எக்ஸெல் வண்ணக் கட்டமைப்பு..........

எக்ஸெல் ஒர்க் ஷீட்களில் தகவல்களைப் பிரித்துக் காட்ட, நெட்டு வரிசைகளையும், படுக்கை வரிசைகளையும் வண்ணத்தில் காட்டலாம். இவற்றை ஒரு வரிசை அடுத்து அல்லது இரண்டு, மூன்று வரிசை அடுத்து வண்ணம் தீட்டுகையில் நல்ல கலர் பேட்டர்ன் கிடைக்கும். இதற்கான பார்முலா =MOD(ROW (),interval)=0 என்றபடி அமையும். இதில் interval என்பது எத்தனை வரிசைகளுக்கு இடையே வரிசைகளை வண்ணப்படுத்தவேண்டும் என்பதைக் குறிக்கிறது. எடுத்துக்காட்டாக, அடுத்தடுத்த வரிசைகளை வண்ணமாக்க வேண்டும் எனில் இது 2 ஆக இருக்கும். ஒவ்வொரு மூன்றாவது வரிசையில் வண்ணம் அமைய வேண்டும் எனில் இது 3 ஆக இருக்கும். இந்த கட்டளையில் ROW() என்பதற்குப் பதிலாக COLUMN() என அமைத்தால் படுக்கை வரிசைக்குப் பதிலாக நெட்டுவரிசையினை அதே முறையில் வண்ணமயமாக்கலாம்.
இதிலும் மேலும் சில நுணுக்கமான விளைவுகளை ஏற்படுத்தலாம்.
1. குறிப்பிட்ட வரிசைகளை மட்டும் அமைக்கலாம் எனில், அந்த ரேஞ்ச் என்ன என்பதைத் தேர்ந்தெடுத்து அமைக்கலாம்.
2. முழு ஒர்க் ஷீட்டினையும் வண்ணம் தீட்ட வேண்டும் என எண்ணினால் Select All பட்டனைத் தேர்ந்தெடுக்க வேண்டும். அல்லது [Ctrl]+A அழுத்தவும்.
3. இதில் ஏதேனும் கண்டிஷன்களை அமைக்க வேண்டும் என விரும்பினால், பார்மட் (Format) மெனு தேர்ந்தெடுத்து அதில் Conditional Formatting என்பதைத் தேர்ந்தெடுக்க வேண்டும்.
4. இதில் கிடைக்கும் விண்டோவில் Cell value is என்பதில் உள்ள கீழ் நோக்கிய அம்புக் குறியினை அழுத்தவும். அதில் கீழாக Formula Is என்று இருக்கும். பார்முலா கண்ட்ரோலில் =MOD(COLUMN(),2)=0 என என்டர் செய்திடவும்.
5. அடுத்து பார்மட் பட்டனில் கிளிக் செய்திடவும். கிடைக்கும் விண்டோவில் பேட்டர்ன் (Patterns) டேப்பினைத் தேர்ந் தெடுக்கவும் . இதில் ஒரு வண்ணத்தினைத் தேர்ந்தெடுத்து ஓகே கிளிக் செய்திடவும்.
இதில் அமைக்கும் வேல்யூ மற்றும் வண்ணங்களை மாற்றி, மாற்றி அமைத்து அழகான பேட்டர்னை உருவாக்கலாம். உங்கள் ஒர்க்ஷீட்டில் உள்ள தகவல்களும் வேறுபட்டு காட்டப்படும்.


உங்களுக்காக வலைதளம் .........