சத்தீஸ்கர்: கலெக்டர் அலெக்ஸ் மேனன் விடுவிக்கப்பட்டார்!

**பிரசன்னா** · **பிரசன்னா** Thu 3 May 2012 - 17:07

ராய்பூர்:சத்தீஸ்கர் மாநிலத்தில்,மாவோயிஸ்டுகளால் கடத்தப்பட்ட மாவட்ட ஆட்சியர் அலெக்ஸ் பால்மேனன் விடுவிக்கப்பட்டுள்ளார்.

சத்தீஸ்கர் மாநிலத்தின் சுக்மா மாவட்ட கலெக்டரான அலெக்ஸ் பால்மேனன், கடந்த 21-ம் தேதி மாவோயிஸ்டுகளால் கடத்திச் செல்லப்பட்டார்.

அவரை விடுவிக்க வேண்டுமானால்,சிறையில் உள்ள 17 மாவோயிஸ்டுகளை விடுதலை செய்ய வேண்டும்;மாவோயிஸ்டு தேடுதல் வேட்டையை நிறுத்த வேண்டும்; பழங்குடியினர் மீதான வழக்குகளை வாபஸ்பெற வேண்டும் என்று மாவோயிஸ்டுகள் நிபந்தனை விதித்தனர்.

இதனைத் தொடர்ந்து அரசு தரப்புக்கும்,மாவோயிஸ்டுகள் தரப்புக்கும் இடையே
நடைபெற்ற நான்கு சுற்று பேச்சுவார்த்தையில் உடன்பாடு ஏற்பட்டது.இதனையடுத்து மேனன் மே 3ம் தேதியன்று, அதாவது இன்று விடுவிப்பதாக ஊடகங்களுக்கு அனுப்பியுள்ள குறுந்தகவ்லில் மாவோயிஸ்டுகள் தெரிவித்திருந்தனர்.

தாட்மேட்லா பகுதியில் ஆட்சியரை ஒப்படைக்கப் போவதாக மாவோயிஸ்டுகள் அறிவித்திருந்ததால்,மாவோயிஸ்டுகள் சார்பில் அரசுடன் பேச்சு நடத்திய மத்தியஸ்தர்கள் பி.டி. சர்மா, பேராசிரியர் ஹர்கோபால் ஆகியோர்,மேனனை அழைத்து வருவதற்காக தாட்மேட்லா வனப்பகுதிக்கு இன்று காலை புறப்பட்டு சென்றனர்.

இந்நிலையில், ,மாலை 3 மணி அளவில் அலெக்ஸ் பால்மேனனை மாவோயிஸ்டுகள் விடுவித்ததாக தகவல்கள் தெரிவிக்கின்றன.

பால்மேனன் விடுவிக்கப்பட்டது குறித்து அவரது மனைவி மற்றும் பெற்றோர்கள்,உறவினர்கள் மகிழ்ச்சி தெரிவித்துள்ளனர்.

விகடன்.com