ஓடுது பார்!

ஓடுது பார்!

ஓடுது பார் ரெயில் ஓடுது பார் !
தடதடவெனவே ஓடுது பார் !
பலரைச் சுமந்து சென்றாலும்
தளர்ச்சி சிறிதும் இல்லை பார் !

இருப்புப் பாதையை இறுகக் கவ்வி
இறுதி வரை கொண்டு சேர்க்குது பார் !
வீட்டைப் போலே வண்டிக்குள்ளே
எல்லா வசதியும் இருக்குது பார் !

காலை எழுந்தால் போதும் உடனே
காப்பி காப்பி வருகுது பார் !
ஒவ்வொரு வேளையும் இருந்த இடத்தில்
எல்லா உணவும் தருவது பார் !

இயற்கை அன்னை எழில்கள் எல்லாம்
ஜன்னல் வழியே தெரியுது பார் !
மலைகள் பறவைகள் செடிகள் கொடிகள்
பசுமையைக் காட்டி மயக்குது பார் !

தடால் தடாலென சத்தம் கேட்குது
பாலத்தின் மேலே போறோம் பார் !
சலசலவெனவே ஓடுது ஆறு
சீக்கிரம் வெளiயே எட்டிப் பார் !

குட்டிப் பாப்பா பக்கத்து சீட்டில்
எட்டிப் பார்த்து சிரிக்குது பார் !
அண்ணன் தம்பி உறவுகள் இல்லை
ஆனாலும் பொங்கும் அன்பைப் பார் !

வெளiயே தெரியும் மரங்கள் எல்லாம்
வானத்தை நோக்கி விரியுது பார் !
வயல் வெளiயெல்லாம் வாயில்லாமல்
வணக்கம் வணக்கம் சொல்லுது பார் !

அதோ பார் அங்கே அழகாய் மேட்டில்
ஆட்டுக்குட்டி மேயுது பார் !
மேமே என்று கத்தும் போது
மெலிதாய் மேனி சிலிர்க்குது பார் !

காக்கை குருவி தெரியும் நாம்
கண்டிராத பறவையும் தெரியுது பார் !
கறுப்பும் சிவப்பும் மஞ்சளும் இருக்கு
மனதைப் போட்டு மயக்குது பார் !

வீடு பள்ளi வகுப்பு தேர்வு
எல்லாம் தூரம் ஆனது பார் !
உலகம் வெளiயே விரிந்து கிடக்குது
முழுதாய் மூச்சை விட்டுப் பார் !

தூரத்தில் தெரியுது ஆலை ஒன்று
புகையை வெளiயே தள்ளுது பார் !
கிடைத்த இடத்தில் கிரிக்கெட் ஆடும்
என்னைப் போல் சில பிள்ளை பார் !
கறுப்புக் கோட்டு போட்டு வருகிறார்
டீடீஈ டிக்கெட் கேட்பது பார் !
இல்லை என்று சொன்னால் போதும்
இடையில் இறக்கி விடுவது பார் !

கார்டு மாமா கையை அசைத்தால்
உடனே வண்டி கிளம்புது பார் !
சொன்னது கேட்டால் நன்மை உண்டு
சுலபம் பயணம் சுலபம் பார் !

சுப்பு, பாலு, சங்கரி, கீதா
சீக்கிரம் வந்து வெளiயே பார் !
வாழ்க்கையெல்லாம் பறக்கும் நொடிகள்
விட்டு விடாமல் இன்றே பார் !

ஓடுது பார் ரெயில் ஓடுது பார் !
தடதடவெனவே ஓடுது பார் !
இருக்கும்போதே இன்பம் பழகு
வாழ்க்கை ஓடுது ஓடுது பார் !

* * * * *

பாப்பா பாட்டு மிக அருமை
மிக அழகாக இருக்கிறது சுப்புலட்சுமி விநாயகம் அவர்களே ,

அருமை அருமை.........

மிகவும் அருமை

முதல் வரியிலிரிந்து கடைசி வரி வரை
தங்கு தடையின்றி ஓடி ஓடி படித்து முடித்தவுடன் கூட
இன்னும் மனதினில் ஓடிக் கொண்டிருக்கும் பாப்பா பாட்டு
அருமை - சு. வி. -

///இருக்கும்போதே இன்பம் பழகு///

இந்த வரிகள் அற்புதம்...அழகு...
அருமையானப் பாப்பாப் பாட்டு...
படிக்கும்போதே நம்மையும் பொக்கைவாய்க் குழந்தையாக்கும் குழந்தைக் கவிதைக்கு வாழ்த்துகள்...

அழகு சொட்டும் பாப்பா பாட்டு. வாழ்த்துகள்

படித்தலில் எனக்கு மிகவும் பிடித்த கவிதை

நன்றி

என்னை மீண்டும் எல் கே ஜி சேர வைத்தது போல் இருக்கிறது