடலாம என்று சிவா அவர்கள் கோரிக்கை வைத்தார்கள் . அவரின் கோரிக்கையை யாரும் ஏற்றுகொள்ளவில்லை ..
ஆமாம்

அதானே எப்படி அவர் மாத்த நினைக்கலாம் - இது நம்ம சைட்டு. ஓரக்கண் பார்வை

பாலாஜி · பாலாஜி Wed May 23, 2012 11:47 am

ஆமாம் , இது நம்ம சைட்டு கண்ணடி

**பிளேடு பக்கிரி** · 01/03/2010

ராஜா wrote:வாழ்த்து மிக அருமை ராஜசேகரன் ,
வை.பாலாஜி wrote:ஈகரை என்பது அவரின் ஊர் பெயர் . தளத்தின் பெயர் மாற்றிவிடலாம என்று சிவா அவர்கள் கோரிக்கை வைத்தார்கள் . அவரின் கோரிக்கையை யாரும் ஏற்றுகொள்ளவில்லை ..
ஆமாம்

ஆமாம்.. ஆமாம்

Sponsored content · Sponsored content

சிவா...இது ஈகரை உறவுகளின் அவா...

சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

Re: சிவா...இது ஈகரை உறவுகளின் அவா...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக