ஈடு இணையற்ற ஒரே உறவு அம்மா ! கவிஞர் இரா .இரவி

**eraeravi** · **eraeravi** Sun May 13, 2012 10:41 am

ஈடு இணையற்ற ஒரே உறவு அம்மா ! கவிஞர் இரா .இரவி

எத்தனையோ உறவுகள் உலகில் இருந்தாலும்
ஈடு இணையற்ற ஒரே உறவு அம்மா !

இந்த உலகை நமக்கு அறிமுகம் செய்த அழகு முகம்
என்றும் குழந்தைக்கு மறக்காத முகம் அம்மா !

உயிரெழுத்தில் தொடங்கி மெய்யெழுத்தில்மையமாகி
உயிர்மெய்யில் முடியும் உன்னதம் அம்மா !

குழந்தைக்கு உயிரும் மெய்யும் தந்த
குவலயத்தில் சிறந்த உறவு அம்மா !

கருவிலேயே குழந்தைக்கு திரு வழங்கிய
கருணைக் கடல் ஒப்பற்ற அம்மா !

தாய்மொழியை சேயுக்கு கருவிலேயே
தன் வயிற்றிலேயே பயிற்றுவித்தவள் அம்மா !

தன் இதயத் துடிப்பின் மூலம் கருவிலேயே குழந்தைக்கு
தனது முதல் தாலாட்டைத் தொடங்கியவள் அம்மா !

குழந்தை பிறந்து பின் அழ நேர்ந்தால் மார்போடு அணைத்து
தன் இதயத் துடிப்பை உணர்த்தி அழுகை நிறுத்திய அம்மா !

குருதியைப் பாலாக்கி வழங்கி பெற்றக்
குழந்தையின் உயிர் வளர்த்தவள் அம்மா !

தன் துன்பம் பொறுப்பாள் அவள் ஆனால்
தன் குழந்தையின் துன்பம் பொறுக்காதவள் அம்மா !

தன்னைத் தேய்த்து தன் குழந்தை வாழ்வை
தரணியில் மணக்க வைக்கும் சந்தனம் அம்மா !

தன்னை உருக்கி தன் குழந்தையின் வாழ்வை
தரணியில் ஒளிர வைக்கும் மெழுகு அம்மா !

தான் சுமந்து தன் குழந்தையை வாழ்வில்
தவிக்காமல் கரை சேர்த்தத் தோணி அம்மா !

தான் உயராவிட்டாலும் தன் குழந்தையை
தரணியில் உயர வைக்கும் ஏணி அம்மா !

உலகில் யாரை மறந்தாலும் நீங்கள்
ஒருபோதும் ஒப்பற்ற அம்மாவை மறக்காதீர்கள் !

முரளிராஜா · முரளிராஜா Sun May 13, 2012 11:07 am

தாயின் பெருமைகள் உங்கள் கவிதையில் சூப்பருங்க

**eraeravi** · **eraeravi** Sun May 13, 2012 2:44 pm

நன்றி
அன்புடன்
கவிஞர் இரா .இரவி

hega · hega Sun May 13, 2012 2:59 pm

தாய்க்குரிய பெருமையை அழகாக கவியாக்கி உள்ளீர்கள்.

நன்று. பாராட்டுகள்

**eraeravi** · **eraeravi** Sun May 13, 2012 11:03 pm

--
நன்றி
அன்புடன்
கவிஞர் இரா .இரவி

www.eraeravi.com
www.kavimalar.com
www.eraeravi.wordpress.com
www.eraeravi.blogspot.com
http://eluthu.com/user/index.php?user=eraeravi
http://en.netlog.com/rraviravi/blog
இறந்த பின்னும்
இயற்கையை ரசிக்க

கண் தானம் செய்வோம் !!!!!