30 லட்சம் ஆகாஷ் டேப்ளட் பிசிக்கள்

by **சிவா** Wed May 16, 2012 10:58 am

பிரிட்டனைத் தலைமையிடமாகக் கொண்டு இயங்கும் டேட்டாவிண்ட் நிறுவனம், உலகிலேயே விலை குறைந்த டேப்ளட் பிசிக்களை "ஆகாஷ்' என்ற பெயரில் தயாரித்து வழங்க அறிவிப்பு வெளியிட்டது. இதனை இரண்டு வகைகளில் மாணவர்களுக்கு வழங்க, மத்திய அரசின் மனித வள மேம்பாடு அமைச்சகத்தின் துறைகளில் இருந்தும் ஆர்டரைப் பெற்றிருந்தது. சென்ற வாரம் இவற்றை வர்த்தக ரீதியில் விற்பனைக்கு வெளியிட்டது. விலை ரூ.3,000 முதல் ரூ.4,000 வரை நிர்ணயம் செய்யப்பட்டுள்ளது.

இந்த டேப்ளட் பிசி தயாரிப்பில், டேட்டாவிண்ட் நிறுவனம், ராஜஸ்தான் இந்திய தொழில் நுட்ப கழகம் மற்றும் குவாட் எலக்ட்ரானிக்ஸ் நிறுவனத்துடன் மேற்கொண்டிருந்த ஒப்பந்தத்தில் பிரச்னை ஏற்பட்டது. இவற்றைச் சமாளித்த டேட்டா விண்ட் நிறுவனம் தற்போது வர்த்தக ரீதியாக டேப்ளட் பிசிக்களைக் கொண்டு வந்துள்ளது. ஏற்கனவே 30 லட்சம் டேப்ளட் பிசிக்களுக்கு மேல் ஆர்டர்களைப் பெற்றுள்ளதாகவும், அவற்றை வழங்கும் முயற்சியில் தன் நிறுவனம் ஈடுபடும் என்றும் இந்நிறுவன தலைமை நிர்வாக அதிகாரி, சுனீட் சிங் தூளி தெரிவித்துள்ளார்.

வெளியிடப்பட்டிருக்கும் இரு மாடல் டேப்ளட் பிசிக்களிலும் ஜி.பி.ஆர்.எஸ். மோடம் இணைக்கப்பட்டு வை-பி இணைப்பு வசதி தரப்பட்டுள்ளது. இவற்றின் திரை 7 அங்குல அகலம் உடையது. இதில் ஆண்ட்ராய்ட் 2.3 ஆப்பரேட்டிங் சிஸ்டம் இயங்குகிறது. இதன் ப்ராசசர் 800 மெகா ஹெர்ட்ஸ் திறன் கொண்டது. ராம் நினைவகம் 256 எம்.பி. ஆர்டர்களுக்கு எந்த முன்பணமும் பெறப்படவில்லை என்பதால், இந்த ஆர்டர் அளித்தவர்கள் அனைவரும் டேப்ளட் பிசியைப் பெற்றுக் கொள்வார்கள் என எதிர்பார்க்க முடியாது எனவும் அவர் கூறி உள்ளார்.

அரசுக்கு ரூ. 2,276 என்ற விலையில் டேட்டாவிண்ட் இவற்றை அளிக்கிறது. அரசு மானிய விலையாக ரூ.1,100 / ரூ.1,200க்கு மாணவர்களுக்கு வழங்குகிறது.

முதலில் இந்த திட்டத்தினை வடிவமைத்த ராஜஸ்தான் ஐ.ஐ.டி., இந்த டேப்ளட் பிசி சில தர வரையறைகளை நிறைவு செய்திடவில்லை எனக் கூறி, திட்டத்தினை மும்பை ஐ.ஐ.டிக்கு மாற்றியது.

தற்போது வெளியாகி இருக்கும் டேப்ளட் பிசி அரசிடம் சோதனைக்கு அனுப்பப் பட்டு, அரசு இதன் தரம் குறித்து நிறைவான அறிக்கை தந்த பிறகே, அரசு ஆர்டர் செய்துள்ள லட்சக்கணக்கான டேப்ளட் பிசிக்கள் வழங்கப்படும் என தூளி தெரிவித்தார்.

பொதுமக்களுக்கு விற்பனை செய்திடும் ஆகாஷ் டேப்ளட் பிசிக்களில் இன்டர்நெட் டேட்டா மற்றும் வாய்ஸ் சேவைகளை வழங்க ஏர்செல் நிறுவனம் முன்வந்துள்ளது. இதற்கென மாதம் ரூ.100 கட்டணமாக வசூலிக்கப்படும்.

கம்ப்யூட்டர் மலர்

by **கேசவன்** Wed May 16, 2012 11:14 am

நல்ல திட்டம் தான்

30 லட்சம் ஆகாஷ் டேப்ளட் பிசிக்கள்

30 லட்சம் ஆகாஷ் டேப்ளட் பிசிக்கள்

Re: 30 லட்சம் ஆகாஷ் டேப்ளட் பிசிக்கள்