தமிழ்நாட்டில் வெயில் மேலும் அதிகரிக்கும், சென்னை வானிலை ஆய்வு மையம் தகவல்

**சிவா** · **சிவா** Wed May 02, 2012 11:56 am

தமிழகத்தில் அடுத்த 2 மாதங்கள் வெயிலின் அளவு மேலும் அதிகரிக்கும் என்று சென்னை வானிலை ஆய்வு மையம் தெரிவித்துள்ளது.

இது தொடர்பாக, சென்னை வானிலை ஆய்வு மைய இயக்குனர்களில் ஒருவரான எஸ்.ஆர்.ரமணன் சென்னையில் நேற்று நிருபர்களுக்கு அளித்த பேட்டியில் கூறியதாவது:-

அதிக வெயில் ஏன்?

வானிலை ஆய்வாளர்களை பொறுத்தவரை 104 டிகிரி அளவுக்கு வெயில் இருந்தால் அதை வெப்பநாள் என்று குறிப்பிடுவோம். அதற்கு குறைவாக இருந்தால், அதை வெப்பநாள் என்று கூறுவது இல்லை.

சூரியனில் இருந்து பூமியை நோக்கி சிற்றலை, நீண்ட அலை என்று 2 அலை கதிர்கள் வருகின்றன. சூரியனில் இருந்து வரும் சிற்றலை காரணமாக பூமி அதிகம் வெப்பமடைவதில்லை. சிற்றலையானது பூமியில் உள்ள உயர்ந்த இடங்களை தாக்குகிறது. அதனால்தான், ஊட்டி, கொடைக்கானல் போன்ற கோடை வாசஸ்தலங்கள் அதிக வெப்பமாக இருப்பதில்லை. ஆனால், தாழ்வான பகுதிகளை சூரியனில் இருந்து வரும் நீண்ட அலை கதிர்கள் தாக்குகின்றன. அதனால்தான், தாழ்வான பகுதிகள் அதிக வெப்பமாக இருக்கின்றன.

கடற்காற்று வீசினால்...

தமிழகத்தில் இந்த மாதம் (மே) 97.52 டிகிரி அளவுக்கு வெயில் இருக்கும். ஜுன் மாதம் 97.88 டிகிரியாகவும், ஜுலை மாதம் 98.06 டிகிரியாகவும் வெயில் அதிகரிக்கும். ஆகஸ்டு மாதம் 93.02 டிகிரியாக வெயில் குறையும். இந்த 4 மாதங்களிலும் காலை 10.30 மணிக்கு முன்பாக கடற்காற்று வீசத் தொடங்கினால், அல்லது இடியுடன் மழை பெய்தால் வெயில் அளவு இயல்பு நிலையில் இருக்கும். கடற்காற்று வீச தாமதமானால் வெப்பம் அதிகரிக்கும்.

இவ்வாறு அவர் கூறினார்.

கடந்த ஆண்டுகளில் பதிவான வெயில் அளவு விவரம்

தமிழகத்தில் 2003-ம் ஆண்டு முதல் அதிகம் பதிவான வெயில் அளவு விவரம் வருமாறு:-

2003 - 113 டிகிரி

2004 - 102.74 டிகிரி

2005 - 106.34 டிகிரி

2006 - 107.24 டிகிரி

2007 - 109.40 டிகிரி

2008 - 107.78 டிகிரி

2009 -105.98 டிகிரி

2010 - 105.62 டிகிரி

2011 - 107.06 டிகிரி

தினத்தந்தி

யினியவன் · யினியவன் Wed May 02, 2012 12:11 pm

அம்மாவின் அறிக்கை வரும் - நம் கழக ஆட்சியினால் தான் மக்கள் வாழ்க்கை தரம், நிம்மதி, சந்தோஷம் எல்லாமே உயருகிறது என்று - இந்த வெட்ப உயர்வே அதன் சாட்சி என்று.

தமிழ்நாட்டில் வெயில் மேலும் அதிகரிக்கும், சென்னை வானிலை ஆய்வு மையம் தகவல்

தமிழ்நாட்டில் வெயில் மேலும் அதிகரிக்கும், சென்னை வானிலை ஆய்வு மையம் தகவல்

Re: தமிழ்நாட்டில் வெயில் மேலும் அதிகரிக்கும், சென்னை வானிலை ஆய்வு மையம் தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக