நன்மை விளையும் நமக்கு !!

by **பிஜிராமன்** Tue May 01, 2012 8:30 am

வட்டமாக சுட்டெடுத்த வெண்மையான அப்பத்தை
தட்டத்தில் வைத்தடுக்கி தாயவள்தூக் கிச்சென்று
சுட்டெரிக்கும் நண்பகலில் சுற்றிசுற்றி விற்பது
துட்டிற்கு மட்டுமல்ல தூக்கினை தன்குடும்பம்
தொட்டிடாதி ருக்கவுந்த் தான்

பஞ்சுமிட்டாய் தோழதன் பக்கமாய் தொங்கவிட்டு
கொஞ்சம் பணம்வரினும் கொள்கையை மாற்றாது
நெஞ்சில் உறுதியுடன் நீண்ட பயணமிட்டு
பிஞ்சுகளின் கைகளை புத்தகம் தாங்கசெய்ய
மிஞ்சும் பணத்தை முழுதாக பாதுகாத்து
விஞ்சும் உழைப்பாளன் வாழ்

நன்னீரும் காற்றும் நினைவில் இருந்திட்டால்
நன்மை விளையும் நமக்கு

by மகா பிரபு Tue May 01, 2012 8:35 am

நேர்மை இருந்துவிட்டால் யாவருக்குமில்லை தீது
என்ற உண்மையை கவியால் படைத்தவனே
நம்மை போன்ற பிள்ளை இருந்தால்
ஆப்பம் நமக்கே போதாதே.. - பிறகெப்படி
தாயவள் பிழைப்பது..

by யினியவன் Tue May 01, 2012 8:54 am

தூக்கினை தவிர்
துட்டினை ஈட்டு
படிப்பினை கொடு
என்ற படிப்பினை கவிதை
ஆப்பம் போலவே நன்று ராமன்.

by **பிஜிராமன்** Tue May 01, 2012 9:08 am

மகா பிரபு wrote:நேர்மை இருந்துவிட்டால் யாவருக்குமில்லை தீது
என்ற உண்மையை கவியால் படைத்தவனே
நம்மை போன்ற பிள்ளை இருந்தால்
ஆப்பம் நமக்கே போதாதே.. - பிறகெப்படி
தாயவள் பிழைப்பது..

அதுவும் உண்மை தான் அண்ணா....ஆனால், என்ன தான் கஷ்டத்தில் இருந்தாலும் தாய், முதலில் மகனை திருப்தி செய்து விட்டு தானே, விற்கவே செய்கிறாள்...

மிக்க நன்றிகள் அண்ணா புன்னகை