நந்தி மாதிரி குறுக்கே வரான் பாரு!

**சாமி** · **சாமி** Tue May 22, 2012 12:32 am

நந்தியெம்பெருமான் என்றால் யார்? நந்தி மாதிரி குறுக்கே வரான் பாரு என்று சொல்வார்களே அந்த நந்தியா? அடடா! தற்கால தலைமுறைக்கு உள்ள சமய அறிவின் சிறப்பே சிறப்பு! நம்முடைய நோக்கத்திற்குத் தடையாய் இருப்பதை எல்லாம் நந்தி என்று குறிப்பிடும் நமது அறிவை என்ன சொல்ல?

உயர்திணை பிறப்பை மூன்று வகையாகக் கூறுவர். தேவர், மானிடர், நரகர் என்று அழைப்பர். நரகரை விட மேலானவர்கள் மானிடர். மானிடர்களை விட மேலானவர் பிரம்மா. பிரம்மாவிற்கு தந்தையாய் பிரம்மாவை விட மேலானவர் திருமால். திருமாலை விட மேலானவர் நந்தி.

இதைப்பற்றி ஒரு பழைய கணக்கு ஒன்றை அப்பர் சுவாமிகள் கூறுகிறார்.
நூறு கோடி பிரமர்கள் நொந்தினார்
ஆறுகோடி நாரணர் அங்ஙனே
ஏறுகங்கை மணல் எண்ணில் இந்திரர்
ஈறிலாதவன் ஈசன் ஒருவனே

ஒவ்வொரு அண்டத்திற்கும் ஒரு பிரம்மா; ஒவ்வொரு அண்டத்திற்கும் ஒரு திருமால், ஒவ்வொரு நட்சத்திரமும் ஒவ்வொரு சூரியன்; ஒவ்வொரு சூரியனும் ஒவ்வொரு அண்டம். இந்த அண்டங்கள் அனைத்திற்கும் சேர்த்து கணக்கெடுத்து அப்பர் சுவாமிகள் கூறுகிறார்.

இதுவரை நூறு கோடி பிரம்மாக்கள் இறந்து போயினார்; ஆறுகோடி நாராயணர்கள் இறந்து போயிருக்கிறார்கள். இந்திரர்கள் எண்ணிக்கையோ எண்ணித் தொலையாது. கங்கைக் கரை மணலை எண்ண முடியுமா? முடியுமென்றால் அத்தனை இந்திரர்கள் இறந்துபட்டார்கள் என்று கொள் என்கிறார் அப்பர். காலங்காலமாய் காலங்கடந்து இறப்பு என்பதில்லாமல் எஞ்சியுள்ளவன் ஈசன் ஒருவனே என்றார்.

இந்தத் திருமால்களுக்கெல்லாம், பிரம்மாக்களுக்கு எல்லாம், இந்திரர்களுக்கு எல்லாம் மேலானவர் நந்தியெம்பெருமான். ஈசனடி போற்றி, அவன் சேவடியை என்றும் மறவாமையால் இறவாமை சாதித்து இறைவனுடன் பேரா இயற்கைப் பேரின்பத்தில் திளைப்பவர் நந்தியெம்பெருமான்.

இவர் பெயரை தடைகளுக்கு வைத்து மகிழும் நம்மறிவை என்ன சொல்ல?

(நன்றி: திருமந்திரச் சிந்தனைகள் புத்தகம்)

**Dr.சுந்தரராஜ் தயாளன்** · 03/09/2011

அருமையான பதிவு சாமி மகிழ்ச்சி

இரா.பகவதி · இரா.பகவதி Tue May 22, 2012 10:02 am

பகிர்விற்கு நன்றி சாமி அண்ணா

**பிளேடு பக்கிரி** · 01/03/2010

நன்றி

முரளிராஜா · முரளிராஜா Tue May 22, 2012 12:48 pm

பகிர்வுக்கு நன்றி சாமி

Sponsored content · Sponsored content

நந்தி மாதிரி குறுக்கே வரான் பாரு!

நந்தி மாதிரி குறுக்கே வரான் பாரு!

Re: நந்தி மாதிரி குறுக்கே வரான் பாரு!

Re: நந்தி மாதிரி குறுக்கே வரான் பாரு!

Re: நந்தி மாதிரி குறுக்கே வரான் பாரு!

Re: நந்தி மாதிரி குறுக்கே வரான் பாரு!

Re: நந்தி மாதிரி குறுக்கே வரான் பாரு!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக