2016-ல் பா.ம.க. ஆட்சியை கைப்பற்றும்

by **சிவா** Wed May 16, 2012 9:08 am

First topic message reminder :

வருகிற பாராளுமன்ற தேர்தலில் பா.ம.க. 10 இடங்களில் வெற்றி பெறும் என்றும், 2016-ம் ஆண்டு தமிழகத்தில் ஆட்சியை கைப்பற்றுவோம் என்றும், டாக்டர் ராமதாஸ் கூறினார்.

ஆய்வு கூட்டம்

ஏலகிரி மலையில் பா.ம.க.வின் நகர, ஒன்றிய, மாவட்ட செயலாளர்களின் செயல்பாடுகள் குறித்து ஆய்வு செய்யும் கூட்டம் ஏலகிரிமலையில் நடந்தது.

நிகழ்ச்சியில் முன்னாள் மத்திய மந்திரி அன்புமணி ராமதாஸ், மாநில பொதுச்செயலாளர் வடிவேல்ராஜன், பா.ம.க. தலைவர் ஜி.கே.மணி உள்ளிட்ட அனைத்து பிரிவு பொறுப்பாளர்கள் உட்பட பலர் கலந்து கொண்டனர்.

ராமதாஸ் பேட்டி

இதில் கலந்து கொண்டு ஆய்வு செய்த பா.ம.க. நிறுவன தலைவர் டாக்டர் ராமதாஸ் நிருபர்களுக்கு பேட்டி அளித்தார். அப்போது அவர் கூறியதாவது:-

மணல் கொள்ளை சம்பந்தமாக ஆற்காடு சட்டசபை தொகுதி முன்னாள் எம்.எல்.ஏ. இளவழகன் உயர்நீதிமன்றத்தில் வழக்கு பதிவு செய்துள்ளார். தற்போது மணல் கொள்ளை அதிகரித்து வருகிறது. கேரளா, கர்நாடக மாநிலங்களுக்கு கடத்தப்படுகிறது.

இதேபோன்று ரேஷன் அரிசி டன் கணக்கில் கடத்தப்படுகிறது.

வட மாநில திருடர்கள்

மேற்குவங்கம் மற்றும் உத்தரபிரதேச மாநிலங்களை சேர்ந்தவர்கள் தமிழ்நாட்டில் தங்கி திருட்டை செய்வதாக சொல்லப்படுகிறது.

எதிர்க்கட்சி தலைவர் விஜயகாந்த் சட்டமன்றத்திற்கு போவதே இல்லை. இவர் எதற்கு சட்டமன்ற எதிர்க்கட்சி தலைவராக உள்ளார்? அவர் சட்டமன்றத்திற்கு சென்றால் பல வேடிக்கைகள் நடைபெறும்.

கல்வி கட்டணம்

இந்த ஆட்சியில் கல்வி கட்டணம் விண்ணை தொடும் அளவிற்கு தனியார் கல்வி நிலையங்களில் கொள்ளையடித்து வருகிறார்கள்.

நாங்கள் ஆட்சிக்கு வந்தால் கட்டாய கல்வி கட்டணம் இல்லா கல்வி, தரமான கல்வி, சுகமான கல்வி, சுமையில்லா கல்வி வழங்கப்படும். ஒவ்வொரு மாணவனும் நாள் ஒன்றுக்கு 2 மணி நேரம் விளையாட வேண்டுமë என்று கட்டாய விளையாட்டை கொண்டு வருவோம். இன்றைக்கு பெயரளவில்தான் சமச்சீர் கல்வி உள்ளது. நாங்கள் உண்மையான சமச்சீர் கல்வியை கொண்டு வருவோம்.

கைப்பற்றுவோம்

20 சதவீதம் வன்னியர்களுக்கு தனி ஒதுக்கீடு கேட்டு ஆகஸ்டு அல்லது செப்டம்பரில் தொடர் போராட்டம் நடத்தப்படும். வருகிற பாராளுமன்ற தேர்தலில் தமிழ்நாட்டில் உள்ள 39 தொகுதிகளில் 10 இடங்களை பா.ம.க. கைப்பற்றும். இந்தியாவிற்கே வழிகாட்டும் வகையில் எங்கள் கட்சியின் சார்பில் தேர்தலில் போட்டியிடும் வேட்பாளர் மட்டுமே திறந்த ஜீப்பில் தனி மனிதனாக மக்களிடம் நேரிடையாக சென்று வாக்கு கேட்போம்.

எந்த தேர்தலிலும் தேசிய கட்சிகளுடனோ, திராவிட கட்சிகளுடனோ கூட்டு வைக்க மாட்டோம். இந்த ஆட்சிக்கு 20 மதிப்பெண்கள்தான் வழங்குகிறேன். இனி வரும் தேர்தல்களில் வாக்காளர்களுக்கு பணம் கொடுக்க மாட்டோம் என தி.மு.க., அ.தி.மு.க. உறுதியளிக்கட்டும்- தேர்தல் ஒழுங்காக நடைபெறும்.

திருப்பத்தூர் மாவட்டம்

மேலும் 13 சட்டமன்ற உறுப்பினர்களை கொண்டது வேலூர் மாவட்டம். இதை இரண்டாக பிரித்து திருப்பத்தூரை தலைநகரமாக கொண்டு திருப்பத்தூர் மாவட்டம் அமைக்க எனது தலைமையில் தொடர் போராட்டம் நடத்துவேன் அதற்குறிய தேதியை விரைவில் அறிவிப்பேன்.

இவ்வாறு டாக்டர் ராமதாஸ் கூறினார்.

தினத்தந்தி

by balakarthik Wed May 16, 2012 9:54 am

ராமதாஸ் ஐயாவுக்கு நேத்திக்கு மப்பு அதிகமாகிடுசுனு நினைக்கிறேன் அதான் பொலம்பிகிட்டு இருக்காரு

by **சிவா** Wed May 16, 2012 9:56 am

balakarthik wrote:ராமதாஸ் ஐயாவுக்கு நேத்திக்கு மப்பு அதிகமாகிடுசுனு நினைக்கிறேன் அதான் பொலம்பிகிட்டு இருக்காரு

ஓ, பா.ம.க நிறுவனர் தண்ணியெல்லாம் அடிப்பாரா? நீங்கள் கூறித்தான் எனக்குத் தெரியும்!

by **கேசவன்** Wed May 16, 2012 11:27 am

உங்களுடைய நகைசுவைக்கு இனை உங்களுடைய நகைசுவை தான் சிரிப்பு

by **பிளேடு பக்கிரி** Wed May 16, 2012 11:39 am

டேய்.. ஹேய்.. ஹேய்... 2016-ல் பா.ம.க. ஆட்சியை கைப்பற்றும் - Page 2 745155

by யினியவன் Wed May 16, 2012 11:43 am

சிவா wrote:ஓ, பா.ம.க நிறுவனர் தண்ணியெல்லாம் அடிப்பாரா? நீங்கள் கூறித்தான் எனக்குத் தெரியும்!

இப்ப என்ன சொல்ல வரீங்க? நிருவனர்ன்னா தண்ணி அடிக்கலாம் - அதனால தான் ஈகரை நிறுவனரும் தண்ணி அடிக்கிறேன்னா?

நல்லா அடிங்க - வந்து எங்க வூட்டு கார்பரேஷன் குழாயிலையும் வந்து தண்ணி அடிச்சிட்டு போங்க - உதவியாப் போவும். புன்னகை