ரிக் வேதம் – குதிரை வேள்வி

ரிக் வேதம் பத்து மண்டலங்களாகப் பிரிக்கப்பட்டுள்ளது. பத்துமண்டலங்களில் ஒன்பதாவது மண்டலம் கள்ளுக்கென்றே ஒதுக்கப்பட்டுள்ளது. ஏனைய ஒன்பது மண்டலங்களும் இந்திரன், அக்கினி, அசிவினிகள், மருத்துக்கள், மித்திரா வருணர்கள், பல தேவர்கள் என நூற்றுக்கு மேற்பட்ட அதிகாரங்களாக தொகுக்கப்பட்டுள்ளன. மொத்தம் 1028 அதிகாரங்கள் உள்ளன. இந்த அதிகாரங்கள் 10552 பாடல்களை உள்ளடக்கியவை. பின்வருவன குதிரை வேள்வி பற்றியவை.

1. வேள்விக்காகக் கொண்டு வரப்பட்ட குதிரை, வேள்வி செய்யப்படும் இடத்திற்கு ஓட்டிச் செல்லப்படுகிறது. குதிரைக்கு முன்னே ஒரு ஆடும் செல்கிறது. இந்த ஆடு இந்திரனுக்கும், பூசனுக்கும் மிகவும் பிடித்தமானது.

2. இந்த ஆடு பூசனுடைய பங்குக்காக அவனால் கொடுக்கப்பட்டது. ஆடு மே, மே என்று கத்திக் கொண்டு முன்னே செல்ல, அதன் பின்னே குதிரையைப் பிடித்து இருப்பவனும், மற்றவர்களும் பின் செல்லுகின்றனர்.

3. குதிரை பலியிடத்தை (வேதியை) மும்முறை சுற்றுவதற்கு ஓட்டப்பட, குதிரையின் முன்னே செல்லும் ஆடு, தேவர்களுக்கு வேள்வியை அறிவிப்பது போல்-கத்திக் கொண்டு செல்லுகிறது.

4. சமையல்காரரும், (அத்வர்யு) உணவு பரிமாறுபவர்களும், தீ மூட்டுபவரும், சோமரசத்தைப் பிழிபவரும், புரோகிதரும், முனிவரும், வேள்வியின்போது மந்திரம் ஓதுபவரும், வேள்விக்கு வேண்டிய தண்ணீருக்கு, அருகில் இருக்கும் ஆற்றில் இருந்து தண்ணீர் கொண்டு வருவதற்காக, வாய்க்கால் தோண்டுபவரும், இப்படியாக முறையோடு வேள்வி வெற்றி அடைவதற்கான எல்லா வேலைகளும் தொடங்கப்பட்டன.

5. குதிரைக்கட்டுவதற்கான, மரத்தை ஒருவர் வெட்ட, ஒருவர் வெட்டிய மரத்தைத் தூக்க, தூக்கிக் கொண்டு வரப்பட்ட மரத்தை ஒருவர் வாட்டமாகச் செதுக்க, குதிரைக் கறியின் பாகங்களைச் சமைப்பதற்காகச் சமையல் பாத்திரங்களைச் சிலர் கொண்டுவர – தொடர்ந்து வேள்வியின் வேலைகள் நடக்கின்றன.

6. எங்கள் ஆசைகள் நிறைவேறும் பொருட்டு, தேவர்களே, வழுவழுப்பான முதுகுள்ள குதிரை ஓட்டி வரப்படுகிறது. தேவர்களுடைய ஆவலை நிறைவேற்றுவதற்காக இந்தக் குதிரையைக் கொலை செய்கிறோம்; வெட்டுகிறோம்.

7. குதிரையின் கழுத்திலும், கால்களிலும், கட்டப்பட்டிருந்த கயிறுகளும், வார்களும் அலங்கரிக்கப்பட்டிருந்த சாமான்களும் அதன் வாயினுள்ளிருந்த புல்லும் மற்றவை அனைத்தும் தேவர்களிடம் செல்க.

8. நாற்றமுள்ள பகுதிகள், செரிக்காத புற்கள், சமையலுக்கு உதவாத அனைத்தையும், வெட்டித்துண்டு போடுபவர்கள் நீக்கி, சுத்தப்படுத்திச் சமைப்பதற்கு எடுத்துச் செல்லவும்.

9. குதிரையின் முப்பத்து நான்கு விலா எலும்புகளிலே கத்தி செல்கிறது. எந்தந்தப் பகுதிகளும் கெடாதவாறு கறியை வெட்டுங்கள். திறமையுடன் வெட்டுங்கள். துண்டு போடும்போது, ஒவ்வொரு துண்டின் பெயரையும் கூறுங்கள்.

10. நெருப்பிலே கறித்துண்டங்கள் கம்பியால் குத்தப்பட்டு, சுடப்படுங்கால், கம்பியிலிருந்து, ஒரு துண்டம் கூடத் தரையிலோ, புல்லிலோ விழுந்து விடாதவாறு கவனமாகப் பார்த்துக் கொள்ள வேண்டும். ஏனென்றால் தேவர்கள் உண்ணக்கூடியது.

11. குதிரை வெந்து மணம் வீசுகிறது. அந்த வாசம் எங்களைச் சாப்பிட வா வா என்று அழைக்கிறது. வாசம் அருமையாக இருக்கிறது. அடுப்பிலிருந்து இறக்கி விடுங்கள். எங்களுக்குக் குதிரைக் கறிகளைக் கொடுங்கள். பிச்சை கேட்கும் அவர்களுக்கும் கொஞ்சம் கொடுங்கள்.

(நன்றி: ரிக் வேதம் புத்தகம் – குருவிக்கரம்பை வேலு)

குதிரையைக் கொலை செய்கிறோம்; வெட்டுகிறோம்.

ரிக் வேதம் - இந்திரன் வேள்வியில் நீங்கள் சொன்ன
தமிழர் கொள்கை எது ? என்று நான் 'பெரிதாக விரித்துரைக்க' அவசியம் இல்லை என்றே நினைக்கின்றேன். ஏனெனில் 'மிகச் சிறிதாகவே' (வார்த்தை அளவில்) நமது ஐயன் குறிப்பிட்டுள்ளார்.
அதிகாரத் தலைப்புகளை மட்டும் பாருங்கள்.
சில எடுத்துக் காட்டுகள்: கள்ளுண்ணாமை, சூது (வேண்டாமை), கொல்லாமை, புலால் மறுத்தல், மெய்யுணர்தல் ... இப்படி 133 தலைப்புகள். 1330 குறள்கள்.
முழுவதும் உணர்ந்து படியுங்கள். தமிழர் கொள்கை முழுவதும் எது என தெரிந்து விடும். இவற்றுக்கும் வடமொழி வேதங்களுக்கும் எந்த வித தொடர்பும் இல்லை என்பதும் புரிந்து விடும்.
தெளிவாக புரிந்து கொண்டேன்.