நடுத்தர வயது ஆணின் புலம்பல்கள்

புலம்பல் 1

நாற்பத்தைந்து வயதில் என்மீது பெண்களின் கவனம் குறையும்.

உங்களைப் பொறுத்தவரையில் இது உண்மையாகத் தோன்றலாம். ஆனால் அப்படி இருக்கவேண்டும் என்ற அவசியமில்லை. வேறு எப்பொழுதையும்விட இந்த வயதில் நீங்கள் மிகவும் கவர்ச்சிகரமாக காட்சியளிக்க முடியும். கவர்ச்சி குறித்த ஆண்களின் கண்ணோட்டத்திற்கும், பெண்களின் கண்ணோட்டத்திற்கும் வித்தியாசம் உண்டு. இந்த வயதில் ஆண்களின் வசீகரம் அதிகரிக்கிறது. அனுபவமும் முதிர்ச்சியும் அவர்களின் நடை, உடை, பாவனைகளில் ஏற்படுத்தும் மாற்றங்களே இதற்குக் காரணம். இந்த அம்சங்களை பெண்கள் மிகவும் விரும்புகின்றனர்.

புலம்பல் 2

45 வயதில் எனக்கு ஞாபகமறதி அதிகரிக்கத்தான் செய்யும்*

எதையாவது மறந்துவிட்டால் தங்கள் வயதை குறை கூறாதீர்கள். நாம் வாழும் காலக்கட்டத்தை குற்றம் சொல்லுங்கள். ஐநு}று சானல்களும், இணைய தளங்களும், மின்னஞ்சல்களும் எங்கும் பரவியிருக்கிற இக்காலத்தில் நமது மூளையில் தனிநபர் கணினியை விட அதிகமான தகவல்களை உள்ளிழுத்துக்கொள்ள முடியும்.

புலம்பல் 3

45 வயதில் காது சரியாக கேட்காது.

காதுகேட்பதில் சிக்கல்; இருந்தால் அதற்கு வயது காரணம் இல்லை. சுற்றுப் புறத்திலிருந்து எதிரொலிக்கும் ஓசைகளே காரணம். மின்சார ரம்பங்கள், மோட்டார் சைக்கிள்கள், புல் அறுக்கும் எந்திரங்கள், தொழிற்சாலை கருவிகள், தமிழ்ச் சினிமாவின் அதிரடி இசை இவையெல்லாம் சீர் செய்ய இயலாத பாதிப்பை ஏற்படுத்தலாம். இதில் தீபாவளி பட்டாசும் அடங்கும். அதனால் தேவையான நேரங்களில் காது அடைப்பான்களை அல்லது பஞ்சை வைத்துக்கொள்ளுங்கள்.

புலம்பல் 4

45 வயதில் கால் மூட்டுகளிலும், பிற உறுப்புகளிலும் அதிகமான வலி இருக்கும்.
மூக்கு முட்டச்சாப்பிட்டுவிட்டு எந்த வேலையும் செய்யாமல் பொழுதைக் கழித்தால் இந்த நிலை கண்டிப்பாக ஏற்படும். ஆனால் தொடர்ந்து ஆடி ஓடி வேலை செய்தால் உங்கள் நாற்பதுகளில் எந்தவித வலிகளையும் உணரமாட்டீர் கள். 53 முதல் 75 வயது வரையிலான வயதுடைய 410 ஓட்டப்பந்தய வீரர்க ளையும், 289 சராசரி மனிதர்களையும் தொடர்ந்து ஆறு ஆண்டுகளுக்கு பரிசோதித்து ஆய்வு மேற்கொண்டனர். இவ்வாய்வின் நோக்கம் நீண்டகால ஓட்டங்களால் வலிகள் அதிகரிக்கின்றனவா? என்பதுதான்.

ஆய்வின் முடிவில் அப்படி எதுவும் தெரியவில்லை. இன்னும் சொல்லப் போனால் தொடர் ஓட்டங்களினால் அவர்கள் மூட்டுகளில் ஏற்படும் அதிக அழுத்தத்தையும் மீறி சராசரி மனிதர் களைவிட ஓட்டப்பந்தய வீரர்களுக்கு குறைவான அளவே வலிகள் ஏற்படுவது தெரியவந்தது. மூட்டுகளை சுறு சுறுப்பாகவும், தசைகளை வலுவாகவும் வைத்துக்கொண்டால் இந்த வயதில் ஏற்படக்கூடிய உடலியல் பலவீனங்களை உணரமாட்டீர்கள்.

புலம்பல் 5

45 வயதில் இன்பகரமான பாலியல் உறவில் ஈடுபட முடியாது நடுத்தர வயதைச் சேர்ந்த ஆண்களின் செக்ஸ் குறித்தான கவலைகள் நிச்சயமாக மிகைப்படுத்தப் பட்டவை.

ஓர் இரவில் இரண்டு- மூன்று முறை விறைப்பு நிலையை அடையாமல் போகலாம். அதற்கு காரணம் ஒருமுறை என்றாலும் சிறப்பாக உறவுகொள்ளும் நிலையை நீங்கள் அடைந்திருப்பதுதான். பாலியல் உறவில் இப்பொழுது தான் முழுமை பெற்று இருப்பீர்கள்.