ஹைக்கூ என்னும் ஆயுதம்

by **rameshnaga** Sat May 19, 2012 6:29 pm

First topic message reminder :

நனைந்த குடை
சொட்டும் துளி
யாருடைய கண்ணீர்?
************************************
பறவை....
படபடக்கும் சிறகுகள்...
யாரைத் தொலைத்த பதற்றம்?
*************************************
நிலைக் கண்ணாடியில்
தெரிவதில்லை
பார்ப்பவனின் முகமூடி.
*****************************************
சிறு பறவைகளின் கத்தல்..
அவைகளின் மொழியில்
"அம்மா..இங்கே வா..வா" வாய் இருக்கலாம்.
*****************************************************
காலி சக்கர நாற்காலியில்
எப்போதும் தெரிகிறார்
தாத்தா.
****************************************************
ரோஜா பறிக்கிறேன்..
முட்களிளிருந்து
வடிகிறது இரத்தம்.
*****************************************************
நிலத்திலிருந்து ...
நீருக்குள் குதிக்கிறது தவளை.
நிலத்தின் வாடகை அதிகமாய் இருக்கலாம்.
**********************************************************
ஜனநாயகத்தில்...
இலவசங்களும்
இலவசமாய்க் கிடைப்பதில்லை.
*****************************************************************
லிப்ட் ஏறி இறங்குகிறது..
திறந்து மூடுகிறான்-வாழ்க்கையின்
மூடப்பட்ட கதவுகளுக்குள் இருப்பவன்.
***************************************************************
முடி திருத்தும் நிலையம்...
கீழே கொட்டிக் கிடக்கிறது
முகத்தின் அழகு.
****************************************************************
குழந்தையின் கனவு
புன்னகையில் தெரியலாம்
காலம் தொலைக்கும் கடவுள்.
****************************************************************