ரிக் வேதம் – அக்கினி துதி

**சாமி** · **சாமி** Sat Apr 28, 2012 10:17 pm

ரிக் வேதம் பத்து மண்டலங்களாகப் பிரிக்கப்பட்டுள்ளது. பத்துமண்டலங்களில் ஒன்பதாவது மண்டலம் கள்ளுக்கென்றே ஒதுக்கப்பட்டுள்ளது. ஏனைய ஒன்பது மண்டலங்களும் இந்திரன், அக்கினி, அசிவினிகள், மருத்துக்கள், மித்திரா வருணர்கள், பல தேவர்கள் என நூற்றுக்கு மேற்பட்ட அதிகாரங்களாக தொகுக்கப்பட்டுள்ளன.
மொத்தம் 1028 அதிகாரங்கள் உள்ளன. இந்த அதிகாரங்கள் 10552 பாடல்களை உள்ளடக்கியவை. இதில் அக்கினிக்கு 2000 பாடல்கள் உள்ளன.

1. நான் (துதிபாடும் ரிஷியாகிய) புரோகிதனும் உயிர்ப்பலி யக்ஞத்தின் தலைவனும் ரத்தினமளிப்பனுமான அக்னியைத் துதிக்கிறேன்.
மண்டலம் 1, அதிகாரம் (சூக்தம்) 1, பாடல் (சுலோகம்) 1

2. அக்கினியை நாள்தோறும் வழிபடுபவன், செழிப்பைத் தருவதும், சிறப்புள்ளதுமான செல்வத்தைப் பெறுகிறான்.
மண்டலம் 1, அதிகாரம் (சூக்தம்) 1, பாடல் (சுலோகம்) 3

3. அக்கினியே! நாங்கள் நாள்தோறும் இரவிலும் பகலிலும் மனத்தால் வணங்குவதற்கு உன்னிடம் வருகிறோம்.
மண்டலம் 1, அதிகாரம் (சூக்தம்) 1, பாடல் (சுலோகம்) 7

4. அக்கினியே! நாங்கள் உன்னிடம் எளிதாய் வருவதற்கு மகனிடம் தந்தையைப் போல் இருக்கவும்.
மண்டலம் 1, அதிகாரம் (சூக்தம்) 1, பாடல் (சுலோகம்) 9

5. அக்கினியே! அரணிக்கட்டைகளைக் கடைவதால் பிறந்த நீ, பரத்தியுள்ள தர்ப்பைப் புல்லுக்குத் தேவர்களை அழைத்து வா. நீ அவர்களுடைய தலைவன். துதிக்கத் தகுதியுள்ளவன்.
மண்டலம் 1, அதிகாரம் (சூக்தம்) 12, பாடல் (சுலோகம்) 3

6. நீ தூதனின் கடமையைச் செய்வதால் அவிகளை விரும்பும் தேவர்களை எழுப்பவும். நீ அவர்களோடு வந்து தர்ப்பையின் மீது அமரவும்.
மண்டலம் 1, அதிகாரம் (சூக்தம்) 12, பாடல் (சுலோகம்) 4

7. அக்கினியான நீ, ராக்ஷதர்களால் காக்கப்படும் (வீரர்களால் காக்கப்படும் தமிழர்களை) எங்களுடைய பகைவர்களைச் சாம்பலாக்கவும்.
மண்டலம் 1, அதிகாரம் (சூக்தம்) 12, பாடல் (சுலோகம்) 5

8. எப்பொழுதுமே இளைஞனாய் இருப்பவனும், மனையைப் பாலிப்பவனும், அவிகளை வேகவைப்பவனும், ஆகுதிகளை (பசுவைக் கொன்று கொண்டாடும் விருந்து) பெற்றுச் செல்பனுமான அக்கினி (வேறு ஓர்) அக்கினியால் மூட்டப்படுகிறான்
மண்டலம் 1, அதிகாரம் (சூக்தம்) 12, பாடல் (சுலோகம்) 6

(தொடரும் – நன்றி: ரிக் வேதம் புத்தகம் – குருவிக்கரம்பை வேலு)

பத்மநாபன் · பத்மநாபன் Sun Apr 29, 2012 8:18 pm

நல்ல பதிவு. தொடருங்கள் சாமி.

**T.N.Balasubramanian** · **T.N.Balasubramanian** Sun Apr 29, 2012 8:43 pm

உங்கள் பதிவுகளை மேலெழுந்தவாரியாக படித்தல் ,நுனிப்புல் மேய்தல் பயன் அளிக்கா. நிதானமாக படிக்க வேண்டும். தொடருங்கள்.
ரமணியன்.

**சாமி** · **சாமி** Mon Apr 30, 2012 7:17 am

T.N.Balasubramanian wrote:உங்கள் பதிவுகளை மேலெழுந்தவாரியாக படித்தல் ,நுனிப்புல் மேய்தல் பயன் அளிக்கா. நிதானமாக படிக்க வேண்டும். தொடருங்கள்.
ரமணியன்.

நன்றி ஐயா!

Sponsored content · Sponsored content

ரிக் வேதம் – அக்கினி துதி

ரிக் வேதம் – அக்கினி துதி

Re: ரிக் வேதம் – அக்கினி துதி

Re: ரிக் வேதம் – அக்கினி துதி

Re: ரிக் வேதம் – அக்கினி துதி

Re: ரிக் வேதம் – அக்கினி துதி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக