இயேசு மீண்டும் வர தாமதிக்கக் காரணம் - வேதாகம விளக்கம்

சார்லஸ் mc · சார்லஸ் mc Wed Jun 06, 2012 8:02 am

ஆண்டவராகிய இயேசு கிறிஸ்து மீண்டும் வரத் தாமதிப்பதற்கு பரிசுத்த வேதாகமம் கூறும் விளக்கங்கள்:

1. “தாமதிக்கிறார் என்று சிலர் எண்ணுகிறபடி கர்த்தர் தமது வாக்குத்தத்தைக் குறித்து தாமதமாயிருக்கவில்லை. ஒருவரும் கெட்டுப்போகாமல் எல்லோரும் மனந்திரும்ப வ‌ேண்டும் என்று விரும்பி கர்த்தர் வரத் தாமதிக்கிறார்.” (2பேதுரு: 3:9; அப்போஸ்தலர்: 3:19,20; 17:30; லூக்கா: 13:15; ஆமோஸ்: 4:6-12)

2. ராஜ்யத்தினுடைய சுவிஷேசம் பூலோகமெங்குமுள்ள சகல ஜாதிக்கும் சாட்சியாக பிரசங்கிக்கப்பட வேண்டும். ஆனால், சுவிஷேசம் பிரசங்கிக்கப்படாத இடங்கள் இன்னும் ஏராளம் இருக்கிறபடியினால் கர்த்தர் வரத் தாமதிக்கிறார். (மத்தேயு: 24:14).

3. திருச்சபையானது பரிசுத்த ஆவியினாலும் சந்தோஷத்தினாலும் நிரப்ப்ப்பட்டுப் பூரண பரிசுத்தமடையாததினால் கர்த்தர் வரத் தாமதிக்கிறார். (அப்போஸ்தலர்: 13:52).

4. பிதாவானவரால் நியமிக்கப்பட்ட காலமும் வேளையும் இன்னும் வராததினால் கர்த்தர் வரத் தாமதிக்கிறார். (சங்கீதம்: 90:4; 2பேதுரு: 3:8)

“இவைகளைச் சாட்சியாக அறிவிக்கிறவர்: மெய்யாகவே நான் சீக்கிரமாய் வருகிறேன் என்கிறார். ஆமென், கர்த்தராகிய இயேசுவே வாரும்” (வெளிப்படுத்தல்: 22:20).

“வானமும் பூமியும் ஒழிந்துபோம், என் வார்த்தைகளோ ஒழிந்துபோவதில்லை.” (மத்தேயு: 25:35).

இயேசு எப்போது வருவார்?

“பிதாவின் காலங்களையும் வேளைகளையும் அறிவது நமக்குரியதல்ல” (அப்போஸ்தலா்: 1:7; மத்தேயு: 24:42-43; 25:13; மாற்கு: 13:35,37; மத்தேயு: 24:36).

“குமாரன்(இயேசு) வெளிப்படும் நாளையும் நாழிகையையும் பிதா ஒருவர் தவிர வேறு யாரும் அறியார், தூதர்களும் அறியார்கள்.”

இயேசு மீண்டும் வர தாமதிக்கக் காரணம் - வேதாகம விளக்கம் 154550

சார்லஸ் mc · சார்லஸ் mc Wed Jun 06, 2012 7:16 pm

“இயேசு திரும்ப நிச்சயமாக வருவார்”

புதிய ஏற்பாட்டில் 318 தடவை 260 அதிகாரங்களில் 23 வசனத்துக்கு ஒரு தடவை இயேசுவின் வருகையைப்பற்றி சொல்லப்பட்டிருக்கிறது. பழைய ஏற்பாட்டில் 1000 த்துக்கு அதிகமான இடங்களில் சொல்லப்பட்டிருக்கிறது. இரண்டிலுமாக சோ்த்து மொத்தம் 1845 வாக்கியங்களில் இய‌ேசு கிறிஸ்துவின் வருகையைப் பற்றி சொல்லப்பட்டிருக்கிறது. (2பேதுரு: 2:10 - 12; தீத்து: 2:11-13; அப்போஸ்தலர்: 24:15-16).

சார்லஸ் mc · சார்லஸ் mc Wed Jun 06, 2012 7:44 pm

“இயேசு கிறிஸ்துவின் வருகைக்கு முன், நிறைவேற வ‌ேண்டிய அடையாளங்கள்”

1. சபையில் (தேவாலயத்தில்) கொடிய விசுவாசத் துரோகம் ‌நேரிடும் (2தெசலோனிக்கேயர்: 2:3).

2. கர்த்தராகிய இயேசு, “யுத்தங்களையும் யுத்தங்களின் செய்திகளையும் கேள்விப்படுவீர்கள்” என்று சொன்னார். (மத்தேயு: 24:6,7).

3. கடைசி நாட்களின் சந்ததி, நோவா, லோத்து இவர்களின் நாட்களிலிருந்தது போல் கொடிய துன்மார்க்கம் உள்ளதாகவும், ஒழுக்கமற்ற இழிவான நடத்தையுள்ளதாகவுமிருக்கும். (2தீமோத்தேயு: 3:1-5; லூக்கா: 17:26-29).

4. உலகம் முழுவதும் கொடிய பஞ்சமுண்டாகும் (மத்தேயு: 24:7).

5. உலகத்தின் அநேக பகுதிகளில் மனிதரையும் மிருகங்களையும் தாவர வர்க்கங்களையும் அழிக்கும் கொடிய கொள்ளை நோய்கள் உண்டாகும். (மத்தேயு: 24:7).

6. பல இடங்களில் பூமியதிர்ச்சிகளினால் பூமி பயங்கரமாய் அதிரும் (மத்தேயு: 24:7).

7. வானத்தில் பயங்கரமான தோற்றங்களும், பெரிய அடையாளங்களும் காணப்படும்.(லூக்கா: 21:11).

8. கள்ளத்தீர்க்கதரிசிகளும் கள்ளக்கிறிஸ்துக்களும் பெருகுவார்கள் (மத்தேயு: 24:24; மாற்கு: 13:22).

9. யூதர்கள் தங்களுடைய சொந்த நாட்டிற்கு திரும்பி வருவார்கள் (சகரியா: 8:7,8).

10. “ராஜ்யத்தினுடைய இந்தச் சுவிசேஷம் பூலோகமெங்குமுள்ள சகல ஜாதிகளுக்கும் சாட்சியாகப் பிரசங்கிக்கப்படும்” (மத்தேயு: 24:14).

Sponsored content · Sponsored content

இயேசு மீண்டும் வர தாமதிக்கக் காரணம் - வேதாகம விளக்கம்