மகாரஷ்டிரா விவசாயிகள் கடனைத் தீர்க்க ரூ.30 லட்சம் கொடுத்த அமிதாப் பச்சன்

முரளிராஜா · முரளிராஜா Wed May 16, 2012 4:24 pm

மும்பை: மகாராஷ்டிரா மாநிலத்தில் உள்ள 114 விவசாயிகளின் கடனை அடைக்க பாலிவுட் நடிகர் அமிதாப் பச்சன் ரூ.30 லட்சத்திற்கான காசோலைகளை வழங்கியுள்ளார்.

மகாராஷ்டிரா மாநிலத்தில் உள்ள ஏராளமான விவசாயிகள் கடன் தொல்லை தாங்க முடியாமல் தற்கொலை செய்து வருகின்றனர். இந்நிலையில் விதர்பா பகுதியில் உள்ள வர்தா மாவட்டத்தில் உள்ள 20 கிராமங்களைச் சேர்ந்த 114 விவசாயிகளின் கடன்களை அடைக்க பாலிவுட் நடிகர் அமிதாப் பச்சன் ரூ.30 லட்சத்திற்கான காசோலைகளை வழங்கினார். வர்தாவில் நடந்த விழாவில் அந்த காசோலைகளை உள்ளூர் எம்.பி. தத்தா மேகே விவசாயிகளிடம் வழங்கினார்.

அந்த விவசாயிகளுக்கு யூனியன் பாங்க் ஆப் இந்தியா, ஸ்டேட் பாங்க் ஆப் இந்தியா மற்றும் வர்தா மாவட்ட கூட்டுறவு வங்கிகள் ஆகியவை கடன் வழங்கியுள்ளன. இந்த காசோலை வழங்கும் விழாவில் 90 விவசாயிகள் கலந்து கொண்டனர். விழாவுக்கு வராத 24 விவசாயிகளுக்கு அவர்களின் வீடுகளுக்கு சென்று காசோலைகள் வழங்கப்பட உள்ளன.

விதர்பா பகுதி விவசாயிகளின் கடன் தொகையை செலுத்த காசோலைகள் வழங்கியது போன்று தங்களுக்கும் வழங்குமாறு உத்தர பிரதேச மாநில பண்டல்கண்ட் விவசாயிகள் அமிதாப் பச்சனுக்கு கடிதம் எழுதியுள்ளனர்.

விதர்பா பகுதியைச் சேர்ந்த ஏராளமான விவசாயிகள் கடன் தொல்லை தாங்க முடியாமல் தற்கொலை செய்து கொண்டுள்ளனர். இந்நேரத்தில் அமிதாப் பச்சன் விவசாயிகளுக்கு பணம் கொடுத்து உதவியது அவர்களுக்கு பெருமகிழ்ச்சியாக உள்ளது. அமிதாபின் இந்த செயலை விதர்பா ஜன் அன்டோலன் சமிதி என்னும் என்.ஜி.ஓ. வரவேற்றுள்ளது.
நன்றி ஒன் இந்தியா

யினியவன் · யினியவன் Wed May 16, 2012 4:44 pm

நிறைய இதுபோல் நல்ல விஷயங்களை
பிரபலங்களும், நாமளும் செய்தால் நல்லது.

அதனினும் முக்கியம் அரசு அவர்களுக்கு நல்லது
செய்து இந்நிலை வாராது தவிர்த்தலே.

சார்லஸ் mc · சார்லஸ் mc Wed May 16, 2012 6:36 pm

கடனிலிருந்து விடுபட உதவி செய்தால் மட்டும் போதுமானது அல்ல.

மீண்டும் விவசாயிகள் மீள முடியாகடனை மீண்டும் மீண்டும் அடையா வண்ணம் அரசு, விவசாயிகளின் நலம் கருதி பல நல்ல திட்டங்களை வகுத்திட வேண்டும்.

குறிப்பாக: உரங்களை மான்ய விலையில் தரலாம். நல்ல விதைகளை அளிக்கலாம். விவசாயத்திற்கு தேவையான பாசன வசதிகளை அதிகபடுத்தலாம். தடையற்ற மின்சாரம் தரலாம். விளை பொருட்களை கூடுமானவரை நல்ல விலைக்கு அரசே வாங்கலாம். 100 நாள் வேலைவாய்ப்பு திட்டத்தை நிறுத்தி விட்டால், விவசாய பண்ணைகளுக்கு வேலையாட்கள் தாராளமாக கிடைப்பாா்கள். அரசு அதிகாாிகள் நேரடியாக விவசாயிகளை சந்தித்து குறைகளை களைய கருத்துக்களை கேட்டறிந்து செயல்படலாம்.

அசுரன் · அசுரன் Wed May 16, 2012 6:58 pm

நல்ல செயல். மகிழ்ச்சி

Sponsored content · Sponsored content

மகாரஷ்டிரா விவசாயிகள் கடனைத் தீர்க்க ரூ.30 லட்சம் கொடுத்த அமிதாப் பச்சன்

மகாரஷ்டிரா விவசாயிகள் கடனைத் தீர்க்க ரூ.30 லட்சம் கொடுத்த அமிதாப் பச்சன்

Re: மகாரஷ்டிரா விவசாயிகள் கடனைத் தீர்க்க ரூ.30 லட்சம் கொடுத்த அமிதாப் பச்சன்

Re: மகாரஷ்டிரா விவசாயிகள் கடனைத் தீர்க்க ரூ.30 லட்சம் கொடுத்த அமிதாப் பச்சன்

Re: மகாரஷ்டிரா விவசாயிகள் கடனைத் தீர்க்க ரூ.30 லட்சம் கொடுத்த அமிதாப் பச்சன்

Re: மகாரஷ்டிரா விவசாயிகள் கடனைத் தீர்க்க ரூ.30 லட்சம் கொடுத்த அமிதாப் பச்சன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக