மனைவிக்கு பயப்படமாட்டேன்!

by **சிவா** Wed May 16, 2012 10:23 am

முன்னொரு காலத்தில் டில்லியை, அக்பர் ஆண்டு கொண்டிருந்தார். அவரிடம் மிகச் சிறந்த ராஜ தந்திரியாக பீர்பால் இருந்தார்.

ஒருநாள் அவர்கள் இருவரும் மாறுவேடத்தில் நகர்வலம் சென்றனர். அப்போது, ஒரு வீட்டின் முன் ஒரு இளம் பெண் நின்று கொண்டு, தெருவில் நின்ற தன் கணவனை கன்னாபின்னா வென்று திட்டிக் கொண்டிருந்தாள்.

அவனோ, அடித்து வைத்த செப்புச் சிலை போல அமைதியாக இருந்தான். இதைப் பார்த்த அக்பர் பெருங்கோபம் கொண்டார்.

அவர் அருகில் இருந்த பீர்பாலைப் பார்த்து, ""என்ன இவள், தன் கணவனை வாசலுக்கு வெளியே நிறுத்தி வைத்து, இவ்வளவு அக்கிரமமாகத் திட்டிக் கொண்டிருக்கிறாள். அவனும் அமைதியாக நிற்கிறான். இதைத் தட்டி கேட்க மாட்டானா இவன்?'' என்று கேட்டார்.

""அரசே, உலகில் உள்ள பெரும்பாலான ஆண்களுக்கும் இதே கதிதான். நல்லது செய்தாலும் திட்டு; கெட்டது செய்தாலும் திட்டு. அது அந்த அந்த மனிதர்களின் மனைவியின் சுபாவத்தைப் பொறுத்தது. உண்மையைச் சொல்லப் போனால், பெரிய பெரிய வரலாற்று மேதைகளின் மனைவி மக்களிலிருந்து, சாதாரணக் குடிமகனின் மனைவி வரை, அவரவர் குடும்பத்தில் மனைவியே சக்தி உள்ளவள். மனைவிக்குப் பயப்படாதவர்கள் யார்?'' என்று கூறினார் பீர்பால்.

அக்பர் குறும்பாகச் சிரித்தார்.

""அப்படியானால் உங்கள் வீட்டிலும் இதே நிலைதான் போலிருக்கிறதே!'' என்றார். பீர்பால் அதற்குப் பதிலே சொல்லவில்லை.

மறுநாள் அக்பர், பீர்பாலை அழைத்து ""பீர்பால், நம் நாட்டில் மனைவிக்குப் பயப்படாதவர்கள் எத்தனைப் பேர். பயந்தவர்கள் எத்தனைப் பேர் என்ற பட்டியல் எனக்கு வந்து சேர வேண்டும். அதற்குரிய ஏற்பாடுகளைச் செய்யுங்கள்!'' என்றார்.

""இதற்கு எதற்குப் பட்டியல்? திருமணமான ஆண்களை இங்கே நாம் வரச் சொல்லுவோம்! அவர்களில் நமக்குத் தேவையானவர்களைப் பொறுக்கிக் கொள்ளலாம்!'' என்றார் பீர்பால்,

""சரி!'' என்றார் அக்பர்.

மறுநாள் திருமணமான ஆண்கள் வந்து நின்றனர். அவர்களைப் பார்த்து அக்பர் கேட்டார், ""உங்களில் யார் மனைவிக்குப் பயந்தவர். யார் பயப்படாதவர் என்று கணக்கெடுப்பதற்கே அழைக்கப்பட்டிருக் கிறீர்கள். மனைவிக்குப் பயந்தவர்கள் எல்லாம் இடது கைப் பக்கம் போய் நில்லுங்கள். பயப்படாதவர்கள் வலது கைப் பக்கம் போய் நில்லுங்கள்!'' என்றார்.

அக்பர் சொல்லி முடித்தவுடன், அந்தக் கூட்டம் முழுவதும் சரேலென இடது பக்கம் சென்றது. ஒரே ஒருவன் மட்டும் வலது கைப் பக்கமும் போகாமல், இடது கைப் பக்கமும் போகாமல் மவுனமாக இருந்த இடத்திலேயே இருந்தான்.

""நான் சொன்னது புரியவில்லையா இளைஞனே?'' என்று கேட்டார் அக்பர்.

உடனே அவன் வலது கைப் பக்கம் போய் நின்றான்.

""ஆஹா, என் நாட்டில் மனைவிக்குப் பயப்படாத சுத்த வீரனும் இருக்கதான் செய்கிறான். உன்னைப் பாராட்டுகிறேன் இளைஞனே!'' என்று கூறினார் அக்பர்.

