டர்ட்டி பிக்சர்ஸ் ரீமேக்! கன்னடத்திற்கு நோ! தமிழுக்கு எஸ் சொன்ன நிகிதா!!

இந்தியில் சக்கபோடு போட்ட டர்ட்டி பிக்சர்ஸ் ரீ-மேக்கில் கன்னடத்திற்கு நோ சொன்ன நிகிதா, தமிழில் நடிக்க ஓ.கே., சொல்லிவிட்டார். சில்க் ஸ்மிதாவின் வாழ்க்கையை மையமாக வைத்து வித்யாபாலன் நடிப்பில் சமீபத்தில் இந்தியில் வெளியான படம் தி டர்ட்டி பிக்சர்ஸ். பல்வேறு தரப்பினரின் எதிர்ப்புக்கு மத்தியில் வெளியான இப்படம் சூப்பர் ஹிட்டாகி, வித்யாபாலனுக்கு தேசிய விருது பெற்று தந்தது.

இந்தியில் இப்படம் செம வரவேற்பை பெற்றதையடுத்து இப்படத்தை தமிழ், தெலுங்கு, கன்னடம் போன்றவற்றிலும் ரீ-மேக் செய்ய ஆயத்தமாகி வருகின்றனர். அதில் முதலில் ரீ-மேக்கிற்கு ஆயத்தமாகி இருப்பது கன்னட சினிமா. இப்படத்தில் வித்யாபாலன் ‌ரோலில் நடிக்க ஆரம்பத்தில் நடிகை நிகிதா மற்றும் பூஜா காந்தி ஆகியோரிடம் அணுகினர். ஆனால் அவர்கள் முடியாது என்று மறுத்துவிட்டனர்.இதனையடுத்து பாகிஸ்தானின் சர்ச்சை நடிகை வீணா மாலிக் இப்படத்தில் நடிக்க ஒப்பந்தமாகி இருக்கிறார்.

கன்னடத்தில் நடிக்க மறுத்தது ஏன்? என்பது குறித்து நிகிதா கூறியுள்ளதாவது, இது சில்க் ஸ்மிதாவின் வாழ்க்கை வரலாறாக இருந்தால் நிச்சயம் நான் ஒப்புக் கொண்டிருப்பேன். ஆனால் இது டர்ட்டி பிக்சர்ஸ் படத்தின் கதையே இல்லை. ஒரு விபச்சாரியின் கதையாக உள்ளது. இதில் நான் நடித்தால் அது சில்க்கையும், கன்னட மக்களையும் அவமானப்படுத்தும் செயலாகும் என்பதால் நடிக்கவில்லை என்று கூறியுள்ளார்.

இந்நிலையில் கன்னடத்தில் நடிக்க மறுத்த நிகிதா இப்போது தமிழில் நடிக்க ஓ.கே. சொல்லி இருக்கிறார். சில்க் ஸ்மிதா தமிழில்தான் பிரபலமானார். தமிழ் நடிகையாகவே இருந்தவர் அவர். எனவே தமிழ் ரீமேக்கில் நிகிதா நடிக்க ஆர்வமாய் இருப்பதாகவும், மேலும் தமிழில் அதிக கவர்ச்சி இருக்காது என்பதால் தமிழில் நடிக்க ஓ.கே. சொல்லியிருக்கிறார் என்று கூறப்படுகிறது.

தினமலர்

அதிக கவர்ச்சி இல்லேன்னா ஜொள்ளு ஊத்தாம படம் ஊத்திக்குமே?