மஞ்சள் காமாலைக்கு முதல் மருந்து!

முஹைதீன் · முஹைதீன் Mon May 21, 2012 9:13 am

உணவுக்கட்டுப்பாடுதான் மஞ்சள் காமாலைக்கு முதல் மருந்து!

மஞ்சள் காமாலைக்கு முதல் மருந்து! 19jaundice5300

வைரஸ் கிருமியின் தாக்குதலால் ஏற்படுவது தான் மஞ்சள் காமாலை. இரத்தத்தில் பிலிரூபின் என்ற வேதிப்பொருள் அதிகரிப்பதால் ஏற்படும் நிலை தான் மஞ்சள் காமாலை. மஞ்சள் காமாலை வந்தால் கல்லீரல், மண்ணீரலோடு மற்ற உறுப்புகளும் பாதிக்கப்படும். ஈரல் பாதிப்பினால் வரும் மஞ்சள் காமாலை நோய்கள் பெரும்பாலும் ஹெபடைட்டிஸ் A வைரஸ் கிருமியினாலேயே வருகின்றன.இது பிறந்த குழந்தைக்கும்கூட வர வாய்ப்பு உள்ளது. இது சில தினங்களில், சில வகையான மருந்துகள் சாப்பிட்டாலே சரியாகிவிடும்.

அறிகுறிகள்

மஞ்சள் காமாலையால் பாதிக்கப்பட்டவர்களுக்கு கண் மற்றும் உடல் மஞ்சளாக இருக்கும். சிறுநீர் வெளியேறுவதில் பிரச்சினை மற்றும் சிறுநீர் மஞ்சளாக வெளியேறும்.

மஞ்சள் காமாலையால் பாதிக்கப்பட்டவர்களுக்கு காய்ச்சல் கடுமையாக இருக்கும், அவர்களுக்குப் பசி எடுக்காது. இதனை ஆரம்பத்திலே மருத்துவரிடம் சென்று சிகிச்சை எடுத்துக்கொள்ள வேண்டும். இல்லாவிட்டால் உயிருக்கே ஆபத்தாகிவிடும்.

தவிர்க்க வேண்டியவை

மஞ்சள் காமாலை வந்தால் மசாலா வகைகள், கார உணவுகளை கண்டிப்பாக தவிர்க்க வேண்டும். அதிக புரதம் உள்ள பருப்பு, சோயா வகைகளையும் விலக்கி வைக்க வேண்டும்.

சமையலில் அதிக எண்ணெய் பயன்படுத்தக்கூடாது. கொழுப்புத் சத்து நிறைந்த உணவுகளை ஒதுக்க வேண்டும். மஞ்சள் காமாலை வந்தால் 5 மாதங்கள் வரை அசைவ உணவுகளை தொடவேக் கூடாது. முட்டையில் மஞ்சள் கருவை தவிர்க்க வேண்டும்.

உடலுக்கு ஏற்றது

மஞ்சள் காமாலை வந்தவர்கள் மாவுச் சத்து நிறைந்த உணவுப் பொருட்களை அதிகம் உண்ண வேண்டும். முட்டையின் வெள்ளைக்கரு, மோர் ஆகியவற்றை உண்டால் உடலுக்கு சிறந்தது. மேலும் அவர்கள் தினமும் 3 இளநீர் குடிக்க வேண்டும். எளிதில் ஜீரணம் ஆகும் பொருட்களை உண்பது நல்லது.

சிலர் சூடு போடுவதால் இது சரியாகிவிடும் என்று நினைக்கிறார்கள். சூடு போட்டால் உடல் தான் புண் ஆகுமே தவிர சரியாகாது. ஆகவே சிந்தித்து செயல்பட்டு, உணவுக்கட்டுப்பாட்டுடன் இருங்கள், மஞ்சள் காமாலை பறந்து போய்விடும்.
http://tamil.boldsky.com/health/diet-fitness/2012/to-prevent-jaundice-keep-diet-001173.html

தர்மா · தர்மா Mon May 21, 2012 10:26 am

லீவ் 52 மிக சிறந்த மருந்து. ஹிமாலய ப்ராடக்ட் . கீலநெள்ளியின் சாறு கொடுப்பார்கள். நான் சொன்ன இந்த மருந்து 52 விதமான மருந்துகளின் காம்பினேசன்

