"நெளிந்தே செல்கிறது வாழ்க்கை...."

by **rameshnaga** Fri May 04, 2012 1:19 pm

நேர்பாதைதான்.....
என்றாலும்
நெளிந்தே செல்கிறது புழு.
******************************************
ஆயிரம் கால்கள்.....
எந்தக் கனவைச் சுமந்து செல்கின்றன?...
இத்தனை கால்கள்.
*****************************************************
வண்ண வண்ண விளக்குகள்...
ஒரே நிறத்தில்.
மின் வெட்டுக் காலம்.
*****************************************************
அசை போடும் பசு.....
பற்களுக்குள் அரை படுகிறது
அடி வாங்கிய வலி.
*********************************************************
"வாழ்க்கை வாழ்வதற்கே"
எங்கேயோ படித்தது....
ஏட்டுச் சுரைக்காய்.
**********************************************************
அடிக்கடி தொலைந்து விடுகிறேன்....
மீட்டெடுக்கிறது
ஒரு நல்ல கவிதையின் வரி.
***********************************************************