தினமலர் » சிறுவர் மலர் » சம்மர் ஸ்பெஷல்!

ஹாய்... ஹாய்... சுட்டீஸ்... சம்மர் வந்தாச்சு... லீவு விட்டாச்சு... சுட்டீஸ்சை அடக்க கஷ்டப்படும் பெற்றோருக்காகத்தான் இந்த சம்மர் ஸ்பெஷல் கேம்ஸ்... இதை விளையாடி மகிழுங்க குட்டீஸ்...நீங்க சிறுவர்மலர் இதழை என்ஜாய் பண்ற வரையிலாவது உங்க பெற்றோர் நிம்மதியாக இருக்கட்டுமே! என்ஜாய்!

நாலு கால்-ஒரு உடம்பு

ஒரு குட்டி நாய்க்குட்டி. அதற்கு நான்கு கால்கள். இது இணைந்த ஒரு உடம்பு உண்டு. அதுபோல இங்கே நாலு வாக்கியங்கள் தரப்படும். அதில், பொதுவான ஒரு விஷயம் உண்டு. அதை கண்டுபிடிங்க பார்ப்போம்.

சுனாமியை பிடிக்காது!

* ப்ரியாவிற்கு வானத்தின் வண்ணம் பிடிக்கும்; ஆனால், மேகங்களின் வண்ணம் பிடிக்காது.

* கடலின் வண்ணம் ப்ரியாவிற்கு மிக பிடிக்கும்; ஆனால், கடலில் வரும் சுனாமி அலையை பிடிக்காது.

* நமது தேசிய பறவை மயிலின் உடலில் ப்ரியாவிற்கு பிடித்தது கழுத்து. காரணம் அதன் வண்ணம்.

* ப்ரியாவிற்கு ஸபையர் கற்களை தான் பிடிக்கும். அதுவும் நீல வண்ணம் அவளை ஈர்க்கும்.

ப்ரியாவிற்கு பிடித்தது என்னவாக இருக்கும்?


பழம் நீயம்மா ஞான பழம் நீயம்மா!

* கவுசல்யாவிற்கு ஸ்ட்ராபெர்ரி ரொம்ப பிடிக்கும்; ஆனால், ஆப்பிள் பிடிக்காது.

* கவுசல்யாவிற்கு வாழைப்பழம் ரொம்ப பிடிக்கும்; ஆனால், ஆரஞ்சு பிடிக்காது.

* அவளுக்கு கொய்யா பிடிக்காது.

* அவளுக்கு பைனாப்பிள் பிடிக்கும்; செர்ரி பிடிக்காது.

கவுசல்யாவிற்கு பிடித்ததை நீங்க சொல்லுங்க குட்டீஸ்...!



முத்தே முத்தம்மா....

* முத்தரசிக்கு ஜூஸ் என்றால் அண்டா கூட குடிப்பாள். ஆனால், காப்பி பிடிக்காது.

* முத்தரசிக்கு கோலா பிடிக்கும். ஆனால், டீ பிடிக்காது.

* அவளுக்கு பழ ஜூஸ்கள் பிடிக்கும்.

* அவளுக்கு ஜூரத்தின் போது கூட ஜில் தண்ணி தான் குடிக்க பிடிக்கும். சுடு தண்ணி பிடிக்காது.

முத்தரசிக்கு பிடித்ததை கண்டுபிடிச்சிட்டீங்களா குட்டீஸ்...



சுவீட்டி தேவதைக்கு பிடிச்சது!

* சுவீட்டிக்கு மோதிரங்கள் பிடிக்கும்; நெக்லஸ் பிடிக்காது.

* அவளுக்கு வளையல்கள் பிடிக்கும்; ஹேர்கிளிப் பிடிக்காது.

* சுவீட்டிக்கு கார் சக்கரம் பிடிக்கும்; கார் விடும் புகை பிடிக்காது.

* சுவீட்டிக்கு முழு நிலாவைதான் பிடிக்கும்; பாதி நிலா பிடிக்காது.

அப்படின்னா சுவீட்டி தேவதைக்கு என்னதான் பிடிக்கும்?



மீன் தட்ல வேண்டாம்!

* அர்ச்சனாவிற்கு அச்சு வெல்லம் பிடிக்கும்; அயிர மீனை பிடிக்காது.

* அர்ச்சனாவிற்கு மாங்காய் பிடிக்கும்; கறி பிடிக்காது.

* அவளுக்கு காய்கறிகள் போட்ட ப்ரிஞ்சி பிடிக்கும்; "கறி' சேர்த்த பிரியாணி பிடிக்காது.

* அவளுக்கு ஆம்பூர் அல்வா பிடிக்கும்; ஆம்பூர் ஆட்டுக்கறி பிடிக்காது.

அர்ச்சனாவிற்கு பிடித்ததை நீங்கதான் சொல்ல வேண்டும்.



என்ன குட்டீஸ்... யார் யாருக்கு என்ன பிடிக்கும் என கண்டுபிடிச்சிட்டீங்களா?



சம்மர் ஸ்பெஷல் விடைகள்:

1. நீலவண்ணம்.

2. விதையில்லா கனிகள்.

3. குளிர் பானங்கள்.

4. வட்ட வடிவம்.

5.சைவ உணவுகள்.