thaniththe irukkirom naam.

by **rameshnaga** Sat May 05, 2012 8:40 pm

ஒரு யாத்திரை என நீண்டு விடுகிறது....
நானும், நீயும்
ஒருவரை ஒருவர் கடப்பதற்கான
இந்த வாழ்க்கையின் சிறு தொலைவு.
நாம்-
கனவுகளால் கடக்கத் துவங்குகிறோம்..
நமக்கான தூரங்களை.
ஒரு நான்காம் பரிமாணத்தில்
நம் விரல் சேர்க்க நாம் செய்யும் முயற்சிகள்...
கேலியாகிவிடுகிறது....
ஆரத் தழுவியிருக்கும் நமது நிழல்களுக்கு.

எப்போதும்-
தவிர்க்க இயலாத ஒரு சுவர்க்கத்தில்
தனித்தே இருக்கிறோம் நாம்.