ரேஷன் பொருட்களை மாவாக்கி "சூப்பர் பிசினஸ்' : பொள்ளாச்சியில் தொழிற்சாலைக்கு "சீல்'

balakarthik · balakarthik Wed May 16, 2012 10:41 am

பொள்ளாச்சியில், ரேஷன் அரிசி, கோதுமை மற்றும் உளுந்தை கடத்தி, மாவு தயாரித்த தொழிற்சாலைக்கு, போலீசார், "சீல்' வைத்தனர்; பிடிபட்ட இருவர் சிறையில் அடைக்கப்பட்டனர். கோவை மாவட்டம், பொள்ளாச்சி, உடுமலை ரோடு, தொழிற்பேட்டையிலுள்ள, "டாப்சன் புட் புராடெக்ட்' தொழிற்சாலையில், ரேஷன் அரிசி மற்றும் கோதுமை பதுக்கப்பட்டிருப்பதாக, உணவுப் பொருள் கடத்தல் தடுப்பு குற்றப் புலனாய்வு (புட் செல்) பிரிவு ஏ.டி.ஜி.பி., ராதாகிருஷ்ணனுக்கு, புகார் சென்றது. அதையடுத்து, டி.எஸ்.பி., ஹரி கிருஷ்ணன் உத்தரவின்படி, இன்ஸ்பெக்டர் முருகவேல் தலைமையிலான போலீசார், தொழிற்சாலையில் ரெய்டு நடத்தினர். அங்கு, பொது வினியோகத் திட்டத்தில், ரேஷன் கடைகளில் வினியோகம் செய்யப்படும், 20 கிலோ எடையுள்ள, 79 மூட்டை பச்சரிசி, 50 கிலோ எடையுள்ள, 90 மூட்டை கோதுமை, 50 கிலோ எடையுள்ள, 12 மூட்டை உளுந்து ஆகியவையும், ரேஷன் அரிசியை கொண்டு தயாரிக்கப்பட்ட, 50 கிலோ எடையுள்ள, 14 மூட்டை மாவும் கைப்பற்றப்பட்டன.மொத்தம், 7.38 டன் எடையுள்ள பொது வினியோகத் திட்டப் பொருட்கள், பறிமுதல் செய்யப்பட்டன. அரிசி, கோதுமையை அரைக்கும் இயந்திரங்களுக்கு, சீல் வைக்கப்பட்டது. பறிமுதல் செய்யப்பட்ட பொருட்களின் மதிப்பு, 70 ஆயிரம் ரூபாய்; சீல் வைக்கப்பட்ட இயந்திரத்தின் மதிப்பு ஐந்து லட்சம் ரூபாய். தொழிற்சாலை உரிமையாளர் கணேசன்,55, அரவையாளர் குருமூர்த்தி,49, ஆகியோரை, போலீசார் கைது செய்தனர். கோவை ஜே.எம்., எண் 4 கோர்ட்டில் ஆஜர்படுத்தப்பட்ட இருவரையும், 15 நாள் மத்திய சிறையில் காவலில் வைக்க, மாஜிஸ்திரேட் முரளிதரன் உத்தரவிட்டார். இவ்வாறு, இன்ஸ்பெக்டர் முருகவேல் கூறினார்.

அடுத்தடுத்து "ரெய்டு' : பொள்ளாச்சியில், சில நாட்களுக்கு முன், தேயிலை கலப்படத்தை தடுக்க, மத்திய தேயிலை வாரியம் சார்பில் ரெய்டு நடத்தியபோது, "டாப்சன் புட் புராடெக்ட்' தொழிற்சாலையில், தேயிலையில் கலப்படம் செய்வது கண்டுபிடிக்கப்பட்டது. மத்திய தேயிலை வாரிய அதிகாரிகள், கலப்பட தேயிலை மாதிரி எடுத்து உறுதி செய்தனர். பொள்ளாச்சியில், கடந்த ஆண்டில், இரண்டு முறை நடந்த ரெய்டிலும், இந்த தொழிற்சாலையில் தேயிலை கலப்படம் நடப்பது உறுதி செய்யப்பட்டு, தொழிற்சாலைக்கு, "சீல்' வைக்கப்பட்டது. தற்போது, ரேஷன் பொருட்களை, நூதன முறையில் மதிப்பு கூட்டப்பட்ட பொருட்களாக மாற்றி, அவர்களது, "பிராண்ட்' பெயரில், மார்க்கெட்டில் விற்பனை செய்வது கண்டுபிடிக்கப்பட்டுள்ளது.

நன்றி:- தினமலர்

யினியவன் · யினியவன் Wed May 16, 2012 11:48 am

டாப்சன் பெயரை மாற்றி பிராட்சன் ன்னு வெச்சா அனுமதி குடுப்பாங்களோ?

என்னவோ அதிகாரிகளுக்கு பங்கு இல்லாத மாதிரியே பேசுரானுவளே...

balakarthik · balakarthik Wed May 16, 2012 11:51 am

யினியவன் wrote:டாப்சன் பெயரை மாற்றி பிராட்சன் ன்னு வெச்சா அனுமதி குடுப்பாங்களோ?

என்னவோ அதிகாரிகளுக்கு பங்கு இல்லாத மாதிரியே பேசுரானுவளே...

பங்கு சரியா பிரிக்கபடலேனுத்தானே இப்படி பிரிச்சு மேய்ந்து சீல் வச்சுட்டாங்க

**சிவா** · **சிவா** Wed May 16, 2012 11:53 am

balakarthik wrote:
யினியவன் wrote:டாப்சன் பெயரை மாற்றி பிராட்சன் ன்னு வெச்சா அனுமதி குடுப்பாங்களோ?

என்னவோ அதிகாரிகளுக்கு பங்கு இல்லாத மாதிரியே பேசுரானுவளே...

பங்கு சரியா பிரிக்கபடலேனுத்தானே இப்படி பிரிச்சு மேய்ந்து சீல் வச்சுட்டாங்க

இதுதான் உண்மை என நினைக்கிறேன்!

Sponsored content · Sponsored content

ரேஷன் பொருட்களை மாவாக்கி "சூப்பர் பிசினஸ்' : பொள்ளாச்சியில் தொழிற்சாலைக்கு "சீல்'

ரேஷன் பொருட்களை மாவாக்கி "சூப்பர் பிசினஸ்' : பொள்ளாச்சியில் தொழிற்சாலைக்கு "சீல்'

Re: ரேஷன் பொருட்களை மாவாக்கி "சூப்பர் பிசினஸ்' : பொள்ளாச்சியில் தொழிற்சாலைக்கு "சீல்'

Re: ரேஷன் பொருட்களை மாவாக்கி "சூப்பர் பிசினஸ்' : பொள்ளாச்சியில் தொழிற்சாலைக்கு "சீல்'

Re: ரேஷன் பொருட்களை மாவாக்கி "சூப்பர் பிசினஸ்' : பொள்ளாச்சியில் தொழிற்சாலைக்கு "சீல்'

Re: ரேஷன் பொருட்களை மாவாக்கி "சூப்பர் பிசினஸ்' : பொள்ளாச்சியில் தொழிற்சாலைக்கு "சீல்'

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக