கோதாபய, பசில் ஆகியோருக்கிடையில் தொடரும் பனிப்போர் – மோதலாக வெடிக்கும் நிலை

eelamaran · eelamaran Thu May 03, 2012 3:23 pm

கோதாபய ராஜபக்‌ஷ, பசில் ராஜபக்‌ஷ ஆகியோரிடையே இருந்துவந்த பனிப்போர் தற்போது மோதலாக வெடிக்கும் நிலை உருவாகியுள்ளதென மிகவும் நம்பகரமான தகவல் மூலம் தெரியவந்துள்ளது.

பசில் ராஜபக்‌ஷ அமைச்சர் மேர்வின் சில்வாவிற்கு பகிரங்க ஆதரவு வழங்கி வரும் நிலையில், கோதாபய ராஜபக்‌ஷ அமைச்சர் மேர்வின் சில்வாவிற்கெதிராக நடவடிக்கை மேற்கொண்டு வருகிறார். இதற்காக களனி பிரதேச சபை உறுப்பினர்களை பாதுகாப்புச் செயலாளர் பயன்படுத்தி வருகிறார்.

இந்தப் பனிப் போர் தற்போது ராஜபக்‌ஷ சகோதரரிடையே மோதலாக வெடிக்கும் நிலை உருவாகியுள்ளது.

களனி தொகுதி அமைப்பாளராக அமைச்சர் மேர்வின் சில்வாவைத் தவிர வேறொவரையும் நியமிக்கக் கூடாது என்ற நிலைப்பாட்டில் பசில் ராஜபக்‌ஷ உறுதியாக இருந்து வருகிறார்.

கடந்த வாரம் களனி, கம்பஹா, நீர்கொழும்பு ஆகிய நகரங்களிலுள்ள சட்டவிரோதக் கட்டிடங்களை அகற்றுவதற்கு கோதாபய ராஜபக்‌ஷ நடவடிக்கை எடுத்துள்ளார். எனினும், இதற்கு கட்சியின் மாவட்ட தலைமை எம்.பி. என்ற வகையில் பசில் ராஜபக்‌ஷ கடுமையான எதிர்ப்பை வெளியிட்டுள்ளார். இதனால் கோதாபய தனது முயற்சியைக் கைவிட்டுள்ளார்.

மேர்வின் சில்வா, நீர்கொழும்பு அரசியல்வாதி நிமல் லங்சா ஆகியோரை மட்டுப்படுத்துவதற்கே கோதபாய ராஜபக்‌ஷ இந்த செயல்திட்டத்தை முன்னெடுத்திருந்தார். இவர்கள் இருவரும் அமைச்சர் பசில் ராஜபக்‌ஷவின் நெருக்கிய சகாக்கள் என்பது சுட்டிக்காட்டத்தக்கது.

http://thaaitamil.com/?p=17880

கோதாபய, பசில் ஆகியோருக்கிடையில் தொடரும் பனிப்போர் – மோதலாக வெடிக்கும் நிலை

கோதாபய, பசில் ஆகியோருக்கிடையில் தொடரும் பனிப்போர் – மோதலாக வெடிக்கும் நிலை

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக