மரண தண்டனை -- புதிருக்கு விடை தாருங்கள்!

by **kirikasan** Mon May 14, 2012 12:37 pm

First topic message reminder :

நீண்ட நாட்களுக்குப்பின்னர் ஒரு புதிரோடு சந்திக்க வருகிறேன். எங்கே திறமைக்கு சவால்!

ஒரு நாட்டின் அரசன் அயல்நாட்டில் படையெடுத்துக் கைப்பற்றிய கைதிகளை ஒரு சிறையில் அடைத்து வைத்திருந்தான். அந்தச் சிறையில் 20 கைதிகள் இருந்தார்கள். ஒருநாள் அரசன் அங்குவந்து கைதிகளிடம் ஒரு விநோதமான அறிவிப்பை தெரிவித்தார்.

அதாவது நாளை உங்களுக்கு விடுதலை. ஆனால் ஒரு நிபந்தனை உண்டு. உங்கள் ஒவ்வொவருக்கும் கறுப்பு அல்லது சிவப்பு நிற தொப்பி தலையில் அணிவிக்கப்படும். ஆனால் எல்லோருக்கும் தன்னுடைய தலையில் இருக்கும் தொப்பியின் நிறம் தெரியாது அணிவிக்கப்படும்.
இருந்தாலும் எல்லோரும் ஒரு வரிசையில் ஒரேதிசையில் பார்க்கும்படி நிறுத்தப்படுவீர்கள். அதனால் முன்னால் உள்ளவர்களை மட்டும் பார்க்க முடியும் , பின்னால் திரும்பிப் பார்க்க முடியாது

அதன்படி முதலில் நிற்பவர் மற்றைய 19 பேரையும் பார்க்க முடியும்

இரண்டாமவர் 18 பேரையே பார்க்கலாம். அப்படியே ஒவ்வொரு எண்ணாகக் குறைந்து செல்லும். இறுதியில் நிற்பவர் யாரையுமே பார்க்க முடியாது.

அப்போது நான் ஒவ்வொருவரையும் அழைக்கும்போது அவர் தன்னுடைய தொப்பியின் நிறம் என்னவென்பதை சரியாக உரத்துக் கூறவேண்டும். கேள்வி முதலாமவரிடமிருந்து தொடங்கி இறுதி கைதிவரையும் கேட்கப்படும்
இதில் எவர் சரியாகச் சொல்லுகிறார்களோ அவர்களுக்கு உடன் விடுதலை. வீடு செல்லலாம். பிழையாகப் பதில் இருந்தால் அவரின் தலை துண்டிக்கப்படும். மரண தண்டனை!

இடையில் யாரும் திரும்பிப் பார்த்தாலோ, யாருடனாவது உரையாடினாலோ அல்லது ‘கறுப்பு, சிவப்பு’ என்ற இரண்டில் ஒரு சொல்லைத் தவிர வேறேதாவது கூறினாலோ தலைதுண்டாவது உறுதி .நாளை காலை சந்திப்போம் என்று விட்டு சென்றுவிடுகிறான் அரசன்

ஒரு இரவு கைதிகளின் உயிருக்கு நிச்சயம்.. அந்த இரவு அனைவரும் கூடிப் பேசிக்கொள்ளச் சந்தர்ப்பம் கிடைக்கிறது. அனைவரும் சேர்ந்து ஒரு திட்டம் வகுகிறார்கள் . அதன்படி கூடியளவு உயிர்களைக் காக்க திட்டம் போடுகிறார்கள்

முடிவில் முழு கைதிகளும் தப்பவேண்டும் என்ற ஆவலில் உங்களிடம் ஆலோசனை கேட்டால் என்ன கூறுவீர்கள்?. எல்லோரையும் காப்பாற்ற முடியாவிட்டாலும் அவர்களில் எத்தனை பேரை தப்பிப் பிழைக்க வைப்பீர்கள்?
அவர்கள்போட்ட திட்டத்தை பின்னர் கூறுகிறேன்!

********************

by யினியவன் Mon May 14, 2012 7:12 pm

ஐயோ அரசே என் தலைய காவு குடுக்க நான் ரெடி - காப்பாத்துங்க கிரிகாசனிடமிருந்து ப்ளீஸ்... புன்னகை

by **kirikasan** Mon May 14, 2012 7:28 pm

இதற்கே இப்படி பயந்தா நான் ஒரு பெரீய புதிர் ஒன்றை இணையத்தளத்தில் கண்டேன் அதை போடுவதற்கு முனேற்பாடாக சும்மா வெள்ளோட்டம் விட்டுப்பார்த்தேன்.

அதிலே சிரமம் என்னவென்றால் அந்தப்புதிரே முற்றாக புரிந்துகொள்ளமுடியவில்லை அதை மொழி பெயர்ப்பதில் கொஞ்சம் சிரமம் உண்டு.இருந்தாலும் தங்களுக்காக அதை எப்படியும் படித்து படித்து புரிந்து கொண்டு இங்கு தருவேன்!!!

by யினியவன் Mon May 14, 2012 7:31 pm

மருதைக்கு வந்த சோதனை இது - ஈசா சர்வேசா சிவா எம்பெருமானே காப்பாத்துப்பா ஈகரைக்கு வந்த சோதனையை. புன்னகை

by முரளிராஜா Mon May 14, 2012 7:33 pm

கொலவெறி wrote:ஐயோ அரசே என் தலைய காவு குடுக்க நான் ரெடி - காப்பாத்துங்க கிரிகாசனிடமிருந்து ப்ளீஸ்...

அப்படியெல்லாம் நீங்க சொல்ல கூடாது எனக்கு எவ்வளவு வருத்தமா இருக்கு
ஜாலி

by யினியவன் Mon May 14, 2012 7:37 pm

முரளிராஜா wrote:அப்படியெல்லாம் நீங்க சொல்ல கூடாது எனக்கு எவ்வளவு வருத்தமா இருக்கு

கொல உயிரும் குத்து உயிருமா ஒரு ஆடு ஆட்டம் போட்டுக்கிட்டு இருக்குன்னு அப்பவே டவுட்டு - அந்த ஆட்ட கண்டு புடிச்சு ஆப்பு வெக்கத் தான இந்த பிட்ட போட்டதே - ஆடு சிக்கிடுச்சே..... புன்னகை

by **ராஜா** Mon May 14, 2012 7:39 pm

நீங்கள சொல்வது சரிதான் , நான் தவறாக புரிந்துகொண்டு விட்டேன் .

இந்த முறைப்படி குறைந்த பட்சம் 19 பேரையும் , அதிர்ஷ்டமிருந்தால் அந்த 20 ஆளும் தப்பிக்கலாம் நன்றி

by **kirikasan** Mon May 14, 2012 9:08 pm

ராஜா wrote: நீங்கள சொல்வது சரிதான் , நான் தவறாக புரிந்துகொண்டு விட்டேன் .

இந்த முறைப்படி குறைந்த பட்சம் 19 பேரையும் , அதிர்ஷ்டமிருந்தால் அந்த 20 ஆளும் தப்பிக்கலாம்