**ராஜா** · **ராஜா** Mon May 21, 2012 10:30 am

தர்மா wrote:லீவ் 52 மிக சிறந்த மருந்து. ஹிமாலய ப்ராடக்ட் . கீலநெள்ளியின் சாறு கொடுப்பார்கள். நான் சொன்ன இந்த மருந்து 52 விதமான மருந்துகளின் காம்பினேசன்

ஹிமாலயாஸ் தயாரிப்புக்கள் அனைத்தும் மிகச்சிறந்த தரமுடன் உள்ளவை. இப்போது healthcare , cosmetics என்று பல துறைகளில் இவர்களின் தயாரிப்புகள் நீண்டு கொண்டே போகிறது

தர்மா · தர்மா Mon May 21, 2012 10:34 am

நிஜமாகத்தான் ராஜா. அவை பேசிக்காக இம்யுன் சிஸ்டம் பில்ட் செய்கிறது

தர்மா · தர்மா Mon May 21, 2012 10:36 am

அவர்களின் தயாரிப்பான கிளாரினா முகம் பொலிவுடன் இருக்க உதவுகிறது

முரளிராஜா · முரளிராஜா Mon May 21, 2012 10:48 am

தர்மா wrote:அவர்களின் தயாரிப்பான கிளாரினா முகம் பொலிவுடன் இருக்க உதவுகிறது

மஞ்சள் காமாலைக்கு முதல் மருந்து! 05MP_VADIVELU_379871a

அதான் நீங்க இவ்வளவு அழகா இருக்கீங்களா தர்மா

தர்மா · தர்மா Mon May 21, 2012 10:58 am

உங்களுக்கு எப்பயுமே விளையாட்டுதான் முரளி
மஞ்சள் காமாலைக்கு முதல் மருந்து! Janakaraj

lathavine · lathavine Mon May 21, 2012 5:50 pm

மஞ்சள் காமாலை நோய்க்கு சிறந்த மருந்து பச்சமருந்து தான். பத்தியம் ஏதும் இல்லை. ஒரு முறை அந்த பச்சமருந்து சாப்பிட்டாலே போதும். இந்த மருந்து சாப்பிட்டால் ஒரு நாள் மட்டும் ஏதும் சாப்பிட கூடாது. அடுத்த நாள்ல இருந்து எப்பவும் போல எல்லாமே சாபிடலாம். ஆனாலும் இறைச்சி சாபிடாமல் இருப்பது நல்லது. பொள்ளாச்சி-ல இருந்து பாலக்காடு போற வழி-ல இரட்டயல்-நு ஒரு இடத்துல இந்த மருந்து குடுக்கறாங்க. 50 ரூபாய் தான் வாங்குவாங்க. கூட சிரகதண்ணி கொண்டு போகணும். வெறும் வயுத்துல சாப்பிடனும் அதனால ஏதும் சாப்டாம போகணும். பிரஷ் கூட பண்ணாம போகணும். அன்னைக்கு முழுசும் ஏதும் சாப்பிட கூடாது. ரொம்ப பசிச்சா பச்சசாதம் சாபிடலாம்... சாப்டு ஒரு வாரம் கழிச்சு டெஸ்ட் பண்ணி பாத்தால் மஞ்சள் காமாலை கண்டிப்பா குறைஞ்சுரும். இது என் அனுபவம்... இந்த மருந்து ஒரு டைம் சாபிட்டால் லைப்-ல கண்டிப்பா மறுபடியும் மஞ்சள் காமாலை வராது.....

**ஜாஹீதாபானு** · **ஜாஹீதாபானு** Mon May 21, 2012 6:11 pm

பகிர்வுக்கு நன்றி முஹைதீன்........... அருமையிருக்கு

யினியவன் · யினியவன் Mon May 21, 2012 6:18 pm

பகிர்வுக்கு நன்றி முகைதீன்.

Sponsored content · Sponsored content

மஞ்சள் காமாலைக்கு முதல் மருந்து!

மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

Re: மஞ்சள் காமாலைக்கு முதல் மருந்து!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக