இழிவுபடுத்துகிறவர்கள் இரக்கத்துக்குரியவர்கள்-படித்ததில் பிடித்தது

by balakarthik Wed May 16, 2012 2:32 pm

ஒரு தனி நபரையோ, ஒரு குடும்பம் அல்லது கூட்டத்தையோ, ஒரு இனத்தையோ, ஜாதியையோ, மதத்தையோ எந்நேரமும் சேர் வாரி இரைக்கிறவர்களைப் பார்த்திருப்பீர்கள்.

டிரான்ஸாக்‌ஷனல் அனாலிசிஸ் ரீதியாக இவர்களது மனோதத்துவத்தைக் கொஞ்சம் பார்க்கலாம்.

இந்த மாதிரி மனிதர்கள் விவாதங்களில் நாட்டமுடையவர்கள்.

விவாதம் என்பது அறிவு வளர்ச்சிக்குப் பயன்படுகிற ஒரு சக்தி வாய்ந்த கருவி. பள்ளிக்கூடங்கள் வராத காலத்தில், ஒரு குருவிடம் கற்கிற வழக்கம் இருந்த காலத்தில் தர்க்கம் என்பது ஒரு கலையாக போதிக்கப்பட்டது. வழக்கறிஞர் படிப்புக்கு வித்திட்ட கலை.

நம்முடைய பேச்சுக்களும், எழுத்துக்களும் இருவேறு மனநிலைகளின் கலப்படம்.

ஒன்று அறிவு, இன்னொன்று உணர்வு.

இந்தக் கலப்பின் விகிதாச்சாரம் ஆளுக்கு ஆள் வேறுபடும்.

உணர்வு மேலோங்கி இருக்கிறவர்களை ஈகொயிஸ்டிக் என்போம். அறிவு மேலோங்கி இருப்பவர்களை இண்டெல்லக்ச்சுவல் என்போம்.

ஆரோக்யமான விவாதங்கள் செய்கிறவர்கள் உணர்வுகளை ஆஃப் செய்து வைத்து விடுவார்கள். அவர்களுக்கு தங்கள் அறிவின்பால் அசாத்யமான நம்பிக்கை இருக்கும். நாம் முன் வைக்கிற ஒவ்வொரு கருத்துக்கும் உணர்வுக்கலப்படம் இல்லாத ஒரு லாஜிக்கல் மறுப்பு வைத்திருப்பார்கள்.

ஒரு எளிமையான உதாரணம் சொல்கிறேன்.

தேர்தல்களில் பணத்தை வாரி இரைத்து வோட்டு வாங்குவதைப் பற்றிய விவாதம் வந்தது.

“அவ்வளவும் கறுப்புப் பணம்ய்யா. வாங்கற ஜனங்க என்ன ரசீதா குடுக்கப் போறாங்க? கணக்கில வராத பணமும் தொலைஞ்சுது. வோட்டும் கிடைச்சுது.” என்றார் ஒருவர்.

“கறுப்புப் பணமோ செகப்புப் பணமோ குடுக்கணும்ங்கிற மனோபாவத்தைத்தானே அது காட்டுது?” என்றார் இன்னொருத்தர்.

“பணத்தை செலவு பண்ணி பதவிக்கு வர்ரது எதைக் காட்டுது? பதவிக்கு வர்ரது சேவைக்காக மட்டுமில்லை. விட்டதை திரும்ப சம்பாதிச்சிடலாம்ங்கிற நம்பிக்கை.”

இவர்கள் ஒரு சாராரைப் பற்றி ஃபார் அண்ட் அகைன்ஸ்ட் பேசினாலும் எந்த வார்த்தையுமே உணர்விலிருந்து வரவில்லை என்பதை கவனியுங்கள். மூன்று வாக்கியங்களிலுமே லாஜிக் இருப்பதை கவனியுங்கள்.

என்னிடம் எந்த லாஜிக்கும் இல்லை. ஆனால் எதிராளி சொல்வதை ஒப்புக் கொள்ளவும் முடியவில்லை. இந்த இடத்தில் கட்டாயம் உணர்வு நுழைந்து விடும். இயலாமையும், தன்னம்பிக்கை இன்மையும், தோல்வியும் கலந்த உணர்வு.

லாஜிக் இருந்தவரை என் பேச்சுக்கள் எதிராளியின் அறிவை அட்ரஸ் செய்தன. லாஜிக் இல்லாததால் மேலெழுந்த என் உணர்வுகள் எதிராளியின் உணர்வை அட்ரஸ் செய்ய ஆரம்பிக்கும்.

எப்படி?

தோல்வியும் இயலாமையும் சைல்ட் ஈகோ என்று சொல்லப்படும் மனநிலையைத் தூண்டிவிடும். தான் எதிராளியைவிடக் குறைந்த நிலையில் இருப்பதாக கருதிக் கொள்கிற உணர்வு அது.

இந்த மாதிரி மனநிலையில் எதிராளியை மட்டம் தட்டி, அவன் மேல் சேர் வாரி இரைத்து அவனைக் கீழே கொண்டு வர எனக்குள் ஒரு அவசரமும் ஆத்திரமும் இருக்கும். கோபம் என்பதே இயலாமையின் வெளிப்பாடு.

மேற்சொன்ன விவாதத்தில் எதிராகப் பேசிக் கொண்டிருந்தவர் இந்த நிலைக்கு வந்தால் என்ன செய்வார்?

தொடர்புடைய ஆசாமியை தரக் குறைவாகத் திட்ட ஆரம்பிப்பார்.

“என்ன பெரிய குடுக்கிற மனோபாவம். ஊர்ல பிச்சை எடுத்துகிட்டு இருந்தவந்தானே? பொறுக்கித் தின்னவந்தானே?” என்றெல்லாம் பேச ஆரம்பிப்பார்.

உடனே எதிராளி, “நீ சொன்னா சரியாத்தான் இருக்கும். அடுத்தவன் தின்னு போட்ட இலையை நக்கினவந்தானே நீ?” என்பார்.

“யாரைப்பாத்து எச்ச பொறுக்கின்னு சொன்னே? நீ கூட்டிக் குடுக்கிறவன்னு எனக்குத் தெரியாதா?”

அவ்வளவுதான்.

கொஞ்ச நேரத்தில் நாறி விடும்.

தாழ்வு மனப்பான்மையில் இருப்பவர்கள் இரக்கத்துக்குரியவர்கள். அரவணைக்கப்பட வேண்டியவர்கள். அவர்களுக்கு தைரியம் சொல்ல வேண்டும். அவர்கள் நிலைக்கு நாம் இறங்கிப் போவதற்கு பதில் நம் உயரத்துக்கு அவர்களை அழைத்துக் கொள்ள வேண்டும்.

இல்லாவிட்டால் அது ஒரு தீவிரமான மன நோயாகப் போய் விடுகிற அபாயம் இருக்கிறது.

நன்றி:- ஜவஹர் - இதயம் பேசுகிறது

by **ஜாஹீதாபானு** Wed May 16, 2012 2:41 pm

ரொம்ப அருமையான பகிர்வு நன்றி பாலாகார்த்திக்.. அருமையிருக்கு

by **உமா** Wed May 16, 2012 2:45 pm

மிகவும் அருமையான கட்டுரை..இதுபோன்ற மனிதர்களை அதிகம் நம் வாழ்க்கையிலே சந்தித்து கொண்டு தான் இருக்கிறோம்...அப்படிப்பட்ட நபர்களிடம் எப்படி நடந்துகொள்வது என்பதை பற்றியும் தெளிவாக விளக்கியுள்ள கட்டுரை ...

பகிர்வுக்கு நன்றி. சூப்பருங்க

by யினியவன் Wed May 16, 2012 2:50 pm

நல்ல பகிர்வு பாலா. சூப்பருங்க

புரியற மாதிரியே புரிஞ்சு புரியாம போச்சுன்னு புரியறதுகுள்ள புரிஞ்சிடுச்சு ஒரு வழியா.

நல்ல வேளை ரெண்டு வழி இல்லை. புன்னகை

by **கே. பாலா** Wed May 16, 2012 3:15 pm

எல்லா விவாதங்களையும் புரிந்துகொள்ள உதவும் கட்டுரை !
அவசியமானதை , அவசியமான நேரத்தில் தந்த உங்களுக்கு அவசியம் நன்றி சொல்லவேண்டும் . நன்றி பாலா கார்த்தி

by balakarthik Wed May 16, 2012 5:16 pm

by உதயசுதா Wed May 16, 2012 5:33 pm

கே. பாலா wrote:எல்லா விவாதங்களையும் புரிந்துகொள்ள உதவும் கட்டுரை !
அவசியமானதை , அவசியமான நேரத்தில் தந்த உங்களுக்கு அவசியம் நன்றி சொல்லவேண்டும் . நன்றி பாலா கார்த்தி

by balakarthik Wed May 16, 2012 5:43 pm

நன்றி அக்கா :வணக்கம்:

by **பிளேடு பக்கிரி** Wed May 16, 2012 6:28 pm

நல்ல கட்டுரை.. நன்றி நண்பா மகிழ்ச்சி

by சார்லஸ் mc Wed May 16, 2012 6:53 pm

தாழ்வு மனப்பான்மையில் இருப்பவர்கள் இரக்கத்துக்குரியவர்கள். அரவணைக்கப்பட வேண்டியவர்கள். அவர்களுக்கு தைரியம் சொல்ல வேண்டும். அவர்கள் நிலைக்கு நாம் இறங்கிப் போவதற்கு பதில் நம் உயரத்துக்கு அவர்களை அழைத்துக் கொள்ள வேண்டும்.

அருமையிருக்கு