""அரசே, நீங்கள் நினைப்பது தவறு. நான் கிளம்பும் போதே, என் மனைவி சொல்லி அனுப்பினாள், எல்லாரும் ஓரிடத்தில் பெரிய கும்பலமாகக் கூடி நின்றால், நீங்கள் அவர்களுக்கு நடுவே இருக்கக் கூடாது. அவர்களுக்கு எதிர்பக்கமாக தனியாகத் தான் நிற்க வேண்டும் என்பது என் மனைவியின் கடுமையான கண்டிப்பு. ஆகவேதான், வலது கைப் பக்கம் போய் நின்றேன்,'' என்றான் அப்பாவித்தனமாக.

பீர்பால் அரசரைப் பார்த்தார். அரசர் பீர்பாலைப் பார்க்க, இருவராலும் சிரிப்பை அடக்க முடியவில்லை.

சிறுவர் மலர்

by hega Wed May 16, 2012 11:02 am

முடியல்லை...

by **கேசவன்** Wed May 16, 2012 11:13 am

by **கே. பாலா** Wed May 16, 2012 12:38 pm

தலைப்பை பார்த்து எதாவது நல்ல ஆலோசனை . டிப்ஸ்..... கிடைக்குமென்று வந்தால் இங்கே ஒரே சிரிப்பவுள்ள இருக்கு சோகம்

by முரளிராஜா Wed May 16, 2012 12:41 pm

கே. பாலா wrote:தலைப்பை பார்த்து எதாவது நல்ல ஆலோசனை . டிப்ஸ்..... கிடைக்குமென்று வந்தால் இங்கே ஒரே சிரிப்பவுள்ள இருக்கு

டிப்ஸ் கொடுத்தாலும் அத செயல்படுத்த ஒரு தைரியம் வேனும்ல ஒன்னும் புரியல

by **சிவா** Wed May 16, 2012 12:42 pm

கே. பாலா wrote:தலைப்பை பார்த்து எதாவது நல்ல ஆலோசனை . டிப்ஸ்..... கிடைக்குமென்று வந்தால் இங்கே ஒரே சிரிப்பவுள்ள இருக்கு

மனைவிக்கு பயப்படமாட்டேன் என்று பொய் சொல்லி நடிக்கலாம், ஆனால் உண்மையிலேயே பயப்படாத மனிதர்கள் யாருமே இல்லை, அதனால் மனதைத் தேத்திக் கொண்டு மற்ற பதிவுகளைம் படிக்கச் செல்லுங்கள் வாத்தியாரே!

(இங்க உக்காந்து ஒரே அழுகை)

by **கே. பாலா** Wed May 16, 2012 12:42 pm

முரளிராஜா wrote:
கே. பாலா wrote:தலைப்பை பார்த்து எதாவது நல்ல ஆலோசனை . டிப்ஸ்..... கிடைக்குமென்று வந்தால் இங்கே ஒரே சிரிப்பவுள்ள இருக்கு
டிப்ஸ் கொடுத்தாலும் அத செயல்படுத்த ஒரு தைரியம் வேனும்ல

இதுக்குதான் "அனுபவம்" வேணும்கிறது !

by முரளிராஜா Wed May 16, 2012 12:45 pm

கே. பாலா wrote:
முரளிராஜா wrote:
கே. பாலா wrote:தலைப்பை பார்த்து எதாவது நல்ல ஆலோசனை . டிப்ஸ்..... கிடைக்குமென்று வந்தால் இங்கே ஒரே சிரிப்பவுள்ள இருக்கு
டிப்ஸ் கொடுத்தாலும் அத செயல்படுத்த ஒரு தைரியம் வேனும்ல
இதுக்குதான் "அனுபவம்" வேணும்கிறது !

இல்லைனு சொன்னா மட்டும் நம்பவா போறிங்க ஒன்னும் புரியல

by **கே. பாலா** Wed May 16, 2012 12:49 pm

சிவா wrote:
கே. பாலா wrote:தலைப்பை பார்த்து எதாவது நல்ல ஆலோசனை . டிப்ஸ்..... கிடைக்குமென்று வந்தால் இங்கே ஒரே சிரிப்பவுள்ள இருக்கு

மனைவிக்கு பயப்படமாட்டேன் என்று பொய் சொல்லி நடிக்கலாம், ஆனால் உண்மையிலேயே பயப்படாத மனிதர்கள் யாருமே இல்லை, அதனால் மனதைத் தேத்திக் கொண்டு மற்ற பதிவுகளைம் படிக்கச் செல்லுங்கள் வாத்தியாரே!

அதான் தெளிவா இருக்கிங்களே ,,அப்புறம் என்ன? சம்சார சாகரத்தில் மூழ்கவேண்டியதுதானே! பைத்தியம்