சோற்றுநீர் எனப்படும் நீராகாரம்..!

by இரா.பகவதி Mon May 07, 2012 11:25 pm

"ஆற்றுநீர் வாதம் போக்கும்
அருவிநீர் பித்தம் போக்கும்
சோற்றுநீர் இரண்டையும் போக்கும்"

கிராம மக்களின் தினசரி உணவாகவும், காலைநேர பானமாகவும் தொன்று தொட்டு காலை பழக்கத்தில் இன்றுவரை தொடரும் அன்றாட ஆரோக்கிய பானம் நீராகாரம். முதல்நாள் இரவில் 2 பிடி சோற்றினை ஒரு பாத்திரத்தில் போட்டு 2 குவளை சுத்தமான தண்ணீர் விட்டு மூடி வைக்க வேண்டும். காலையில் எழுந்ததும் அதில் தேவையான அளவு கல்லுப்பு சேர்த்து சிறிய வெங்காயம் 3 நறுக்கிப் போட்டுக் கரைத்து அப்போதே சாப்பிட வேண்டும். உச்சிப் பொழுதில் பச்சைநிற வயல் வெளியில் புங்கமர நிழலில் இதே நீராகாரத்தை மாங்காய் ஊறுகாயுடன் அல்லது பூண்டு + வெங்காயம் சேர்ந்த வத்தக்குழம்புடன் தொட்டுத் தொட்டு சுவைத்துப் பருகினால் ஆஹா...! எழுதும்போதே நாவில் உமிழ்நீர் அருவியாக சுரக்கின்றதே....

இப்படி கோடைக்காலம் முழுதும் தினசரி ஒரு வேளையாவது சோற்றுநீரை (நீராகாரத்தை) 2 குவளை பருகினால் என்ன நிகழும்? ஒரு பழமொழி பதில் சொல்கிறது.

ஆற்றுநீர் வாதம் போக்கும்

அருவிநீர் பித்தம் போக்கும்

சோற்றுநீர் இரண்டையும் போக்கும்

ஆமாங்க! ஆறும், அருவியும் இல்லாத ஊரில் உள்ள மக்களுக்கு வரப்பிரசாதமாக அமைந்ததுதான் சோற்றுநீர். இதனால் வாத நோய்களான பக்கவாதம் கைகால் அசதி, முடக்குவாதம் மற்றும் பித்த நோய்களான வயிற்றுப்புண், இரத்த மூலம், சரும நோய்கள் வராது தடுக்கும். அத்துடன் கோடைக்கால பாதிப்புகளான வயிற்றுவலி, சருமத்தில் தோன்றும் வேனல் கட்டி, வேர்க்குரு, தேக அனல் ஆகியன வராது காக்கும். சோற்றுநீர் அருமையை உணர்ந்த மேல்நாட்டு விஞ்ஞானி ஒருவர் அதனை சோதனைச் சாலையில் ஆராய்ந்து பிஎச்.டி. பட்டம் பெற்றுள்ளார் என்பது சோற்றுநீரின் அருமைக்குக் கிடைத்த அண்மைக்கால பெருமை!

நன்றி: இனியவன்

by யினியவன் Mon May 07, 2012 11:30 pm

இரா.பகவதி wrote:
"ஆற்றுநீர் வாதம் போக்கும்
அருவிநீர் பித்தம் போக்கும்
சோற்றுநீர் இரண்டையும் போக்கும்"

சோற்றுநீர் அருமையை உணர்ந்த மேல்நாட்டு விஞ்ஞானி ஒருவர் அதனை சோதனைச் சாலையில் ஆராய்ந்து பிஎச்.டி. பட்டம் பெற்றுள்ளார் என்பது சோற்றுநீரின் அருமைக்குக் கிடைத்த அண்மைக்கால பெருமை!

நன்றி: இனியவன்

அருமையான பகிர்வு பகவதி.

நம்ம ஆளுங்க சொன்னத நாம கேட்க மாட்டோம்.

எனவே இப்ப மேலை நாட்டு அறிஞர் சொன்னதாலையாவது கேட்போம்.

அப்புறம் இது வேறு இனியவன் - நான் இல்ல.

by அசுரன் Mon May 07, 2012 11:33 pm

இது நம்ம பேவரிட் ஐட்டம் ஆச்சே!

by இரா.பகவதி Mon May 07, 2012 11:48 pm

அசுரன் அண்ணா எனக்கும் இது தான்

by அசுரன் Mon May 07, 2012 11:50 pm

இரா.பகவதி wrote:

அசுரன் அண்ணா எனக்கும் இது தான்

ஒரு முறை சாரணர் கேம்ப் போகும்போது ஒரு பாட்டில் நிறைய இதை நிரப்பிக்கொண்டு சென்றேன். அருமையாக இருந்தது.

by யினியவன் Mon May 07, 2012 11:52 pm

அசுரன் wrote:ஒரு முறை சாரணர் கேம்ப் போகும்போது ஒரு பாட்டில் நிறைய இதை நிரப்பிக்கொண்டு சென்றேன். அருமையாக இருந்தது.

பாட்டில் மாறி இருக்குமோ?
நமக்கு எங்க இதெல்லாம் விளங்குது. புன்னகை

by அசுரன் Mon May 07, 2012 11:54 pm

கொலவெறி wrote:
அசுரன் wrote:ஒரு முறை சாரணர் கேம்ப் போகும்போது ஒரு பாட்டில் நிறைய இதை நிரப்பிக்கொண்டு சென்றேன். அருமையாக இருந்தது.
பாட்டில் மாறி இருக்குமோ?
நமக்கு எங்க இதெல்லாம் விளங்குது.

குரு அந்த பாட்டில் இதொட மிக்ஸ் ஆகாது. ஜாலி

by யினியவன் Tue May 08, 2012 12:00 am

அசுரன் wrote:குரு அந்த பாட்டில் இதொட மிக்ஸ் ஆகாது.

அத நீங்க சொன்னா நம்ப மாட்டேன்
ராஜாவும் பாலாஜியும் சொன்னா தான் நம்புவேன்.

அப்புறம் குடிக்கப் பிறந்தவர்களுக்கு அவமானமா போயிடும். புன்னகை

by அசுரன் Tue May 08, 2012 12:07 am

கொலவெறி wrote:
அசுரன் wrote:குரு அந்த பாட்டில் இதொட மிக்ஸ் ஆகாது.
அத நீங்க சொன்னா நம்ப மாட்டேன்
ராஜாவும் பாலாஜியும் சொன்னா தான் நம்புவேன்.

அப்புறம் குடிக்கப் பிறந்தவர்களுக்கு அவமானமா போயிடும்.

ஓகே அது வேற செட்டா சரி நான் தலையிடலப்பா ! நக்கல் நாயகம்