அகந்தை கொள் ஆனால் ஆணவம் கொல்

**சிவா** · **சிவா** Mon Oct 05, 2009 9:56 pm

என்ன நண்பனே,
ஏன் மகுடம் கழற்றுகிறாய்?
இன்னும் யுத்தம் முடியவில்லை...

சிரச்சேதம்கூட நிகழலாம்
சிந்தைக்குதான் சேதம் நேரக்கூடாது
மறைக்குதான் மரணம் சம்பவிக்கக் கூடாது.

கவலைப்படாதே நண்பா...
எத்தவறும் காலப்போக்கில் சரியாகும்
எச்சரியும் காலப்போக்கில் தவறாகும்.

சதை தொடுவதிலும்
உதை படுவதிலும் அல்ல
வதை வெல்வதில்தான் உள்ளது
வாழ்க்கை!

இன்று அவர்கள்
வென்றிருக்கலாம்...
நன்றிகூறு அவர்களுக்கு
வாழ்த்தோடு சேர்த்து
உனது நிரந்தர வெற்றிக்கு வெறியுடன்
உழைக்க உத்வேகம் கொடுத்ததற்கு!

தெரிந்து கொள்
தோல்விக்குப்பின் பெறும்
வெற்றிக்குத்தான் அதிக சுவையுண்டு.

அவநம்பிக்கை கொள்ளாதே
உன்னை நீ நம்பாவிடில்
ஊர்மட்டும் நம்புமா?
உன்மேல் உனக்கு நம்பிக்கையிருந்தால்
ஊர் நம்பாததைப்பற்றி கவலை
உனக்கெதற்கு?

தன்னம்பிக்கையானது
உன் திறமை
உனக்கு சூட்டும்
கர்வ கிரீடம்!

முட்டி முட்டி பாறையைப் பிளந்தால்தான்
நீ விதை
முயலாமல் இருந்தால் நீ மூச்சுமட்டும் விடும் சதை!

கர்வம் கொள் உன் திறமை மீது.

அகந்தை கொள்
ஆனால்
ஆணவம் கொல்.

அகந்தையின் கர்பத்தில் அவதரி
ஆணவத்தை கல்லறைக்குள் அவிழ்த்தெறி.

மற்றவன் திறமையை மட்டம் தட்டாதே
ஆனால் விமர்சனம் செய்!
உன் திறமையை உயர்த்திப் பேசு
ஆனால் குற்றமிருப்பின் ஏற்றுக்கொள்!

தற்பெருமை கொண்டவனென ஏசும்
திட்டி திட்டியே பழகிய இந்த
திமிர்பிடித்த சமுதாயம்!

சமுதாயத்தை நீ திருப்பித் திட்டு
முதலில் அலட்சியத்துடன் பார்க்கும்
பின் அச்சத்துடன்
பின் அர்த்தத்துடன்
கடைசியில்
சமரசம் பேச வரும்
சாமரம் வீச வரும்.

பின் உலகம் உன்னை நம்பட்டும்
தாமதமாய் உன்னை தரிசித்ததற்காக
வெற்றி வெம்பட்டும்!

முடியும் என்பது
எல்லோராலும் முடியும்
முடிப்பது மட்டும்
உன்னால்தான் முடியும்.

ஆகையினால்
அகந்தை கொள்
ஆனால்
ஆணவம் கொல்.

- பா நந்தன்

மீனு · மீனு Mon Oct 05, 2009 10:00 pm

wowwwwwwwwwwwww ..super thimingss...
ரொம்ப அருமையான ,சிந்திக்க வைக்கும் அறிவுரை சொல்லும் அருமையான கவிதை அண்ணா..நன்றிகள்....

முடியும் என்பது
எல்லோராலும் முடியும்
முடிப்பது மட்டும்
உன்னால்தான் முடியும்.

ஆகையினால்
அகந்தை கொள்
ஆனால்
ஆணவம் கொல்

அகந்தை கொள் ஆனால் ஆணவம் கொல்

அகந்தை கொள் ஆனால் ஆணவம் கொல்

Re: அகந்தை கொள் ஆனால் ஆணவம் கொல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக