Latest topics

ஈழ ஏதிலிகள் இலங்கையிலேயே கௌரவமாக வாழவைக்கப்பட வேண்டும் – பாரதீய ஜனதா கட்சி

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1

ஈழ ஏதிலிகள் இலங்கையிலேயே கௌரவமாக வாழவைக்கப்பட வேண்டும் – பாரதீய ஜனதா கட்சி

Post by வந்தியதேவன் Mon Oct 05, 2009 3:58 pm

ஈழ ஏதிலிகள் இலங்கையிலேயே கௌரவமாக வாழவைக்கப்பட வேண்டும் – பாரதீய ஜனதா கட்சி

இந்தியாவில் உள்ள ஈழ ஏதிலிகளுக்கு அவர்கள் தமது சொந்த நாட்டிலேயே கௌரவமான முறையில் வாழ்க்கை நடத்துவதற்கான வசதிகளை இந்திய மத்திய மற்றும் தமிழக அரசாங்கங்கள் மேற்கொள்ள வேண்டும் என வலியுறுத்தப்பட்டுள்ளது. இந்த வலியுறுத்தலை இந்திய பாரதீய ஜனதா கட்சியின் தமிழ் நாட்டு பிரிவு விடுத்துள்ளது.
இலங்கை ஏதிலிகளுக்கு இந்திய பிரஜாவுரிமை வழங்கப்படுவதை விடவும் இதுவே அவர்களுக்கான மேலான தீர்வாக அமையும் என அதன் உபத்தலைவர் எச். ராஜா தெரிவித்துள்ளார்.

இலங்கையில் இருந்து ஏதிலிகளாக வந்து இந்தியாவில் தஞ்சடைந்துள்ளவர்களுக்கு இந்திய பிரஜாவுரிமை வழங்கப்பட வேண்டும் என திராவிட முன்னேற்றக் கழகம் தீர்மானம் நிறைவேற்றி மத்திய அரசாங்கத்துக்கு வலியுறுத்தியிருந்தது.

இதற்கு பதிலளிக்கும் வகையிலேயே அவர் இந்த கருத்தினை தெரிவித்துள்ளார்.

இந்திய மத்திய மற்றும் தமிழக அரசாங்கங்களின் இறுதி நோக்கம் ஈழ ஏதிலிகளை இலங்கையிலேயே கௌரவமாக வாழ வைப்பதற்கானதாக இருக்க வேண்டும் என அவர் கோரியுள்ளார்.

வந்தியதேவன்: புதியவர்; பதிவுகள் : 16
இணைந்தது : 04/10/2009