கிரேக்க உணவகத்தில் தமிழ் மெனுகார்ட் - அறிமுகப்படுத்திய இறையன்பு!

சென்னையில் உள்ள கிரீக் நாட்டு உணவகம் 'கிரிப்டாஸ் பை வில்லி'யின் மெனு கார்டை தமிழில் அச்சடித்து அசத்தியுள்ளனர்.

இந்த தமிழ் மெனு கார்டை இறையன்பு ஐஏஎஸ் நேற்று அறிமுகம் செய்து வைத்தார்.

சென்னை நுங்கம்பாக்கம், காதர் நவாஸ்கான் சாலையில் உள்ளது 'கிரிப்டாஸ் பை வில்லி' (Kryptos by Willi). சென்னையில் உள்ள ஒரே கிரேக்க உணவகம். சர்வதேச அளவில் பிரபலமானது.

கிரேக்க நாட்டின் அத்தனை உணவு வகைகளும், அதே ஒரிஜினல் சுவையுடன் இங்கே கிடைக்கும். இந்த உணவகத்தின் தலைமை செஃப் பெயர் வில்லி. அவர் பெயரையே இந்த உணவகத்துக்கு வைத்து பெருமை செய்துள்ளார் இதன் உரிமையாளர் விபின் சச்தேவ்.

பர்கண்டிஸ், டஸ்கானா மற்றும் சப்வே உணவகங்களையும் இவர்தான் நடத்தி வருகிறார். இவை ஒவ்வொன்றும் ஏதாவது ஒரு கண்டம் அல்லது நாட்டின் பிரத்தியேக உணவுகளை வழங்குகின்றன.

தனது உணவகங்களில் எப்போதும் ஏதாவது ஒரு புதுமையை செய்வதை வழக்கமாகக் கொண்டுள்ள விபின், இந்த முறை எந்த நட்சத்திர ஹோட்டலும் செய்ய முயற்சிக்காத புதுமை ஒன்றைச் செய்துள்ளார்.

தனது உணவகங்களின் மெனு கார்டை தமிழில் தந்துள்ளார் விபின். வெறும் உணவின் பெயராக இல்லாமல், அந்த உணவு தயாரிப்பதற்காக பயன்படுத்தப்படும் காய்கறிகள் அல்லது இறைச்சி வகைகள் மற்றும் மூலப் பொருட்களின் பெயர்களும் தமிழில் கொடுக்கப்பட்டிருப்பது இதன் சிறப்பு.

ஏதோ ஒப்புக்கு போட்ட மாதிரி இல்லாமல், மிகத் தரமாக இந்த மெனு கார்டை அவர் தயாரித்துள்ளார். இந்த மாதிரி உயர் தர ஹோட்டல்களுக்குப் போன பிறகு, 'இந்த ஐட்டத்தின் பெயரே வாயில் நுழையவில்லையே... எப்படி ஆர்டர் செய்வது' என்று இனி தடுமாற வேண்டிய அவசியமே இல்லை.

இப்போதைக்கு க்ரிப்டாஸ் மற்றும் பர்கண்டிக்கு தமிழில் மெனு கார்டு போட்டிருக்கும் விபின், விரைவிலேயே தனது மற்ற உணவகங்களையும் தமிழ்மயமாக்குகிறார்.

இறையன்பு

இந்த மெனு கார்ட்டு அறிமுக விழா கிரிப்டாஸ் உணவகத்தில் நடைபெற்றது. இதில் இறையன்பு ஐ.ஏ.எஸ், சிறப்பு விருந்தினராக கலந்துகொண்டு மெனு கார்ட்டை அறிமுகப்படுத்தினார்.

தமிழில் பேசுவதையே சிலர் தரக்குறைவாக நினைக்கும் இந்த காலகட்டத்தில் மேலை நாட்டு உணவகமான தனது உணவகத்தில் தமிழில் மெனு கார்ட்டை அறிமுகம் செய்த விபின் சச்தேவை இறையன்பு ஐ.ஏ.எஸ், பாராட்டினார்.
நன்றி தட்ஸ் தமிழ்

nallathu.

நன்று முரளி விரும்பினேன் உங்களின் பதிவை

Dr.சுந்தரராஜ் தயாளன் wrote:நன்று முரளி விரும்பினேன் உங்களின் பதிவை

நன்றி அய்யா