கவிதை வேண்டுமா ...???

கவிதை வேண்டுமா ...???

நான் எனும் அகந்தையை
இழ ...
குழந்தையாய் மாறு

உன் சுற்றத்தினை
நன்றாக
உற்று பார்..
சுழலும் உலகத்தில்
நிகழும் மாற்றங்களை
கவனித்து பார்...

சின்னஞ்சிறு பூக்களின்
மொழி...
கண்கவர்
பறவையின் கூட்டம்...

நீ பார்ப்பன
எதுவாயினும்
பரவசம் கொள்...
அது கவிதையினை
மெருகூட்டும்...

ஏழ்மையின்
அழு குரல்
ஒடுக்கபட்ட மக்களின்
வதைக்க பட்ட
இதயம் - உன்
கவிதையின் மூலம்
பேசட்டும்

போராடு
சாதீய கொடுமை
கண்டு
லஞ்சத்தின்
உச்சம் கண்டு
மனிதனை மனிதனே
வதைக்கும்
வன்கொடுமை கண்டு - உன்
கவிதையின் சாட்டை சொடுக்கு

உண்மையின் நகலாய்
உன் கவிதை
இருக்கட்டும்
வாழ்க்கை போராட்டதில்
வாழ வழியில்லாமல்
கல்லறையில்
உறங்கி போனவர்களை
உயிர் கொண்டு எழ செய்

நீ வளர்ந்து
விட்டால் என்ன
இப்போதும்
நிலாச்சோறு தின்ன
விருப்பம் கொள்

செய்கைகள்
எதுவாயினும்
அதில்
செயற்கை வேண்டாம்

இயற்கையின்
படைப்புகள்
ஒவ்வொன்றும்
பல நூறு
கவிதை சொல்லும்
உனக்கு
வார்த்தைகளை தந்து
வானத்தை வசமாக்கும்

மேகத்தை குடை பிடி
நட்சத்திர மழையில்
நனைந்து கொள்
நிலவினால்
துவட்டி கொள்

நிற்காத நடை
பயிலு
நில்லாமல்
ஓடி கொண்டே இரு
நீ பார்ப்பதும்
கேட்பதும் கவிதையே...

நம்மை நாமே
கவிதையின் வாயிலாய்
புதுப்பிப்போம்...


(கவிதையின் தாக்கம் எல்லோரையும் விழித்தெழ செய்யும் ...நம்மில் முழித்து கொண்டே தூங்குவோர் பலர் கண் முன் நடக்கும் கொடுமைகளை பற்றி சற்றும் கவலை இல்லாமல் ...ஒன்று பட்டால் உண்டு வாழ்வு என்பதை படிப்பதோடு சரி...நம்முடைய கவிதை தோல்வியில் துவண்டு போனவரை வெற்றியின் கரத்தில் தூக்கி நிறுத்தட்டும் ...கொடுமை எதுவாயினும் அநீதியின் வடிவம் கண்டு போராடுவோம் ...நம்முடைய ஒவ்வொரு எழுத்துகளும் மற்றவர் காயங்களின் வலியை , ஏழைகளின் இன்னல்களை வெளி உலகிற்கு பறை சாற்றட்டும் அவர்களும் வாழ்வில் உயர்வடைய உதவுவோம் ... படிப்பதொடு நின்று விடாமல் நல்ல சிந்தனைகள் தனி மனித வாழ்கையில் செயல் வடிவம்‌ பெற உதவுவோமே... )

அன்புடன் ,
சுகுமார் அர்ச்சுனன்

எங்கெங்கு காணினும் கவிதையடா
கவிதை வழி கருத்து சொல்லி கண் திறந்திடடா
கவிகொண்டு நமை நாமே புதுப்பித்து உயர்வோமடா

என்று அழகாய் சொல்லியது நன்று சுகுமார்.

நிஜமாய் நல்ல எழுத்து உங்களுடையது சுகுமார்...
வாழ்த்துகள்...

நன்றி இனியவன் மற்றும் ரா.ரா அவர்களே ... உங்களின் கருத்துக்களுக்கு மிக்க நன்றி ...
தோழமையுடன் , சுகுமார் அர்ச்சுனன் ...