விஷம் குடித்தவரை காப்பாற்றிய போலீஸ்காரர்

by **கே. பாலா** Tue May 01, 2012 9:13 pm

திண்டுக்கல் :விஷம் குடித்து மயங்கியவரை மருத்துவமனை தூக்கிச்சென்ற போலீஸ்காரர், டாக்டர்கள் இல்லாததால், முதலுதவி சிகிச்சை அளித்து காப்பாற்றினார்.

திண்டுக்கல் வடக்கு ஸ்டேஷன் போலீஸ்காரர் ஜெகசாமி. ஏப்., 29 ல், பஸ் ஸ்டாண்ட் அவுட் போஸ்டில் பணியில் இருந்தார். பழநி நெய்கார பட்டியை சேர்ந்த ரவி, 42, என்பவர், பொதுக் கழிப்பறையில் விஷம் குடித்து மயங்கி கிடப்பதாக தகவல் கிடைத்தது. உதவிக்கு யாரும் இல்லாததால், ரவியை மொபட்டின் முன்பக்கம் வைத்து, ஜெகசாமி அரசு மருத்துவமனை கொண்டு சென்றார். உணவு இடைவேளையில் டாக்டர்கள் இல்லை. துப்புரவு பணியாளர் உதவியுடன், ரவியின் வாய்க்குள் "டியூப்' செலுத்தி வாந்தி எடுக்க வைத்தார். அதற்குபின், டாக்டர் வந்து சிகிச்சை அளித்தார். "தாமதம் இன்றி முதலுதவி அளித்ததால், ரவி பிழைத்தார்,' என, டாக்டர் தெரிவித்தார். ரவியின் குடும்பத்தினர் போலீஸ்காரர் ஜெகசாமிக்கு, நெகிழ்ச்சியுடன் நன்றி தெரிவித்தனர்.

தினமலர்

by யினியவன் Tue May 01, 2012 9:19 pm

ஜெகசாமியின் செய்கை பாராட்டுக் கூறியது.

by முரளிராஜா Tue May 01, 2012 9:35 pm

கொலவெறி wrote:ஜெகசாமியின் செய்கை பாராட்டுக் கூறியது.

அப்படியே இவரையும் ...........................................
விளாத்திகுளத்தில் ஓடு்ம் பேருந்தில் மாணவியிடம் அத்துமீறிய போலீஸ்காரர்
//- இதை தனி பதிவாக போடவும் -//

by யினியவன் Tue May 01, 2012 9:59 pm

அப்படியும் சிலர் - இப்படியும் பலர் - என்ன பன்றது முரளி?

by சிங்கம் Tue May 01, 2012 10:22 pm

நல்ல செய்திகள் இங்கொன்றும் அங்கொன்றுமாகத்தான் தெரிகிறது, கெட்ட செய்திகள் உலகம் முழுவதும் தெரிகிறது அதுவும் உடனே ! இதிலிருந்து நீங்கள் நம்மவர்களை பற்றி என்ன நினைக்கிறீர்கள் ?

by **கே. பாலா** Wed May 02, 2012 8:16 am

எப்போதாவது வரும் நல்ல செய்திகளை வெளிச்சம் போட்டு காட்டினால்தானே....மனதுக்கு கொஞ்சம் இதமாக இருக்கும் ....ஜெகசாமி போன்றவர்கள் வரவேண்டும் இன்னும் அதிகமாக!