அடைகாக்கும் கனவு

by **rameshnaga** Thu May 17, 2012 7:41 pm

உன் மீதான ...
எனது பிரியங்களைத்
திறந்துவிடத்தான்
இந்தக் கனவு.

இயற்கை...
தானே எழுதிக்கொண்ட
ஒழுங்கில்...
கூடு திரும்பும் பறவை..
சிறகுகளின் கதகதப்போடு..
படுக்கை விரிக்கிறது
குஞ்சுகளுக்காக.

வெகுதூரம் சென்றுவிட்ட
எனது நினைவுகளைத் துழாவி..
வெற்றிடம் நிரப்புகிறது...
கோடையில் பெய்யும் ஒரு மழை.

வண்ணம் இழக்காத சிறகுகளால்..
என் வண்ணத்துப்பூச்சி பிரியங்களை
வருடியபடி...
எனது நாட்களை அடைகாக்கிறது
இந்தக் கனவு.

by **ayyamperumal** Thu May 17, 2012 8:39 pm

கனவுகளோடு வாழ்கிறவன் என்பதாலேயே என்னவோ என் கண்ணீரை துடைத்துக்கொண்டு பின்னூட்டம் இடுகிறேன்.

வெகுதூரம் சென்றுவிட்ட
எனது நினைவுகளைத் துழாவி..
வெற்றிடம் நிரப்புகிறது...
கோடையில் பெய்யும் ஒரு மழை.
நிறைய எழுதலாம். உண்மை என்ன என்றால் நான் நன்கு அனுபவித்து வாசித்தேன். வாழ்த்துகள் நாகா !

by **rameshnaga** Fri May 18, 2012 11:28 am

ரொம்பவும் நன்றி! அய்யம்பெருமாள்.
வெகு நாட்களுக்குப் பிறகு உங்களைச் சந்திக்கிறேன்.
வெகு தாமதமாகவே நீங்கள் எனக்கு எழுதி இருந்த கடிதத்தைப் படிக்க நேர்ந்தது.
எனது தாமதத்திற்கு மன்னிக்கவும். நான் உங்களுக்கு எழுதிய பதிலைப் படித்திருப்பீர்கள் என நம்புகிறேன். உங்களுக்கு என் அன்பும் வாழ்த்துக்களும்.